ખંભાળીયામાં ભારતીય કિસાન સંઘની કારોબારી બેઠકઃ ખેડૂતોના પ્રશ્ને જિલ્લા તંત્રને આવેદનપત્ર

ખંભાળીયા તા. ૨૦ઃ ખંભાળીયામાં ભારતીય કિસાન સંઘની જિલ્લા વિશેષ કારોબારી મળી હતી. તેમાં જિલ્લાના ખેડૂતોના પ્રશ્નો અંગે વિચારણા કરીને જિલ્લા તંત્રને આવેદનપત્ર આપવામાં આવ્યું હતું.

આવેદનપત્રમાં રજુ કરાયેલ પ્રશ્નોમાં હાલ ૩૦૦-૩૫૦ રૃા. મણ ઘાસચારો મળતો હોય પશુપાલકો તથા માલધારીઓને રાહત ભાવે ઘાસચારો આપવા, દુષ્કાળની સ્થિતિ હોય, ખેડૂતોને દવા, બિયારણમાં સબસીડી આપવી, ખેડૂતોનો પાક પાણીના અભાવે સૂકાઈ રહ્યો હોય તેના વીડિયો સરકારને સોંપીને પગલા લેવા ખેડૂતોને પોતાની જમીન પર જવાના રસ્તા બંધ કરેલ છે. તે ખોલવા તથા રાશનકાર્ડમાં અપાતા ઘઉં અત્યંત નબળી ગુણવત્તાના હોય વગેરે પ્રશ્નો અંગે મનસુખભાઈ ચાવડા, વટવાભાઈ આંબલીયા, દશરથભાઈ ચૌહાણ, પીઠાભાઈ ચેતરીયા, મોહનભાઈ નકુમ, રામભા કેર, દેવાભાઈ ભાટવાડીયા વગેરેએ આવેદનપત્ર આપ્યું હતું.

close
Nobat Subscription