જેટ એરવેઝના બોર્ડમાંથી નરેશ ગોયલ પત્ની અનીતા ગાયેલએ આપ્યા રાજીનામાઃ કંપની ઉપર ૮ર૦૦કરોડનું દેવું / રાહુલ ગાંધીએ કરી જાહેરાતઃ લઘુત્તમ આવક યોજના અંતર્ગત કોંગ્રેસ રપ કરોડ લોકોને વર્ષે આપશે ૭ર,૦૦૦ રૃપિયા /

દેશના ૧૭ કરોડ પૈકી ૯ કરોડ ગ્રાહકોએ મનપસંદ ટી. વી. ચેનલો પસંદ કરી લીધી

નવી દિલ્હી તા. ૧૧ઃ દેશના ૧૭ કરોડ પૈકી ૯ કરોડ ગ્રાહકોએ પ્રારંભે જ મનપસંદ ટી. વી. ચેનલો પસંદ કરી લીધી છે, તેવી માહિતી આપતા 'ટ્રાઈ' એ જણાવ્યું છે કે ગ્રાહકોને તકલીફ ન પડે તે માટે નજર રાખવામાં આવી રહી છે.

ટેલીકોમ રેગ્યુલેટર સંસ્થા ટ્રાઈના જણાવ્યા મુજબ દેશમાં ૧૭ કરોડ જેટલા ઘરોમાં ટીવી છે. આમાંના ૯ કરોડ ઘરોએ નવી ટેકસ વ્યવસ્થા અંતર્ગત એમની પોતપોતાની મનપસંદ ચેનલો પસંદ કરી લીધી છે. ગ્રાહકોને એમની પસંદગીની ટીવી ચેનલો જોવામાં કોઈ તકલીફ કે અવરોધ ન નડે એની પર અમે સતત પૂરી નજર રાખીએ છીએ.

ટેલીકોમ રેગ્યુલેટરી ઓથોરિટી ઓફ ઈન્ડિયા(ટ્રાઈ) ના ચેરમેન આર. એસ. શર્માએ કહ્યું છે કે ગઈ ૧ ફેબ્રુઆરીથી લાગુ કરાયેલી નવી ટેરિફ વ્યવસ્થા અપનાવવામાં ઘણી ઝડપ આવી છે. અમને આશા છે કે બાકીના લોકો પણ ટૂંક સમયમાં જ એમની પસંદગીની ચેનલો નોંધાવી દેશે. શર્માએ કહ્યું જે ૯ કરોડ ગ્રાહકોએ એમની મનપસંદ ચેનલો પસંદ કરી લીધી છે એમાં ૬.૫ કરોડ લોકો કેબલ ટીવી ધારકો છે અને ૨.૫ કરોડ ડીટીએચ ગ્રાહકો છે. કુલ ૧૭ કરોડ ટીવી ચેનલ ગ્રાહકોમાંથી ૯ કરોડ લોકોએ ઓપરેટર પાસે એમની મનપસંદ ચેનલો રજિસ્ટર કરાવી દીધી છે. આ સંખ્યા ઘણી મોટી કહેવાય.

તેમણે વધુમાં કહ્યું કે, ડીટીએચ પ્રિ-પેઈડ મોડલ છે. તેથી ગ્રાહકોની લાંબી કે ટૂંકી મુદ્દતમાં પેક સમાપ્ત થશે કે એલોકો પોતપોતાની ચેનલ પસંદ કરી લેશે. જ્યાં જરૃર લાગે છે ત્યાં અમે ઓપરેટરોને મદદ કરી રહ્યાં છીએ અને એમને માર્ગદર્શન આપી રહ્યાં છીએ. તકલીફો દૂર થાય એ માટે અમે નિયમિત બેઠકો પણ યોજી રહ્યાં છીએ, એમ શર્માએ કહ્યું.

ગ્રાહકો સુધી રેગ્યુલેટર એજન્સી (ટ્રાઈ) ની પહોંચ વધી રહી છે અને એ માટે એજન્સી જાગ્રુતતા ઝુંબેશ ચલાવી રહી છે. એ માટે સોશિયલ મિડીયા, પ્રિન્ટ મિડીયા, જાહેરખબર તથા અન્ય કાર્યક્રમોનો સહારો લેવામાં આવશે. ટ્રાઈ નું કહેવું છે અમે ટીવી ઓપરેટરોને ટીવી કનેકશન રાખનારાઓને વિશેષ સ્કીમ તથા પ્લાન ઉપલબ્ધ કરાવવાની યોજના પર પાછા ફરવા પણ જણાવાયું છે. ધારો કે ગ્રાહકો ઈચ્છે તો ઓપરેટરે એક જ ઘરની અંદર અલગ-અલગ સેટ ટોપ બોક્સ પણ લગાડવા દેવા.

તાજેતરમાં એક અહેવાલમાં એવું જણાવ્યું હતું કે નવી રેગ્યુલેટરી વ્યવસ્થાને કારણે ટીવી જોવા માટેનો ખર્ચ (કેબલ એન ડીટીએચ બીલની રકમ) ૨૫ ટકા વધી જશે. પણ ટ્રાઈના ચેરમેન શર્માએ આને રદિયો આપ્યો છે અને કહ્યું છે કે મુંબઈ અને દિલ્હી જેવા શહેરોમાં તો કિંમત ઘટી ગઈ છે.

હવામાન

weather

શબ્દવ્યુહ

MARKET

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00