અફઘાનિસ્તાનમાં બે જગ્યાએ તાલીબાની હુમલામાં ૧પ સૈનિકો તેમજ ચાર પોલીસના નિપજયા મૃત્યુ / આગામી ર૬ જાન્યુઆરીની પરેડના મુખ્ય મહેમાન તરીકે હાજર રહેવા ભારતે ડોનાલ્ડ ટ્રમ્પને મોકલાવ્યુ આમંત્રણ / નર્મદામાં આવ્યા નવા નીરઃ સરદાર સરોવર ડેમની સપાટી ૧૦૯.૯૫ મીટરે પહોંચી /

વૈષ્ણવ સંપ્રદાયની પરંપરા નષ્ટ થતી અટકાવોઃ યાત્રિકોની સુવિધા માટે વહીવટ સરકાર સંભાળે

દ્વારકા તા. ૧૩ઃ હિન્દુ ધર્મના વૈષ્ણવ સંપ્રદાયને  આધીન આવેલા દ્વારકા નજીકના બેટ-દ્વારકાધીશ મંદિરને છેલ્લા બે દાયકાથી સૌથી વધારે લુણો લાગી ગયાનું બહાર આવ્યું છે. વર્ષોની પરંપરાનો નાશ થઈ રહ્યો છે. હિન્દુ સાંસ્કૃતિના આ મંદિરની વ્યવસ્થા તથા ટ્રસ્ટની નીતિ સામે અનેક પડકારો ઊભા થયા હોય તેવી વિગતો બહાર આવી છે. તે જોતા વૈષ્ણવ સંપ્રદાયના બાલકો અને રાજ્ય સરકારની દરમિયાનગીરી જરૃરી બની છે.

બેટ-દ્વારકાધીશ મંદિર ટ્રસ્ટના અધ્યક્ષસ્થાને વલ્લભ કુળના બાલકને સ્થાન આપવું જરૃરી બન્યું છેઃ અશ્વિન પુરોહિત

બેટ-દ્વારકાના દ્વારકાધીશ મંદિરની અવસ્થા અને સામે આવેલા ટ્રસ્ટીઓના રાજીનામા અંગે યોગ્ય પ્રકાશ પાડતા દ્વારકા ગુગળી જ્ઞાતિના પ્રમુખ અશ્વિનભાઈ પુરોહિતએ જણાવ્યું છે કે વૈષ્ણવ સંપ્રદાયનું બેટ-દ્વારકા મંદિર છે અને આગળના સમયમાં બ્રહ્મચાર્યો દ્વારા ઠાકોરજીની સેવા-પૂજા ખૂબ જ હૃદયના ભાવે ઉત્સાહથી થતી હતી. જ્યારે હાલના  સમયમાં સેવાના નામે શૂન્યાવકાશ સર્જાયો છે. જે રીતે ઠાકોરજીને શણગાર ભોગ વિગેરે કરવા જોઈએ તે નિત્યક્રમ મુજબ કશું જ થતું નથી.

આવા સમયે યોગ્ય અને કર્મઠ સેવાભાવી વૈષ્ણવ સંપ્રદાયના ટ્રસ્ટીઓ રાજીનામા આપેલ છે જે સમગ્ર બાબત વૈષ્ણવ સમાજ માટે આઘાતની ઘટના સમાન છે અને સૌ રાજીનામું આપનાર ટ્રસ્ટીઓને જાહેર અપીલ કરીએ છીએ કે તેઓ તેમના નિર્ણય અંગે પુનઃ વિચારણા કરે અને ઠાકોરજીની સેવામાં રાજીનામું પરત ખેંચી તેવી સૌ વૈષ્ણવ સમાજની લાગણી અને માંગણી છે.

બેટ-દ્વારકાધીશ મંદિરમાં હીરા-ઝવેરાત અને સુવર્ણ અમૂલ્ય અલંકારો ઠાકોરજીની સેવામાં વર્ષોપૂર્વે રાજા રજવાડા અને અનેક વૈષ્ણવ પરિવારોએ દાનમાં આપ્યા છે જે કોઈ અગમ્ય કારણોસર અમદાવાદના બેંક લોકરમાં પડ્યા છે જેનો ઉપયોગ ઠાકરોજીની સેવામાં થતો નથી.

જેથી અર્પણ કરેલા વૈષ્ણવોની લાગણી પણ દુભાય છે. બેટ-દ્વારકા મંદિરમાં જ દાગીનાઓ સુરક્ષિત  રાખવા માટે તુષારખાનુ છે, તેમાં જ રહેવા જોઈએ. જરૃર પડ્યે વધુ સુરક્ષા ઊભી કરવી જોઈએ.

ખરેખર તો વૈષ્ણવ સંપ્રદાયના આ દ્વારકાધીશ મંદિરમાં ફરીથી વૈષ્ણવ સંપ્રદાય લુપ્ત થતી પરંપરાઓને જાળવી રાખવા ટ્રસ્ટના અધ્યક્ષસ્થાને કોઈ વલ્લભ કુળના બાલકોને જવાબદારી સોંપવી જોઈએ તેવી સર્વ વૈષ્ણવ સંપ્રદાયની માંગણી અને લાગણી છે.

નિત્ય ક્રમની સેવાઓ લૂપ્ત થતી જાય છેઃ પરેશ ઝાખરિયા

બેટ-દ્વારકાધીશ મંદિરની નિત્ય ક્રમની અનેક સેવાઓ લુપ્ત થતી જાય છે. દ્વારકા નગરપાલિકાના ઉપપ્રમુખ અને વૈષ્ણવ સમાજના અગ્રગણી પરેશભાઈ ઝાખરિયાએ મંદિરની નિત્ય સેવાક્રમની લુપ્ત થતી બાબતો ઉપર પ્રકાશ પાડતા કહ્યું છે કે, બેટ-દ્વારકાના રાણીવાસમાં લક્ષ્મીજી, સત્યભામા, જાબુવતિજી અને રાધાજીના મંદિરો આવેલા છે. પરંપરા મુજબ ચાર ગાદિપતિની નિમણૂકો હતી અને માતાજીની નિત્ય સેવા માટે  ચાંદીનો હોજ, ચાંદીના ફૂવારા જેવા અનેક અમૂલ્ય આભૂષણો સાથે ગાદીપતિઓ સેવા-પૂજા કરતા હતાં અને કેસર અને અંતર જેવી ચીજવસ્તુઓથી સેવા-પૂજા સખીભાવે ગાદિપતિઓ કરતા જે ભાવ પ્રગટ થતો હતો તે આજે જોવા મળતો નથી અને પટરાણીનો રાજ મહેલમાં પણ સેવાનો ભાવ જોવા મળતો નથી અને સુદામાના નિવાસસ્થાન જેવું વાતાવરણ જોવા મળે છે.

બેટ-દ્વારકાધીશ મંદિરનો વહીવટ રાજ્ય સરકાર સંભાળેઃ નિર્મલ સામાણી

દ્વારકાના સામાજિક અગ્રણી નિર્મલ સામાણીએ કહ્યું કે, બેટ-દ્વારકાધીશ મંદિરના વહીવટી બાબતે અને ટ્રસ્ટીઓના રાજીનામા બાબતે સાંભળવા મળતી વિગતોથી ખૂબ જ દુઃખ થાય છે. વર્તમાનમાં લાખો ભાવિક યાત્રિકોની આસ્થાના પ્રતીક સમાન હિન્દુ ધર્મની શ્રદ્ધાના પ્રતીક ભગવાન દ્વારકાધીશજીના  મંદિરના વહીવટમાં તથા યાત્રિકો  સુવિધાસભર વ્યવસ્થા જાળવવા યુદ્ધના ધોરણે પગલાં લેવાનો સમય પાકી ગયો છે. દેશ-વિદેશથી આવતા પ્રવાસીઓને દ્વારકાધીશ મંદિરનો ખરા અર્થમાં પરિચય થાય અને હજારો કિ.મી.ના અંતરેથી આવતા ભાવિકોને બેટ-દ્વારકામાં દ્વારકાધીશજીના દર્શન કર્યાનો ભાવ વ્યક્ત થાય તેવું પુનઃ વાતાવરણ વૈષ્ણવ સંપ્રદાય તથા રાજ્ય સરકારે બનાવું જોઈએ. હાલમાં બેટ-દ્વારકાની યાત્રાએ આવતા ભાવિકોને પણ મંદિરે દર્શન કરવા આવ્યાનો ભાવ જોવા મળતો નથી.

જો રાજ્ય  સરકાર તાત્કાલિક અસરથી બેટ મંદિરના વહીવટ માટે વલ્લભકુળના બાલકોને સાથે રાખીને આઈ.એ.એસ. કક્ષાના અધિકારીની નિમણૂક કરે તો બેટ-દ્વારકા આવતા યાત્રિકો સૂચારૃ અને સુવ્યવસ્થિત દર્શનની તથા અન્ય વ્યવસ્થા આપી શકાય.

મંદિરની ચલ-અચલ સંપત્તિની જાળવણી અને સુરક્ષા જરૃરીઃ નારાયણનંદજી મહારાજ

દ્વારકા શારદાપીઠના પ્રતિનિધિ શ્રી નારાયણનંદજીએ જણાવ્યું હતું કે બેટ-દ્વારકાધીશ મંદિરની કિંમતી અને અમૂલ્ય ચલ-અચલ જે કાંઈ સંપત્તિ છે તેની યોગ્ય રીતે જાળવણી થાય તે જરૃરી છે અને વહીવટ સારી રીતે થવો જોઈએ. ભગવાન દ્વારકાધીશજીને એક એક રૃપિયાનો હિસાબ દરેક માણસે આપવો પડતો હોય છે. તો પછી ભગવાનના જ આ દેવ મંદિરમાં સંપત્તિને સારી રીતે જાળવી રાખીને તેનો ઉપયોગ થાય તે જરૃરી છે. બેટ-દ્વારકામાં કેન્દ્ર સરકાર દ્વારા નવસો કરોડ રૃપિયાને ખર્ચે પૂલનું નિર્માણ થતું હોય, જેથી અનેક લોકોની નજર બેટ-દ્વારકાની જમીન હોવાનું પણ સ્વામીજીએ કહ્યું હતું અને વૈષ્ણવ પરિવારના જ ટ્રસ્ટીઓએ આપેલા રાજીનામા બેટ-દ્વારકાધીશ મંદિરના હિતમાં પરત ખેંચવા જોઈએ.

સેવાપૂજા ગુગળી બ્રાહ્મણોને સોંપોઃ ભગવતપ્રસાદ પાઢ

દ્વારકાના મંદિરમાં જે ઉત્સવો અને સેવા-પૂજા થાય છે તેવો નિત્ય ક્રમ બેટ-દ્વારકામાં થતો નથી-ભગવત પાઠે બેટ-દ્વારકાધીશ મંદિરના ટ્રસ્ટીઓના રાજીનામા અંગે દુઃખ વ્યક્ત કરતા બેટ દ્વારકા ગુગળી સમાજના પંડાસભાના પ્રમુખ ભગવતપ્રસાદ પાઢએ જણાવ્યું હતું કે દ્વારકાના દ્વારકાધીશ મંદિરમાં જે ગુગળી બ્રાહ્મણ  પૂજારી પરિવાર સેવા-પૂજાનો નિત્યક્રમ અને ઠાકોરજીને લાડ લડાવે છે તેવું કાંઈ ઉત્સાહપૂર્વકનું વાતાવરણ બેટ-દ્વારકામાં દર્શનાર્થીઓને જોવા મળતું નથી. ભારતના દેવ મંદિરોમાં ઉત્સવ શણગાર અને નિત્યક્રમ સાથેના પ્રણાલિકા મુજબના દર્શનમાં સૌથી વધારે દ્વારકા મોખરે છે. બેટ-દ્વારકામાં ઠાકોરજીની સેવામાં ગુગળી બ્રાહ્મણોને દૂર રાખવામાં આવે છે. જો તેનો ઉપયોગ કરવામાં આવે તો ગુગળી બ્રાહ્મણો બેટ-દ્વારકામાં પણ અલૌકિક દર્શનનો લાભ યાત્રિકોને આપી શકે.

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00