મોદી સરકારની બીજી ટર્મમાં ભાજપ અધ્યક્ષ અમિત શાહનો બદલાય શકે રોલ / ૧૧ વર્ષ પછી સુપ્રીમ કોર્ટમાં ચાર જજે શપથ લઈ નિર્ધારીત સંખ્યા કરી પૂરી / ગુજરાતની શાળાઓમાં હવેથી નવરાત્રી વેકેશન નહીં મળેઃ માધ્યમિક શિક્ષણ સમિતિએ કર્યાે નિર્ણય /

સ્પષ્ટ બહુમતી સાથે વિજય પછી મોદી પર અભિનંદન વરસ્યા

વર્ષ ર૦૧૯ ની ચૂંટણીમાં સ્પષ્ટ બહુમતી સાથે ફરીથી મોદી સરકારને જનાદેશ મળ્યા પછી વડાપ્રધાન નરેન્દ્ર મોદી પર વિશ્વભરમાંથી અભિનંદન વર્ષા થઈ રહી છે. લોકતંત્રમાં સ્પષ્ટ બહુમતી સાથે શાસન મેળવનાર સરકાર પર વિશ્વ સમુદાયનો વિશ્વાસ વધતો હોય છે. કારણ કે ગઠબંધન સરકાર કરતા સ્પષ્ટ બહુમતી ધરાવતી સરકાર ઝડપી અને ચોક્કસ નિર્ણયો લઈ શકતી હોય છે.

વડાપ્રધાન નરેન્દ્ર મોદી પર દેશમાંથી તો અભિનંદન વરસી રહ્યા છે, પરંતુ સમગ્ર વિશ્વમાંથી પણ અભિનંદન વરસી રહ્યા છે. મોદી સરકારને સ્પષ્ટ બહુમતી મળી રહી હોવાનો ટ્રેન્ડ આવતા જ પાકિસ્તાનના વડાપ્રધાન ઈમરાનખાને વડાપ્રધાન નરેન્દ્ર મોદીને અભિનંદન આપતા કહ્યું કે હવે શાંતિની વાટાઘાટો અને એશિયાના મહત્ત્વપૂર્ણ મુદ્દાઓ માટે સાથે મળીને કામ કરીશું. અમેરિકાના રાષ્ટ્રપતિ ડોનાલ્ડ ટ્રમ્પે પણ મોદીને અભિનંદન આપતા કહ્યું કે હવે ભારત અને અમેરિકા વિશ્વની મહત્ત્વપૂર્ણ બાબતો માટે સાથે મળીને કામ કરશે.

રશિયાના રાષ્ટ્રપતિ વ્લાદિમીર પૂતિને તેમના સંદેશમાં વડાપ્રધાનને શુભેચ્છા પાઠવી અને ભારત-રશિયા વચ્ચે સંબંધો વધુ ગાઢ બનશે તેવી આશા વ્યક્ત કરી. ભારતીય વિદેશ મંત્રાલયના પ્રવક્તા રવિશકુમારે ટ્વિટ કરીને કહ્યું કે, 'રશિયાના વડાપ્રધાન વ્લાદિમીર પૂતિને તેમના સંદેશમાં બન્ને દેશોના સંબંધો ગાઢ-પ્રગાઢ બનશે અને આંતરરાષ્ટ્રીય મામલાઓમાં સકારાત્મક સંવાદ સ્થાપિત કામ કરવા તૈયારી બતાવવા સાથે વડાપ્રધાન નરેન્દ્ર મોદીને અભિનંદન પાઠવ્યા છે.'

ચીનના રાષ્ટ્રપતિ શી જીનપીંગે વડાપ્રધાન નરેન્દ્ર મોદીને લખેલા એક પત્રમાં કહ્યું કે તેઓ ભારત-ચીનના સંબંધોને ખૂબ જ મહત્ત્વ આપે છે, અને તેઓ ભારતીય નેતાની સાથે મળીને વિકાસમાં સહભાગિતાને નવા આયામો સુધી લઈ જવા તત્પર છે.

શ્રીલંકાના રાષ્ટ્રપતિ મૈત્રિ પાલા સિરી સેનાએ ટ્વિટ કરીને લખ્યું કે, 'મોદીજી, આપની જીત પર મુબારકબાદ. લોકોએ એક વખત ફરીથી આપના નેતૃત્વને સ્વીકાર્યું છે. શ્રીલંકા ભારત સાથે સકારાત્મક સંબંધો આગળ વધારવા તત્પર છે.'

શ્રીલંકાના વડાપ્રધાન રાનિલ વિક્રમસિંઘેએ વડાપ્રધાન નરેન્દ્ર મોદીને શાનદાર વિજય બદલ અભિનંદન આપ્યા.

નેપાળના વડાપ્રધાન કે.પી. ઓલીબે વડાપ્રધાન નરેન્દ્ર મોદીને અભિનંદન આપતા કહ્યું કે 'હું આપની સાથે મળીને કામ કરવા તત્પર છું.'

અફઘાનિસ્તાનના રાષ્ટ્રપતિ અશરફ ગનીએ ટ્વિટ કરીને લખ્યું કે, 'અફઘાનિસ્તાનની પ્રજા અને સરકાર સમગ્ર દક્ષિણ એશિયામાં ક્ષેત્રિય સહયોગ, શાંતિ અને સમૃદ્ધિ માટે બન્ને લોકતંત્રો વચ્ચે સહયોગ વધારવા માટે તૈયાર છે.'

બાંગ્લદેશના વડાપ્રધાન શેખ હસીનાએ ભારતના લોકો માટે શાંતિ, ખુશી અને સમૃદ્ધિની શુભકામના સાથે વડાપ્રધાન નરેન્દ્ર મોદીને શુભેચ્છાઓ પાઠવી છે.

ઈઝરાયેલના વડાપ્રધાન  બેન્ઝામીન નેતન્યાહએ તો લાગણીઓનો ઉભરો ઠાલવ્યો. તેમણે કહ્યું કે 'મારા મિત્ર નરેન્દ્ર મોદીને હાર્દિક અભિનંદન આપ જે રીતે વિશ્વના સૌથી મોટા લોકતંત્રનું જે રીતે નેતૃત્વ કરી રહ્યા છો, તેનું આ પરિણામ છે. આ શાનદાર જીત બદલ ખૂબ ખૂબ અભિનંદન. આપણે સાથે મળીને ભારત અને ઈઝરાયેલ વચ્ચેની મિત્રતાને વધુ મજબૂત કરીશું, અને તેને નવી ઊંચાઈઓ સર કરીશું. વેલ ડન માય ફ્રેન્ડ!'

માલદીવના રાષ્ટ્રપતિ ઈબ્રાહીમ મોહમ્મદ સોલિહે કહ્યું કે, 'ભારતના લોકોએ ભાજપની સરકારમાં મજબૂત વિશ્વાસ મૂક્યો છે. હું દ્વિપક્ષિય સંબંધોને વધુ ગાઢ બનાવવા માંગુ છું.'

જાપાનના વડાપ્રધાન આબે શિંજોએ વડાપ્રધાન નરેન્દ્ર મોદી સાથે ટેલિફોન પર વાતચીત કરી વિદેશ મંત્રાલયના સૂત્રો મુજબ આ વાતચીત દરમિયાન ભારત અને જાપાન વચ્ચે વિશેષ રણનીતિ અને વૈશ્વિક સહયોગ મજબૂત કરવાની પ્રતિબદ્ધતા વ્યક્ત કરી.

આ ઉપરાંત પણ વિદેશના ઘણાં નેતાઓ અને રાષ્ટ્રીય વડાઓએ વડાપ્રધાનને અભિનંદન આપ્યા છે. વડાપ્રધાને પણ તેઓનો આભાર માન્યો છે. પાકિસ્તાનના વડાપ્રધાનનો ટ્વિટ દ્વારા આભાર માન્યો, તેના શબ્દો ઘણા મહત્ત્વના છે. મોદીએ ટ્વિટ કરીને લખ્યું કે, 'આભાર, ઈમરાનખાન, હું આપના શુભેચ્છા સંદેશ બદલ હૃદયપૂર્વક આભાર વ્યક્ત કરૃ છું. મેં હંમેશાં આપણા ક્ષેત્રમાં શાંતિ અને વિકાસને પ્રાધાન્ય આપ્યું છે.'

પાકિસ્તાનને વડાપ્રધાન નરેન્દ્ર મોદીએ આપેલો જવાબ ઘણો જ સાંકેતિક છે. તેથી સવાલ ઊઠે છે કે ચૂંટણી પહેલા પાકિસ્તાન સામે અપનાવાયેલી આક્રમક રણનીતિના બદલે હવે શું મોદી ફરીથી પાકિસ્તાન સાથે વાટાઘાટો કરવાના ચક્કરમાં પડશે?

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription