ર૫૦૦ ટન જેટલો ડુંગળીનો જથ્થો ભારત આવી પહોંચ્યો છેઃ ભાવોમાં ટુંક સમયમાં જ ઘટાડો / પરિક્રમામાં થાકેલા લોકો માટે સંતોએ જ ઉભુ કર્યું રેન બસેરાઃ ૧ લાખથી વધુ ભાવિકોએ શરૃ કરી ગીરનારની પરિક્રમા / ખુદ પાક સેના જ ઈમરાન ખાનનાં ઉડાવી રહી છે ધજાગરાઃ કરતારપુર મામલે બીજુ વચન પણ તોડયુંઃ ભારતીય શ્રદ્ધાળુઓ પાસેથી વસુલાસે ર૦ ડોલર  / મોદી સરકારે સોનિયા, રાહુલ તથા પ્રિયકાં ગાંધીની એસપીજી સુરક્ષા હટાવીઃ ગાંધી પરિવારને હવે ઝેડ પ્લસ સુરક્ષાઃ સુરક્ષામાં સીઆરપીએફના કમાંડો હાજર /

આજે રાષ્ટ્રીય પક્ષી દિવસઃ પક્ષી વિશેષજ્ઞ સલીમ અલીનો જન્મદિવસ

આજે દેશભરમાં રાષ્ટ્રીય પક્ષી દિવસ ઉજવાઈ રહ્યો છે. વર્ષ ૧૮૯૬ માં જન્મેલા વિશ્વવિખ્યાત પક્ષી વિશેષજ્ઞ સલીમઅલીનો આજે જન્મ દિવસ છે. તેઓના જન્મ દિનને ભારત સરકારે રાષ્ટ્રીય પક્ષી દિવસ તરીકે જાહેર કરેલો છે.

સલીમ અલીએ પક્ષીઓને લગતા સંખ્યાબંધ પુસ્તકો લખ્યા છે. 'બર્ડસ ઓફ ઈન્ડિયા' તે પૈકીનું એક પ્રચલિત પુસ્તક છે. ટપાલ વિભાગે સલીમ અલીની સ્મૃતિમાં ટપાલ ટિકિટ પણ બહાર પાડી હતી. વર્ષ ૧૯પ૮ માં સલીમ અલીને 'પદ્મભૂષણ' તથા વર્ષ ૧૯૭૬ માં 'પદ્મવિભૂષણ'નો ખિતાબ એનાયત થયો હતાં.

સલીમ અલીને ભારતના 'બર્ડમેન' તરીકે પણ ઓળખવામાં આવે છે. તેઓ એવા પ્રથમ વ્યક્તિ હતાં, જેમણે સમગ્ર દેશમાં પક્ષીઓનું આયોજનપૂર્વક સર્વેક્ષણ કર્યું હતું, અને તેમના લખેલા પુસ્તકોએ દેશમાં પક્ષી વિજ્ઞાનના ક્ષેત્રે સિંહફાળો આપ્યો હતો.

વર્ષ ૧૯૪૭ પછી તેઓ બોમ્બે નેચરલ હિસ્ટ્રી સોસાયટીના અધ્યક્ષ બન્યા. તેમણે ભરતપુર પક્ષી અભ્યારણ્ય એટલે કેવલાદેવ નેશનલ પાર્કનું નિર્માણ અને એક બંધ પરિયોજનાને અટકાવવા પર ભાર મૂક્યો, જે સાઈલેન્ટ વેલી નેશનલ પાર્ક માટે ખતરારૃપ હતી.

સલીમ અલીનો જન્મ મુંબઈના એક સુલેમાન વ્હોરા મુસ્લિમ પરિવારમાં થયો હતો. તેમના પરિવારમાં તેઓ નવમું સંતાન અને સૌથી નાના પુત્ર હતાં. તેઓ એક વર્ષના હતાં, ત્યારે તેમના પિતા મોઈજુદ્દીનનો સ્વર્ગવાસ થઈ ગયો હતો, અને તેઓ ત્રણ વર્ષના હતાં, ત્યારે તેમના માતા જીનત-ઉન-નિસ્સાનું પણ નિધન થયું હતું, તે પછી સલીમ અલી અને તેના પરિવારનો ઉછેર મોસાળમાં થયો હતો. તેમના મામા અનિરૃદ્દીન તૈયબજી અને મામી હમિદાબેગમ મધ્યમ પરિવારના હતાં, અને તેઓને કોઈ સંતાન નહોતું. તેમના એક કાકા અબ્બાસ તૈયબજી સ્વાતંત્ર્ય સેનાની હતાં.

બોમ્બે નેચરલ હિસ્ટ્રી સોસાયટીના સચિવ ડબલ્યુ.એસ. મિલાર્ડની દેખરેખ હેઠળ સલીમે પક્ષીઓ પર ગંભીર અધ્યયન કર્યું હતું. મિલાર્ડે અસાધારણ રંગની ચકલીની શોધ કરી હતી. તેમણે સલીમને વિવિધ પ્રકારના પક્ષીઓનો પરિચય કરાવ્યો, અને કેટલાક પુસ્તકો આપ્યા.

તે પછી યુવા સલીમની મુલાકાત અધ્યાપક નોર્મન બોયડ કિનિયર સાથે થઈ હતી, જે બી.એન.એચ.એસ.ના પ્રથમ પેડક્યૂરેટર હતાં. તે પછી તેમને બ્રિટિશ સંગ્રહાલયની પણ મદદ મળી હતી. તેમની આત્મકથા 'ધ ફોલ ઓફ એ સ્પેરો'માં સલીમ અલીએ પીળી ગર્દનવાળી ચકલીનો ભૂલથી શિકાર કર્યો હતો, તે ઘટનાને તેમનો ટર્નીંગ પોઈંટ ગણાવ્યો હતો, કારણ કે પક્ષીઓના જીવનનું નિરીક્ષણ કરવાની તેમને એ ઘટના પછી જ પ્રેરણા મળી હતી.

સલીમની પ્રારંભિક રૃચિ સ્પોર્ટ-શૂટિંગમાં હતી, તે પહેલા  તેઓને પુસ્તકો વાંચવાનો શોખ હતો. તેમના પાલક પિતા અમિરૃદ્દીને પણ તેમને આ માટે પ્રેરણા આપી હતી. તે સમયે તેના સાથીદાર રહેલા ઈસકંદર મિર્ઝા પણ હતાં, જેઓ તે પછી પાકિસ્તાનના રાષ્ટ્રપતિ બન્યા હતાં.

સલીમે પ્રાથમિક શિક્ષણ બે બહેનો સાથે લીધું અને પછી સેન્ટઝેવિયર્સમાં પ્રવેશ મેળવ્યો હતો. તેઓને નાનપણથી શિરદર્દની બીમારી હતી, તેથી તેઓ સૂકી હવામાં ફરતા રહેતા હતાં.

તે પછી કોલેજ કાળમાં સલીમનું જીવન ભારે સંઘર્ષભર્યું  રહ્યું હતું. તેની લાંબી દાસ્તાન છે. તેમના લગ્ન વર્ષ ૧૯૧૮ ના ડિસેમ્બરમાં તહમીના સાથે થયા હતાં.

તે પછી તેમણે વ્યાખ્યાતા તરીકે  નોકરી કરી. વર્ષ ૧૯ર૮ માં તેઓ વધું અધ્યયનના હેતુથી બર્મા અને જર્મની પણ ગયા હતાં.

વર્ષ ૧૯૩૦ માં ભારતમાં પરત ફર્યા પછી તેઓએ મુંબઈની નજીક કિહિમ નામના ગામમાં બાયા વીવરની પ્રજનન પ્રક્રિયાનું નજીકથી નિરીક્ષણ કરવાની તક મળી, અને તેના ક્રિમક બહુસંસર્ગ પ્રજનન પ્રણાલિની શોધ કરી.

તે પછી કોટાગરીમાં તેઓ વિવિધ ક્ષેત્રના નિષ્ણાતોના સંપર્કમાં આવ્યા. તે પછી ત્યાંના શાસકોના સહયોગથી તેમને પક્ષીઓનું વિસ્તૃત અધ્યયન કરવાનો અવસર મળ્યો હતો. આ દરમિયાન તેમણે હૈદ્રાબાદ, કોચિન, ત્રાવણકોર, ગ્વાલિયર, ઈન્દોર અને ભોપાલમાં વ્યસ્થિત સ્વરૃપે પક્ષીઓનું નજીકથી અધ્યયન કર્યું. તે દરમિયાન હ્યુગ વ્હિલસર નામના સંશોધકનો પણ સહયોગ મળ્યો હતો.

સલીમ અલીના પ્રારંભિક સર્વેક્ષણોમાં મદદરૃપ થનાર તેમના પત્નીનું વર્ષ ૧૯૩૯ માં મૃત્યુ થયા પછી સલીમ તેમની બહેનો સાથે રહ્યા હતાં. તે પછીનું તેમનું જીવન પણ ઉતાર-ચઢાવ અને સંઘર્ષોથી ભરેલું રહ્યું હતું, પરંતુ તેઓ પક્ષીઓનું ગહન અધ્યયન કરતા રહ્યા હતાં. ભારતમાં પક્ષીઓ અને પક્ષીવિજ્ઞાનમાં સલીમને ઘણી રૃચિ હતી, અને તેઓ તેમને વર્ષ ૧૯૭૧ માં સુંદરલાલ હોરા સ્મારક વ્યાખ્યાન અને વર્ષ ૧૯૭૮ માં આઝાદ મેમોરિયલ વ્યખ્યાનમાં તેમણે ભારતમાં પક્ષી અધ્યયન, પક્ષી વિજ્ઞાન અને તેના ઈતિહાસની કરેલી વિસ્તૃત છણાવટ ખૂબ જ પ્રચલિત બની હતી. આ ઉપરાંત સલીમ અલીએ અન્ય વિવિધ પ્રવૃત્તિઓમાં પણ યોગદાન આપ્યું હતું. તેમને સંખ્યાબંધ એવોર્ડ અને સન્માન પણ મળ્યા. લાંબો સમય સુધી પ્રોસ્ટેટ કેન્સર સામે ઝઝુમ્યા પછી સલીમ અલીનું ર૭ જુલાઈ ૧૯૮૭ માં ૯૦ વર્ષની વયે મુંબઈમાં નિધન થયું હતું.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription