અફઘાનિસ્તાનમાં બે જગ્યાએ તાલીબાની હુમલામાં ૧પ સૈનિકો તેમજ ચાર પોલીસના નિપજયા મૃત્યુ / આગામી ર૬ જાન્યુઆરીની પરેડના મુખ્ય મહેમાન તરીકે હાજર રહેવા ભારતે ડોનાલ્ડ ટ્રમ્પને મોકલાવ્યુ આમંત્રણ / નર્મદામાં આવ્યા નવા નીરઃ સરદાર સરોવર ડેમની સપાટી ૧૦૯.૯૫ મીટરે પહોંચી /

પત્રકાર સોસાયટી નજીક શાળા સંકુલોની જર્જરિત દીવાલોનું નવસર્જન ક્યારે?

જામનગરમાં સાત રસ્તા સર્કલથી લાલબંગલા સર્કલની વચ્ચે 'ગૌરવપથ'ની નજીક મીગ કોલોની સામે આવેલી પત્રકાર સોસાયટી તેમજ જજીશ બંગલો તથા જલારામનગર પર આગામી ચોમાસામાં પાણી ભરાવાના કારણે ભયંકર ગંદકી તથા સાપ જેવા જીવ-જંતુઓનો ખતરો તોળાઈ રહ્યો છે. આ ઉપરાંત સેંકડો વિદ્યાર્થીઓના આરોગ્ય પર પણ ખતરો ઝળુંબી રહ્યો છે. આનું કારણ વિદ્યોત્તેજક મંડળ સંચાલિત શૈક્ષણિક સંકુલની પાછળના મેદાનની ફરતે ઠેર-ઠેરથી તૂટેલી દીવાલ છે. સપટેમ્બર-ર૦૧૭ માં વિદ્યોત્તેજક મંડળ સંચાલિત અડધો ડઝન જેટલી શાળા-કોલેજોના સંકુલોની પાછળના મેદાનની ગંદકી અંગે રર મી સપ્ટેમ્બરના 'નોબત'માં અહેવાલો પ્રસિદ્ધ થયા પછી ગંદકી હટાવવાનું થોડું ઘણું કામ અને મેદાન સમતળ કરવાની પ્રવૃત્તિ તો થઈ, પરંતુ હજુ પણ ત્યાં ગંદકી જોવા મળી રહી છે. આ મેદાનને આરક્ષણ  આપવા માટેની દીવાલ અનેક સ્થળેથી તૂટેલી છે, અને બાકીની બિસ્માર દીવાલ પણ ગમે ત્યારે ધરાશાયી થાય તેવી છે. અહીંથી ચોમાસામાં ભરાતું સરોવર જેવું પાણી તૂંટલી દીવાલોમાંથી વહીને પત્રકાર સોસાયટી, જજીશ બંગલો અને જલારામ ઝુંપડપટ્ટીમાં કાદવ, કિચડ, કચરો અને સાપ-વીંછી જેવા જીવજંતુઓને સાથે પ્રવેશી જાય, તેવો ખતરો ઝળુંબી રહ્યો છે. આ કારણે અહીં વસવાટ કરતા પત્રકારો, વેપારીઓ, મભ્યમ વર્ગ અને જલારામનગરના રહેવાસીઓ ઉપરાંત વિદ્યોત્તેજક મંડળની શાળા-કોલેજોમાં અભ્યાસ કરતા સંખ્યાબંધ વિદ્યાર્થીઓના આરોગ્ય પર ખતરો વધી જશે, અને અહીં આવેલી તાલુકા પંચાયતના સ્ટાફ, સભ્યો, પદાધિકારીઓ અને સરકારી કામ માટે આવતા લોકોનું આરોગ્ય પણ જોખમાશે. છેલ્લા ઘણાં સમયથી તૂટેલી દીવાલોના કારણે ત્યાં ઘણાં લોકો કચરો ઠાલવી રહ્યા છે, તે બધો કચરો પણ  ચોમાસાના પાણીમાં તણાઈને વસાહતીઓના ઘરોમાં અને માર્ગો પર ભરાશે. બીજી તરફ ભૂગર્ભ ગટર થઈ ગયા પછી આ વિસ્તારોમાંથી પાણીના નિકાલની કોઈ વ્યવસ્થા નહીં હોવાથી વિસ્ફોટક સ્થિતિ ઊભી થશે. હાલમાં અહીં કચરો ઠાલવવાના મુદ્દે થતી નાની-મોટી તકરારોનું કારણ પણ આ તૂટેલી દીવાલો જ છે. આ ઉપરાંત આ તૂટેલી દીવાલોનો ગેરલાભ લઈને અસામાજિક તત્ત્વો રાત્રિના સમયે ત્યાં ગેરકાનૂની પ્રવૃત્તિઓ કરતા હોવાની પણ ચર્ચા છે. આવડા મોટા વિદ્યોત્તેજક મંડળે પાછળના મેદાનમાં પૂરતી લાઈટીંગની વ્યવસ્થા કે કોઈ વોચમેન પણ રાખ્યા નથી, તેથી આ સમસ્યાઓ જટિલ બની રહી છે.  વિદ્યોત્તેજક મંડળ દ્વારા આ તૂટેલી અને બિસ્માર દીવાલોને સ્થાને સત્વરે નવી બનાવવાની જરૃર છે. આ મેદાનમાં કાર્યક્રમો યોજવા માટે તો કલેક્ટર કચેરી મંજુરી આપતી હોય છે, પરંતુ તેની સફાઈ અને નવી દીવાલ બનાવવા માટે પણ વિદ્યોત્તેજક મંડળ અને સંબંધિત તંત્રોએ સત્વરે પગલાં લેવા જરૃરી છે, અન્યથા આ ચોમાસામાં આ વિસ્તારમાં જબરી વિસ્ફોટક સ્થિતિ સર્જાશે. જો સંસ્થા અને તંત્રો સત્વરે કાંઈ નહીં કરે તો ભરચોમાસે હડિયાપટ્ટી કરવી પડશે અને અહીંના વસાહતીઓનો આક્રોશ આસમાને ચડી જશે. આથી આ મેદાનને તત્કાલ સાફસૂફ કરવા, અહીં રાત્રિના સમયે ફૂલટાઈમ ચોકીદારો ગોઠવવા, પૂરતી લાઈટીંગ વ્યવસ્થા કરવા અને બિસ્માર દીવાલના સ્થાને નવી દીવાલ બનાવવા વિદ્યોત્તેજક મંડળના સંચાલકો ઝડપભેર પગલાં લેશે? સંબંધિત તંત્રો પણ આ માટે ચેતનવંતા બનશે? તેવા સવાલો અહીં રહેતા વસાહતીઓ ઊઠાવી રહ્યા છે.

આ પહેલાં વિદ્યોત્તેજક મંડળના પ્રમુખ ઈન્દુભાઈ વોરા અને સંબંધિત તંત્રોએ સપ્ટેમ્બર ર૦૧૭ ના અહેવાલો પછી અહીંના વસાહતીઓની સમસ્યા સમજીને તત્કાલ કેટલાક પગલાં લીધા હતાં, પરંતુ તે પછી તેમાં 'ઓટ' આવી ગઈ. અહીંની મૂળ સમસ્યાઓ અને સભંવિત નવી સમસ્યાઓ અંગે ત્વરિત અને અસરકારક કદમ ઊઠાવીને જનહિત જાળવવા તેઓ આગળ આવશે, તેવી આશા રાખીએ...

પત્રકાર સોસાયટી, જજીશ બંગલો અને જલારામ ઝુપડપટ્ટીને સાંકળતા માર્ગો તૂટીફૂટી જતાં તેમાં ડામરના થીગડાં મારવામાં આવ્યા છે. આ તમામ માર્ગો પણ નવીનિકરણ માંગે છે. જામનગર મહાનગરપાલિકાનું તંત્ર જાગશે?

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00