| | |

વાવાઝોડાની પરિસ્થિતિને પહોંચી વળવા ૧૦૮ સજ્જ

જામનગર તા. ૧૨ઃ વાવાઝોડાના તોળાઈ રહેલા ભય વચ્ચે નાગરીકોને મદદરૃપ થવા માટે જામનગર જિલ્લાની ૧૦૮ એમ્બ્યુલન્સની ટીમ તત્પર થઈ ગઈ છે. તમામ ચૌદ લોકેશન પર ૬૫ કર્મચારીઓ સાથે ૧૦૮ની તમામ એમ્બ્યુલન્સને દવા તેમજ જરૃરી સાધનો સાથે ખડે પગે રાખવામાં આવી છે.

જામનગર સહિત સમગ્ર ગુજરાતભરમાં 'વાયુ' વાવાઝોડાનો ભય વ્યાપ્યો છે ત્યારે તમામ તંત્રો દ્વારા સતર્ક પગલા ભરવામાં આવી રહ્યા છે. નાગરિકોને વાવાઝોડા વેળાએ રાખવાની થતી સાવચેતી અંગે વાકેફ કરવામાં આવી રહ્યા છે ત્યારે જામનગર જિલ્લા ૧૦૮ની ટીમ પણ હરકતમાં આવી ગઈ છે.

કોઈપણ સ્થળે, કોઈપણ પ્રકારની મદદની જરૃર પડે તો ત્યાં તાકીદે પહોંચવા માટે જામનગર જિલ્લાના ચૌદ જેટલા ૧૦૮ એમ્બ્યુલન્સના લોકેશન પર ૧૦૮ના ૬પ જેટલા કર્મચારીઓ કાર્યરત થયા છે. જીવીકે એમઆરઆરઆઈ ૧૦૮ની સંપૂર્ણ ટીમ તૈયાર થઈ ગઈ છે. તમામ એમ્બ્યુલન્સમાં દવા સહિતના ઈમરજન્સી સહાય અન્ય સાધનો પણ ઉપલબ્ધ કરી ટીમે વાવાઝોડાની પરિસ્થિતિમાં લોકોને સહાયરૃપ બનવા કમ્મર કસી છે.

close
Nobat Varsik Lavajam Yojna 2020-21
close
PPE Kit