ઈસરોએ કર્યાે ખુલાસોઃ ચંદ્રયાન-રના વિક્રમ લેન્ડરને કોઈનુકશાન નહીં તેની સાથે સંપર્ક કરવા માટેના પ્રયાસો ચાલુ / જુનાગઢના રૃદ્રેશ્વર જાગીરના મહંત ઈન્દ્રભારતી બાપુએ કહ્યું મોરારીબાપુ અમારા બાપ છેઃ એ માફી માંગશે પણ નહીં ને અમે માંગવા પણ નહીં દઈએ / જાપાનમાં આવ્યું ફેક્સાઈ વાવાઝોડુંઃ ૨૧૬ કિ.મી.ની ઝડપે ફૂંકાયો પવનઃ ૧૦૦ થી વધુ ફ્લાઈટો કરાઈ રદ /

ટ્રાફિક ટેરર સામે ઊઠતા આક્રોશ પછી નિષ્ઠુર સરકાર જાગી

ટ્રાફિકના ટેરરમાં હવે ૧પ મી ઓક્ટોબર સુધી રાહત મળી છે, અને હમણાં જ થયેલી જાહેરાત મુજબ ગુજરાતમાં ટ્રાફિકના નિયમોનો અમલ ૧પ મી ઓક્ટોબર સુધી લંબાવી દેવાયો છે.

મુખ્યમંત્રી વિજયભાઈ રૃપાણીએ કહ્યું છે કે, સરકારને દંડની રકમમાં રસ નથી. લોકો ટ્રાફિકના નિયમો પાળે. અકસ્માતમાં કોઈનું મોત ન થાય, તે માટે ટ્રાફિકના નિયમોનું  પાલન કરવું જરૃરી છે.

બીજી તરફ લોકચર્ચા એવી  પણ છે કે મંદીના મારના કારણે કેન્દ્ર અને રાજ્ય સરકારોની આવક ઘટી ગઈ છે. ભ્રષ્ટ તંત્રોની સાઠગાંઠથી જીએસટીની ચોરીનો વ્યાપ પણ વધ્યો છે. આ કારણે સરકારની આવક ઘટી ગઈ છે, તેથી સરકારની તિજોરી ભરવા ટ્રાફિકના નિયમોના ભંગ માટે અસહ્ય અને અમાનવિય દંડ વસૂલવામાં આવી રહ્યો હતો.

અકસ્માતો માત્ર ટ્રાફિકના નિયમોના ભંગના કારણે જ થતા નથી. રાજ્યના અનેક ધોરીમાર્ગો બિસ્માર થઈ ગયા છે. શહેરો પણ 'ખાડાનગર' બની ગયા છે. સરકારે આ કારણે થતા અકસ્માતોનો સર્વે કરાવવો જોઈએ. આવો સર્વે થાય તો જણાશે કે સરકારની અપૂરતી સુવિધાઓના કારણે પણ ઘણાં મૃત્યુ થાય છે.

સરકારે અને પાલિકા-મહાપાલિકાઓએ તથા સ્થાનિક સ્વરાજ્યની સંસ્થાઓએ પહેલા પૂરતા પ્રમાણમાં સુવિધાઓ આપવી જોઈએ, અને તે પછી જ ટ્રાફિકના નિયમોનો દંડ વસૂલવો જોઈએ. શહેરોમાં પાર્કિંગની સુવિધાઓ જ નહીંવત્ છે. ખાડા-ખડબાવાળા માર્ગો અને રખડતા ઢોરના કારણે થતાં અકસ્માતો તરફ સરકાર દુર્લક્ષ સેવે છે અને માર્ગો પર થતાં તમામ અકસ્માતોની જવાબદારી જનતાના શિરે ઢોળે છે, તે કોઈપણ રીતે યોગ્ય નથી.

ટ્રાફિકના નિયમો લાગુ કરતા પહેલા બે-ત્રણ મહિનાનો સમય આપ્યો હોત તો લોકોને હેલ્મેટ ખરીદી, પીયુસી તથા અન્ય બાબતે પહેલેથી સજ્જ થવાનો ટાઈમ મળ્યો હોત. આજે હેલ્મેટના કાળાબજાર થઈ રહ્યા હોવાની તથા છતે પૈસે હેલ્મેટ બજારમાં ઉપલબ્ધ નથી અને પીયુસી સર્ટી. મેળવવામાં પણ લૂંટ ચાલી રહી હોવાની ફરિયાદો ઊઠી રહી છે, તે સરકારી તંત્રોની અણઆવડત અથવા સાઠગાંઠ દર્શાવે છે, જો કે હવે ર૭ દિવસની મુદ્ત મળી છે.

રાજ્યમાં ટ્રાફિકના નિયમોના આડેધડ અમલ સામે ભારે વિરોધ થઈ રહ્યો છે. રાજકોટમાં ખાડા પૂરવા કોંગ્રેસવાળા માર્ગો પર ઉતર્યા હતાં, તો વિરોધ-પ્રદર્શનો માટે તંત્રો મંજુરી આપતા નથી, તેવા અહેવાલો લોકતાંત્રિક ઢબે કે ગાંધી ચિંધ્યા માર્ગે વિરોધ વ્યક્ત કરવાનો લોકોનો અધિકાર પણ છીનવાઈ રહ્યો હોવાનું પૂરવાર કરે છે.

રાજકોટમાં વાહનચાલકોને શહેરોની અંદરના માર્ગો પર હેલ્મેટમાંથી મુક્તિ આપવા બાર એસોસિએશને સવિનય કાનૂનભંગની ચિમકી આપી છે, અને જેલભરો આંદોલન શરૃ કરવાની હિલચાલ આદરી છે, તો કોંગ્રેસે પણ ઉચ્ચકક્ષા સુધી આ માટે રજૂઆતો કરી છે. રાજકોટમાં કોઈ વિદેશી નાગરિક સાથે પણ ગેરવર્તન કરાયું હોવાની રાવ ઊઠી છે. બીજી તરફ કોંગ્રેસને રાજકોટમાં ત્રણ દિવસના ધરણા યોજવાની પોલીસે મંજુરી નહીં આપ્યા પછી પણ ધરણાં યોજવાની કટિબદ્ધતા દર્શાવી છે.

સોશ્યલ મીડિયામાં પણ ટ્રાફિકના નિયમોને લઈને અવનવા કટાક્ષો થઈ રહ્યા છે. અવનવા ગીતો, કાર્ટુન અને કોમેન્ટો દ્વારા લોકો ટ્રાફિકના નિયમોના અણઘડ અમલ અને ભારે ભરખમ દંડને ક્રૂર, રાક્ષસી અને અમાનવિય ગણાવી રહ્યા છે, અને સરકાર તરફથી અપૂરતી સુવિધાઓની પોલ પણ ખોલી રહ્યા હતાં.

જૂનાગઢમાં પણ હેલ્મેટના કાળાબજારનો વિરોધ કરવા સાયકલ રેલી સહિતના કાર્યક્રમો યોજાયા અને નોટબંધી, બેરોજગારી પછી હવે ટ્રાફિકનો દંડ ફટકારીને સરકારે જનતાને પરેશાન કરી મૂકી હોવાના આક્ષેપો થયા છે. જામનગરમાં પણ પ્રબળ વિરોધ થઈ રહ્યો છે. એ જ રીતે રાજ્યના વિવિધ શહેરોમાં કોઈને કોઈ સ્વરૃપે હેલ્મેટના કાયદાનો વિરોધ થઈ રહ્યો હતો.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00
close
Nobat Subscription