શ્રીલંકામાં થયેલા બ્લસ્ટમાં આઈએસઆઈએસએ આત્મઘાતી હુમલાખોરોની તસ્વીરો જારી કરી / શ્રીલંકાના કોલંબોમાં ફરી થયો બ્લાસ્ટ, મોટરસાયકલમાં હતો બોમ્બ / ભારતમાં ટીક ટોક પર પ્રતિબંધથી ચીની કંપનીને રોજનું સાડા ત્રણ કરોડનું નુકસાન / રાજસ્થાન તરફથી ફૂંકાતા પવનને કારણે ગુજરાતમાં ગરમી વધી, રવિવાર સુધીમાં ૪૫ ડિગ્રી તાપવાન થશે

રામ રાજ્યનો સંકલ્પ સાકાર કરવા પ્રતિબદ્ધ એ જ સાચી હનુમાન ભક્તિ

જગતના પાંચ ચિરંજીવીઓમાં જેની ગણતરી થાય છે એવા શ્રી રામ ભક્ત હનુમાનજીનો જન્મ ચૈત્ર સુદ-૧પ ના દિવસે થયો હતો. શંકરનું શિવાલય જેમ નંદી વગરનું હોતું નથી, તે જ પ્રમાણે શ્રી રામના દેવાલયની પૂર્ણતા હનુમાનજીની મૂર્તિ વગર થતી નથી. ભક્ત વગર ભગવાન અધુરા એ ભાવનું દર્શન આ ઘટના પરથી થાય છે.

રાવણની લંકામાં જવા ભગવાન રામને પુલ બાંધવો પડ્યો, જ્યારે હનુમાનજી કૂદી ગયા. હનુમાનજીના કૂદકાથી ભક્તનો મહિમા વધ્યો, જેમ પુત્રના પરાક્રમથી બાપ આનંદિત થાય છે, શિષ્ય પાસે હારી જવામાં સાચો ગુરુ ગૌરવ અનુભવે છે તેમ ભક્તિ મહિમા વૃદ્ધિમાં પ્રભુ પ્રેમ અનુભવે છે, જેનું ચિંતન પ્રભુ રામ કરે તેવા મહાપુરુષોમાં હનુમાનજી શ્રેષ્ઠ છે. મનુષ્ય તો તેમનું ચિંતન કરશે જ પણ આજ હજારો વર્ષથી જન સમુદાયના હૃદયમાં રામ એટલું આદરણીય સ્થાન હનુમાનજીને મળ્યું છે.

હજારો વર્ષ ગયા છતાં શ્રી હનુમાન જયંતી ઉજવાય છે, કારણ કે તેમણે પોતાના અંદરના શત્રુઓ ઉપર વિજય મેળવ્યો છે. ઈન્દ્રજીત જેવા શત્રુને હનુમાજીએ જીત્યા જ પણ મનની અંદર રહેલા કામ, ક્રોધ, લોભ, મોહ, મદ, મત્સર, ઈત્યાદી અસૂરો પર પણ તેમણે વિજય પ્રાપ્ત કર્યો હતો. સીતા શોધ માટે લંકા ગયા ત્યારે સોનાની નગરી અનેરૃપ સુંદરીઓનો ભંડાર હતો છતાં તેમનું મન ચલિત થયું ન હતું. કારણ કે ભગવાન શ્રી રામ જેવો ખજાનો જેણે પ્રાપ્ત કર્યો હોય તેને પછી જગતની સુખ સંપત્તિનો લોભ ક્યાંથી રહે?

શ્રી હનુમાનજી બળ, બુદ્ધિ સંપન્ન હતાં. તેમનામાં માનસ શાસ્ત્ર, રાજનીતિ, સાહિત્ય, તત્વજ્ઞાન વિગેરે શાસ્ત્રોનું ઊંડુ જ્ઞાન હતું. તેમને વ્યાકરણકાર અને રૃદ્રજન અવતાર માનવામાં આવે છે.

શ્રી હનુમાનજીને માનસ શાસ્ત્રનો જબરદસ્ત ઊંડો અભ્યાસ હતો. તેમની મુત્સદ્દીગીરી અને વિદ્યા ઉપર શ્રી રામને પણ અદ્ભૂત વિશ્વાસ હતો. તેમની વક્તૃત્વ શક્તિ પણ ગજબની હતી. હનુમાનજીની વાણીમાંથી જાણે જ્ઞાન નિષ્ઠ વૈચારિક પ્રવાહ સરળ છતાં પણ અર્થ ગંભીર ભાષા પ્રવાહનો શોધ વહી ન રહ્યો હોય તેમ સાંભળનારને લાગતું. તેમને માણસને પારખવાની શક્તિ ગજબની હતી. તે વિભિષણનું લંકા છોડી શ્રી રામ પાસે આગમન થયું ત્યારે દુશ્મનને સ્વીકારવો કે નહીં? તે પ્રસંગ બચાવે છે.

સીતાજીની શોધનું કામ પણ રામે જેટલા વિશ્વાસથી તેમના પર મૂક્યું હતું તેટલા જ વિશ્વાસથી તેમણે તે કાર્ય પાર પાડ્યું હતું. સુંદર કાંડ હનમાનજીની લીલાથી જ ભરેલો છે. ભગવાન ભક્તની લીલા ભગવાન અને ઋષિ મુનિઓને સુંદર લાગે છે.

લંકા દહ્ન એ હનુમાનજીની મરકટ લીલા ન હતી પણ રાજકારણ વિવશ થયેલું પૂર્ણ વિચારથી કરેલું કૃત્ય હતું. લંકા દહ્નમાં પૂર્ણ રાજનીતિછે તે દ્વારા લંકાની રાક્ષસ પ્રજાનું ગુમાન ખલાસ કર્યું છે. લંકા દહ્ન કરી યુદ્ધનું અડધું કામ પૂરૃં કર્યું છે. નાજૂકમાં નાજૂક અને કઠોરમાં કઠોર કામ હનુમાનજી સફળતાથી પાર પાડતા.

હનુમાનજી પોતાને રામના દાસ તરીકે ઓળખાવતા. હનુમાન દાસ્ય ભક્તિનો આદર્શ, દાલ મારૃતિ અને વીર મારૃતિ બન્નેમાં તે વીર અને રામને જીતનાર તે દાસ, દાસ હતો તેથી જ વીર થયા. હનુમાનમાં સેવક અને સૈનિકનો સહયોગ, ભક્તિ અને શક્તિનો સુગમ-સંગમ, રામાયણમાં હનુમાન શ્રી રાવણ બળમાં કંઈ કમ ન હતો, પણ રાવણનું બળ ભોગોને અર્પણ થયું હતું, જ્યારે હનુમાનજીનું બળ ભક્તિને અર્પિત થયું હતું એ કે રામ પત્ની સીતાજીને ભગાડી, બીજાએ તેને પાછી શોધી કાઢી, ભક્તિ શૂન્ય શક્તિ માનવને રાક્ષસ બનાવે છે, જ્યારે ભક્તિ યુક્ત શક્તિ માનવને દેવત્વ પ્રદાન કરે છે. આ હકીકત બન્ને પાત્રોની છણાવટ વાલ્મિકી રામાયણમાં સુંદર રીતે બતાવી છે.

આજે ઠેર ઠેર રાવણો અને કુંભકર્ણો જાગ્યા છે. આ સમયે રામનું  કામ કરતા હનુમાનજીની જરૃર છે. રામની સંસ્કૃતિનું રક્ષણ કરનાર દાસ મારૃતિ આજનો સમાજ માંગી રહ્યો છે તેવા નવા પ્રયત્ન કરનારને જ હનુમાન જયંતી ઉજવવાનો હક્ક અને અધિકાર છે. સંસ્કૃતિનું કામ અને રામનું કાર્ય કરવામાં પગલું ભરવું પડશે. રામરાજ્ય માટે હવે હનુમાનજીની જેમ દાસ ભક્તિ માટે કટિબદ્ધ થવું એ જ આથી હનુમાન ભક્તિ છે.

 

શ્રી હનુમાનજી મહારાજએ સાક્ષાત પ્રગટ થઈ બ્રહ્મચારી મહારાજને આપ્યા હતા બે વરદાન

બેટ-દ્વારકાના હનુમાન દાંડી મંદિરનું મહાત્મ્યઃ આજે હનુમાન જ્યંતીની ઉજવણી

બેટ-દ્વારકા તા. ૧૯ઃ ભગવાન શ્રીકૃષ્ણના વિશ્વ વિખ્યાત ગણાતા બેટ-દ્વારકામાં હનુમાનદાંડીનું મંદિર આવેલું છે. જેનું અનોખું મહત્ત્વ છે. જ્યાં આજે હનુમાન જ્યંતીની ભવ્ય ઉજવણી થઈ રહી છે. આ મંદિરે શ્રધ્ધાળુઓ સોપારી ચડાવે, તેની મનોકામના પૂર્ણ થતી હોવાનું મનાય છે.

બેટ દ્વારકામાં હનુમાનજીનું પુરાણ પ્રસિદ્ધ મંદિર 'હનુમાન દાંડી' આવેલું છે. પ્રાચીન કાલિન લોકવાયકા પ્રમાણે તીર્થભૂમિ બેટ-શંખોદ્વારનાં પ્રાચીન ધાર્મિક ઐતિહાસિક તીર્થસ્થાન શ્રી શંખનારાયણજી મંદિરના ગાદીસ્થ બ્રહ્મચારી મહારાજ સાંયકાલ આરતીના નિત્ય દર્શન માટે હનુમાન દાંડી મંદિરે જતાં. આ નિત્યક્રમ તેઓએ વૃદ્ધાવસ્થામાં પણ છોડ્યો ન હતો. એક વખત સાયંકાલ આરતીના દર્શન કર્યા બાદ પરત ફરતી વખતે ઘનઘોર વરસાદને કારણે ભૂલા પડતાં હનુમાનજી મહારાજ માનવ દેહે તેઓને પોતાના સ્થાન શંખનારાયણજી મંદિર સુધી હાથ પકડીને મૂકવા આવ્યા હતાં. પરત ફરતી વખતે બ્રહ્મચારી મહારાજે તેઓના ચરણ પકડી ખરી ઓળખાણ આપવા પ્રાર્થના કરતા હનુમાનજી પોતાના અસલ સ્વરૃપે પ્રગટ થયા ને બ્રહ્મચારી મહારાજને વચન માંગવાનું કહેતા તેઓએ બે વરદાન માંગ્યા. એક મારી વૃદ્ધાવસ્થાને કારણે હું આપ સુધી પહોંચવા અસમર્થ છું તો આપ કાયમી ધોરણે શંખનારાયણજી મંદિરમાં બિરાજો. બીજું આપના ચરણમાં જે દીન દુઃખીયો આવી આપને પોતાની મનોકામના પૂર્ણ કરવા શ્રદ્ધા ભાવે સોપારી ચઢાવે તેની મનોકામના પૂર્ણ કરો. આમ આ બન્ને વરદાનરૃપ હનુમાનજી શંખનારાયણજી મંદિરમાં બિરાજે છે. અને આજદિન સુધી જે કોઈ ભાવિક શ્રદ્ધાભાવે સોપારી ચઢાવે છે તેની મનોકામના પૂર્ણ થઈ છે. અઢાર પુરાણોના રચયિતા વેદવ્યાસજીએ પુરાણોની રચનાઓનું ચિંતન કરવા માટે બેટ-શંખોદ્વારની શ્રદ્ધા અનુભવેલી ત્યારે હનુમાનજી મહારાજે સદેહે આવી નિર્દેશ માટે રૃદ્ર સ્વરૃપે પોતાનો પગ જે સ્થળે રાખેલો તેના પેની તરફના ભાગમાં વ્યાસ કુટિર અને પગના આંગળાના પંજાના ભાગના સ્થળોએ પગા ટાપુ તરીકે આજે પણ મોજૂદ છે. આજે સમગ્ર વિશ્વમાં એક અને માત્ર એક દાંડીવાલા હનુમાનજી હાજરાહજૂર છે.

હનુમાનજી - મકરધ્વજજી સાથે બિરાજે છે

બેટ-શંખોદ્વારમાં આવેલ આ હનુમાનજીનું મંદિર એ વિશ્વનું એકમાત્ર એવું મંદિર છે, જ્યાં પિતા હનુમાનજી તથા તેમના પુત્ર મકરધ્વજ્જી સાથે બિરાજે છે. સ્થાનિય ભાવિકોમાં આસ્થાનું પ્રતીક એવા આ મંદિરે દર વર્ષે હજારો ભાવિકો દર્શનાર્થે ઉમટી પડે છે. આ વર્ષે પણ આ વિવિધ ઉત્સવોમાં બહોળી સંખ્યામાં ભાવિકો ઉમટી રહ્યાં છે.

બેટ-દ્વારકામાં હનુમાન જ્યંતી મહોત્સવ

તા.૧૯ના હનુમાન જ્યંતીના દિવસે સવારે ૬.૩ર કલાકે હનુમાનજી મહારાજનો પ્રાગટ્યોત્સવ સાથે મંગલા આરતી બાદ સવારે ૧૦ વાગ્યે મંદિર પર ધ્વજારોહણ, સવારે ૧૧ વાગ્યે અન્નકૂટ દર્શન મનોરથનું આયોજન કરાયું હતું. તા. ર૦-એપ્રિલસુધી દ્વિ-દિવસીય અખંડ રામધૂનની પૂર્ણાહુતિ થશે.

રાત્રિના ૧૦ વાગ્યા સુધી ભાવિકો માટે ફેરીબોટની સુવિધા ઉપલબ્ધ

બેટ-દ્વારકા એ ટાપુ હોય ત્યાં પહોંચવા માટે એકમાત્ર બોટ માર્ગે ઓખાથી ત્યાં પહોંચી શકાતું હોય, ભાવિકો વધુને વધુ સંખ્યામાં અને સરળતાથી ત્યાં પહોંચી શકે તે હેતુ તંત્ર દ્વારા કરેલા આયોજનના ભાગરૃપે તા. ૧૯ ના રાત્રિના ૧૦ વાગ્યા સુધી ઓખા બેટ-દ્વારકા વચ્ચે ફેરી બોટ સેવા ઉપલબ્ધ રહી હતી.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription