ગિરના જંગલોમાં સિંહની સંખ્યામાં થયો વધારોઃ પ્રાથમિક ગણત્રી કરાઈઃ ૬૦૦ જેટલા નોંધાયા સિંહ / લિબીયામાં રાજધાની તરફ વિદ્રોહી સેના આગળ વધીઃ પ૦૦ જેટલા ભારતીયોને સુષ્મા સ્વરાજે ઝડપથી દેશ છોડવા કહ્યું / પાસના નેતા હાર્દિક પટેલને લાફો જીકનાર યુવકના કડી તેમજ જાસલપુરમાં આવેલા નિવાસ સ્થાને બીએસએફના જવાનો તથા પોલીસ તૈનાત /

ખેડૂતોના પ્રશ્નોનું નિરાકરણ અને તેમના હિતો-વિકાસકાર્યો મારી પ્રાથમિક્તાઃ રાઘવજી પટેલ

જામનગર લોકસભાની ચૂંટણી સાથે જાહેર થયેલ ૭૭-જામનગર (ગ્રામ્ય) વિધાનસભાની બેઠકની પેટા ચૂંટણી માટે ભારતીય જનતા પાર્ટી દ્વારા પૂર્વ કેબિનેટ મંત્રી રાઘવજીભાઈ પટેલને મેદાનમાં ઉતાર્યા છે. રાઘવજીભાઈએ 'નોબત'ની શુભેચ્છા મુલાકાત લઈ ઔપચારિક વાતચીતમાં જણાવ્યું હતું કે ૧૯૯૦ થી પ્રજાના પ્રતિનિધિ તરીકે જાહેર જીવનમાં છું અને ૭૭-જામનગર (ગ્રામ્ય) વિધાનસભા મતવિસ્તારના તમામ ગામડાઓ અને ઘર-ઘરથી તથા લોકો સાથે સતત સંપર્કમાં રહ્યો છું અને આ વિસ્તારના ગામડાઓના પ્રશ્નોથી સારી રીતે વાકેફ છું. અત્યાર સુધીના સમયગાળામાં મહદ્અંશે વિપક્ષમાં રહ્યો હોવાથી મારા કાર્યોને વેગ મળતો ન હતો કે મારી રજૂઆતોને યોગ્ય પ્રતિભાવ મળતો નહોત, પરંતુ હવે હું સત્તાધારી પક્ષના ધારાસભ્ય તરીકે જઈશ ત્યારે તેમના કાર્યોને પૂરજોશમાં વેગ મળશે. એટલું જ નહીં, જામનગર જિલ્લાના બે મંત્રીઓ હોવાથી તેમના વિસ્તારના વિકાસકામોને પણ જબરો વેગ મળશે. તેમણે મુલાકાતના અંતે જણાવ્યું હતું કે આ વિસ્તારના ખેડૂતોના પ્રશ્નો માટે સતત જાગૃત રહીને કાર્ય કરવાની તેમની પ્રાથમિક્તા રહેશે. આ વિસ્તારમાં પીવાના કે સિંચાઈના પાણીની કોઈ સમસ્યા નથી. નર્મદાના પાણી દરેક ગામડાને મળે છે. આરોગ્ય અને શિક્ષણ ક્ષેત્રે પણ તમામ સુવિધાઓ સત્વરે ઉપલબ્ધ થાય તેવા મારા પ્રયાસો હશે તેમ જણાવ્યું હતું. 'નોબત'ની મુલાકાતે આવેલા રાઘવજીભાઈ પટેલ તથા તેમની સાથે આવેલા રાજ્ય કક્ષાના મંત્રી ધર્મેન્દ્રસિંહ જાડેજા (હકુભા જાડેજા) નું 'નોબત'ના તંત્રી પ્રદીપભાઈ માધવાણી તથા ચેતનભાઈ માધવાણીએ પુષ્પગુચ્છથી સન્માન કરી ચૂંટણીમાં વિજેતા થાય તેવી શુભેચ્છા પાઠવી હતી. 'નોબત'ની મુલાકાત પ્રસંગે તેમની સાથે જિલ્લા ભાજપ પ્રમુખ ચંદ્રેશભાઈ પટેલ, જાડાના પૂર્વ ચેરમેન દિલીપસિંહ ચુડાસમા, જિલ્લા ભાજપ મહામંત્રીઓ ડો. વિનુભાઈ ભંડેરી તથા પ્રવિણસિંહ જાડેજા, જામનગર તાલુકા ભાજપ પ્રમુખ મુકુન્દભાઈ સભાયા, તાલુકા ભાજપ મહામંત્રી કુમારપાળસિંહ રાણા, ભાજપ અગ્રણી બકુલસિંહ જાડેજા તથા મારખીભાઈ વસરા સાથે રહ્યા હતાં.

(તસ્વીરઃ નિર્મલ કારિયા)

 

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription