ગુજરાત સરકારને સપ્રિમ કોર્ટનો આદેશઃ બિલ્કીસ બાનોને રૃા. પ૦ લાખ ઘર તથા નોકરી આપો / ૩૦ વર્ષના લાંબા સમયગાળા બાદ લાલકૃષ્ણ અડવાણી સામાન્ય નાગરીક તરીકે કર્યું મતદાન / ધર્મેન્દ્ર-હેમા માલિની બાદ સની દેઓલ પણ જોડાયા ભાજપમાંઃ પંજાબથી ચૂંટણી લડવાની આશંકા

બીજા હક્કો માટે લડત, અને મતાધિકાર પ્રત્યે સુસ્ત રહેવાનું પાલવે નહીં હો...

લોકશાહીમાં મત આપવાની પ્રક્રિયા દાન કહેવામાં આવ્યું છે, તેમજ મતાધિકાર પણ કહેવાય છે. મત આપવાનો હક્ક એટલે મતાધિકાર, પરંતુ આ એક હક્ક જ એવો છે, જેના માટે જનતાને વધુને વધુ જાગૃત કરવી પડી રહી છે. અન્ય હક્કો માટે આંદોલનો થાય છે, શેરીથી સંસદ સુધી સંઘર્ષ થાય છે અને કેટલાક હક્કો માટે મોંઘીદાટ કાનૂની લડત પણ થતી હોય છે, જ્યારે મતાધિકાર પ્રત્યે ઘણી વખત નિષ્કાળજી, આળસ કે પછી નિરાશાના કારણે આપણે જાગૃત રહેતા નથી, મતાધિકાર એ એટલે અધિકાર છે, જે લોકશાહીને મજબૂત તો કરે જ છે, પરંતુ આપણી પસંદગીની સરકાર રચવાની તક પણ આપે છે.

જો કે, હાલારની વાત છે, ત્યાં સુધી મતાધિકાર માટે અન્ય વિસ્તારોની સરખામણીમાં ક્રમશઃ જાગૃતિ વધી રહી છે, અને ઘણી વખત જંગી મતદાન કરીને આશ્ચર્યજનક પરિણામો પણ આપ્યા છે, પરંતુ જ્યારે લોકસભાની ચૂંટણી હોય, ત્યારે તો દેશની સરકાર રચવા માટે પણ આપણી પસંદગીની તક મળતી હોય છે, તેથી આ ચૂંટણીમાં પણ જંગી મતદાન માટે સ્વયંભૂ પ્રયાસો કરવા જોઈએ.

હાલારમાં ઘણી વખત અગાઉની ચૂંટણી કરતા વધુ મતદાન થયું હોય, ત્યારે પરિવર્તન પણ આવ્યું છે, અને ઘણી વખત પૂનરાવર્તન માટે પણ જંગી મતદાન થયું છે, જેથી એમ માની શકાય કે મતદારોના મનમાં શું છે, તેની સાથી ખબર તો પરિણામો આવ્યા પછી જ પડી શકે છે.

હાલારમાં એક બાબત એ પણ નોંધપાત્ર છે કે, ક્રમશઃ મતદારોની સંખ્યા વધતી જાય છે, પરંતુ જે પ્રમાણમાં મતદારોની સંખ્યા વધે છે, તે પ્રમાણમાં મતદાનની ટકાવારી વધતી હોતી નથી. દૃષ્ટાંત તરીકે વર્ષ-૧૯પ૭ માં જામનગરથી બોમ્બે તરીકે ઓળખાતી બેઠક માટે ૩પ ટકા મતદાન થયું હતું,તે સમયે સાડાત્રણ લાખ મતદારો હતા, જ્યારે વર્ષ-ર૦૦૯ માં મતદારો તેર લાખ એટલે કે લગભગ ચાર ગણા થયા, પરંતુ મતદાન ૪પ ટકા જ થયું. એટલે કે મતદારોની સંખ્યા વધે તે પ્રમાણમાં મતદાનની ટકાવારી વધતી નથી.

વર્ષ-ર૦૧૯ ની લોકસભાની ચૂંટણીમાં ૧૬ લાખથી વધુ મતદારો છે, જેથી વર્ષ-ર૦૦૯ ની સરખામાણીમાં લગભગ ત્રણ લાખથી વધુ મતદારો વધ્યા છે. મતદાન વર્ષ-ર૦૦૯ માં ૪પ ટકા થયું હતું. જે વર્ષ-ર૦૧૪ ની ચૂંટણીમાં પરિવર્તનનો પવન છતાં પ૮ ટકા જેટલું રહ્યું હતું, એટલે કે, ૧૩ ટકા જેવું વધ્યું હતું. આ વખતે મતદાનમાં કેટલી વધઘટ થાય છે, તે જોવાનું રહે છે.

પહેલા એવું કહેવાતું હતું કે, જ્યારે જંગી મતદાન થાય ત્યારે પરિવર્તનનો સંકેત હોય છે, પરંતુ હવે તેવું રહ્યું નથી. હવે તો ઘણી વખત પૂનરાવર્તન માટે પણ જંગી મતદાન થતું હોય છે.

ગુજરાતમાં આવતીકાલે મતદાન છે. આપણને યોગ્ય ઉમેદવાર અને યોગ્ય સરકારની પસંદગી કરવા માટેની તક મળવાની છે. કદાચ મતદાન શબ્દ એટલા માટે પ્રયોજાયો હશે કે આપણે ધન દાન કરવાનું છે, એટલે કે, મત કોઈપણ પ્રલોભન કે ડર હેઠળ આપવાનો નથી. પ્રલોભનથી મત આપવો એ તો વિક્ય કહેવાય, દાન નહીં... જ્યારે ડરથી મત આપવો અને એ પણ આપણા અંતરાત્માની વિરૃદ્ધ જઈને મત આપવો એ તો દાન નહીં, પરંતુ કાયરતા અથવા દ્રોહ જ ગણાય. હવે તો પ્રલોભન કે ડરનો પ્રયોગ કરનાર સામે ચૂંટણીપંચ સખ્ત કદમ ઉઠાવે છે, તેથી કોઈ પ્રલોભનથી મત ખરીદવાનો પ્રયાસ કરે કે કોઈ ચોક્કસ વ્યક્તિ કે પાર્ટીને મત આપવાનું દબાણ કરે, તો ચૂંટણીપંચના અધિકારીઓને જાણ કરી શકાય છે. એવી જ રીતે જો કોઈ મતદાન કરવા જતા અટકાવે તો તરત જ પોલીસ કે ચૂંટણીતંત્રને જાણ કરી શકાય છે.

મતાધિકારનો ઉપયોગ નહીં કરનારને અન્ય અધિકારો માંગવાનો નૈતિક હક્ક રહેતો નથી. 'મતદાન' એ અધિકાર કરતા પણ ફરજ વધુ છે. આપણે મતદાન કરીને હક્ક ભોગવી શકીએ છીએ અને રાષ્ટ્રીય ફરજ પણ બજાવી શકીએ છીએ.

મત કોને આપવો, તે વ્યક્તિગત અધિકાર છે, તેથી કોઈ પરિવારના વડા, ગામ કે સમાજના વડા કે પછી કોઈ સંસ્થાના વડાના કહેવા મુજબ મત આપવાના બદલે આપવો જોઈએ, કારણ કે, એ વ્યક્તિગત હક્ક છે. કોઈ ચોક્કસ પરિબળોના દોરવાયા દોરવાય જવું કે ગાડરિયા પ્રવાહની જેમ કોઈનું અનુકરણ કરવું, એ મતદાનમાં ચાલે નહીં. મતદાન તદ્દન ગુપ્ત રહેતું હોવાથી તમે વ્યક્તિગત રીતે કોને મત આપ્યો છે તે જાહેર થતું નથી. તેથી નિર્ભયતાથી મતદાન કરીએ. બીજા હક્કો માટે આંદોલનો કરીએ, લડત કરીએ અને મતાધિકાર માટે સુસ્ત રહીએ તે પાલવે નહીં હો... કાલે મતદાન કરવાનું છે, એ ભૂલાય નહીં...!

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription