રંગમતીનું વધારાનું પાણી લાખોટા તળાવમાં વાળતા નવા નીરની આવક

જામનગર તા. ૮ઃ જામનગરના લાખોટા તળાવમાં પાણી ખેંચી લાવતી કેનાલમાં પાણી વાળવામાં આવ્યા છે. પરિણામે તળાવમાં પાણીની આવક થવા પામી છે.

રંગમતી ડેમના પાટિયા ખોલવામાં આવ્યા હતાં. આથી તેમાંથી નીકળતા વધારાના પાણી દરિયામાં વહી જાય તેના બદલે મહાનગરપાલિકાએ કેનાલ તરફ વાળ્યા હતાં. આથી આ કેનાલમાં પાણી આવ્યા છે અને તે ધીમી ગતિએ તળાવમાં ઠાલવાઈ રહ્યા છે. આમ તળાવમાં થોડા નવા પાણીની આવક થશે. તાજેતરમાં લીકેજીંગના કારણે તળાવમાંથી પાણીનો જથ્થો ઓછો થયો હતો. તેની પૂર્તતા કરવા આ પાણી ખેંચી લાવવામાં આવી રહ્યું છે. જે નગરજનો માટે ફાયદાકારક સાબિત થશે.

close
Nobat Varsik Lavajam Yojna 2020-21
close
PPE Kit