કાશ્મીરના બારામુલ્લા સેક્ટરમાં આવેલી એક મસ્જીદમાં છુપાયેલા આતંકીને સેનાએ કર્યાે ઠાર /સુરેન્દ્રનગરના ચોટીલામાં આવેલા આનંદપુરમાં ગામમાં એક મકાનના ટીવીમાં બ્લાસ્ટ થયા પછી ઘરમાં લાગી આગઃ માતા-પુત્રી થયા ભડથું / ન્યૂઝીલેન્ડમાં બનાવાયો નવો કાયદોઃ લોકો મોલ તથા સુપરમાર્કેટમાં પણ કરી શકશે વોટીંગઃ ગઈ વખતની ચૂંટણીમાં ઓછા પળેલા મતના કારણે લેવાયો નિર્ણય / ગુજરાતના લોકોએ હવે વધુ નહીં જોવી પડે મેઘરાજાની રાહઃ ત્રણ દિવસમાં ગુજરાતમાં મેઘ મહેર થવાની હવામાન વિભાગે કરી આગાહી /

પોલીસ વડાની પહેલ સાચી અને સારી પણ...

શુક્રવારે જામનગરના ટાઉનહોલમાં "પોલીસ પ્રજાનો મિત્ર છે" તે સૂત્રને સાર્થક કરે, તેવી ચર્ચા થઈ હતી. પ્રજાની પરેશાનીઓ પોલીસવડાએ સાંભળી લીધી, હવે સૂત્રને સાર્થક કરવા આ પરેશાનીઓ સંદર્ભે પગલા લેવાય, તે જરૃરી છે.

જામનગર સહિત રાજ્યમાં ગેરકાનૂની રીતે ધીરધારનો ધંધો કરતા વ્યાજખોરો દ્વારા લોકોને વ્યાજના વિષચક્રમાં ફસાવ્યા પછી વસુલાત માટે કાયદો હાથમાં લેવાના બનાવો સતત વધી રહ્યાં છે, ત્યારે જામનગરના એસ.પી. શરદ સિંઘલે વ્યાજખોરોના ત્રાસના વિષય પર એક વિશેષ લોકદરબાર યોજીને સાચી અને સારી પહેલ કરી છે.

વ્યાજખોરો કાનૂનથી ડરતા નથી, તેનું દૃષ્ટાંત ગુરૃવારે જ મળી ગયું. એસ.પી.એ. શુક્રવારે આ મુદ્દે લોરદરબાર યોજ્યો છે, તેવી જાહેરાત અગાઉથી જોરશોરથી થઈ હતી. આમ છતાં ગુરૃવારે વ્યાજના વિષચક્રમાં ફસાયેલા એક યુવાને ગુરૃવારે જ ઝેર પીવું પડ્યું હતું. તે ઘટના બેફામ બનેલી વ્યાજખોરોની ટોળકીની હિંમત દર્શાવે છે. આ હિંમત તોડવી જરૃરી છે.

શરદ સિંઘલે તાલુકા કક્ષાએ પણ આ પ્રકારના લોકદરબાર યોજવાની જાહેરાત કરી હતી. આ જાહેરાત સારી છે, પણ તેનો અમલ વાસ્તવિક રીતે થાય તે જરૃરી છે. સામાન્ય રીતે પોલીસતંત્રના લોકદરબારોમાં થોડા ઘણાં લોકોને બોલાવીને આ પ્રકારના કાર્યક્રમો આટોપી લેવાતા હોવાના આક્ષેપો ભૂતકાળમાં થતા રહ્યાં છે. પોલીસ લોકદરબાર માટે જો તંત્ર દ્વારા વ્યાપક પ્રચાર-પ્રસાર થાય, બન્ને ગામો - શહેરોમાં પરંપરાગત રીતે દાંડી પીટાવીને કે માઈક દ્વારા મોબાઈલ પી.એ. સિસ્ટમથી પણ વ્યાપક પ્રચાર-પ્રસાર થાય, તે પણ જરૃરી છે, કારણ કે, ગરીબ-શ્રમજીવી વર્ગો સહિત ઘણાં લોકો કાયમી ધોરણે છાપાં વાંચતા હોતા નથી.

આ માટે વધુ પ્રચાર-પ્રસારની પણ વિવિધ પદ્ધતિઓ છે. વ્યાજખોરી ડામવાના વિશેષ લોકદરબારો માટે પેમ્પલેટ છપાવીને વ્યાપક વિતરણ, અખબારો, મીડિયામાં જાહેરાત અને સામાજિક-સ્વૈચ્છિક સંસ્થાઓના માધ્યમથી પણ લોકો સુધી અગાઉથી સંદેશ પહોંચતા કરી શકાય. આ ઝુંબેશમાં સામાજીક અને આરટીઆઈ કાર્યક્રમોને પણ સાંકળી શકાય.

શુક્રવારે યોજાયેલા લોકદરબારમાં વ્યાજખોરી અંગે થયેલી તમામ રજૂઆતોના સંદર્ભે જરૃરી તપાસ કરીને કાનૂની રસ્તે પોલીસ જે વ્યાજખોરો દબંગાઈ કરતા હોય કે, કાયદો હાથમાં લેતા હોય, તેની સામે દૃષ્ટાંત બેસે, તેવી કડક કાનૂની કાર્યવાહી કરશે, તો દબંગ વ્યાજખોરોની હિંમત ઘટશે, અને ડરના કારણે ફરિયાદ કરવા માટે આગળ નહીં આવતા લોકોની હિંમત હજુ વધશે.

પોલીસ તંત્રે આ લોકદરબારમાં રજૂ થયેલી ફરિયાદોના અનુસંધાને જે કાંઈ કડક કાર્યવાહી થાય તેની પણ વ્યાપક પ્રસિદ્ધિ કરતા રહેવી જોઈએ, જેથી આ સમસ્યા પર મૂળમાંથી જ પ્રહાર કરવા માટે જનમત ઘડી શકાય.

શુક્રવારે વ્યાજખોરોના ત્રાસના વિષય પર જ લોકદરબાર યોજાયો હોવા છતાં લોકોએ કાયદો-વ્યવસ્થાને લગતી અન્ય રજૂઆતો કરી, અને સૂચનો કર્યા, તેની પણ નોંધ લઈને પણ પોલીસતંત્રે આવકારદાયક અભિગમ દાખવ્યો છે, એટલું જ નહીં, વ્યાજખોરોના ત્રાસના સંદર્ભે રજૂઆત કરવા એસ.પી.એ. સીધો તેમનો સંપર્ક કરી શકાશે, તેવું જાહેર કર્યુ, તે પણ ઉપયોગી પૂરવાર થશે, અને પોલીસતંત્ર સમક્ષ રજૂઆત કરવામાં વ્યાજખોરો ડર અનુભવતા લોકોમાં હિંમત વધશે.

આ સમસ્યામાં સિક્કાની બીજી બાજુ પણ છે. વ્યાજખોરો આટલો બધો જુલમ કરે છે, તેવા અહેવાલો રોજેરોજ આવતા હોવા છતાં લોકો ઊંચા વ્યાજે વ્યાજખોરો પાસેથી નાણાં મેળવતા રહે છે, અને પછી ઘણી વખત પોતાની તમામ માલ-મિલકત ગુમાવે છે અથવા મારપીટનો ભોગ બને છે. લોકો આ રીતે ગેરકાનૂની રસ્તે ઊંચા વ્યાજે ગેરકાનૂની ધોરણે નાણાં લેતા જ બંધ થાય, તે માટે લોકોમાં વ્યાપક જાગૃતિ ફેલાવવી જરૃરી છે.

આ માટે પણ પોલીસ તંત્ર અને જિલ્લાનું વહીવટી તંત્ર સંસ્થાકીય અને જનસહયોગથી સ્થાયી સ્વરૃપનું જનજાગૃતિ અભિયાન ચલાવી શકે. જે લોકો વ્યસનો કે જુગાર રમવા માટે વ્યાજે નાણાં લેવા ટેવાયેલા હોય, તેવા લોકોને સાચા માર્ગે વાળવાના વ્યુહાત્મક પ્રયાસો પણ થઈ શકે છે. એસ.પી. શરદ સિંઘલ આ પહેલને પરિણામલક્ષી બનાવશે તેવી શ્રદ્ધા રાખીએ.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription