ત્રણ મહિનાથી બંધ થયેલી ઓખા-વિરમગામ-ઓખા લોકલ ટ્રેન પુનઃ શરૃ થઈઃ હાલ દ્વારકા સુધી દોડશે

ખંભાળીયા તા. ૧૯ઃ ઓખા-વિરમગામ-ઓખા ટ્રેન (ટ્રેન નં. પ૯પ૦૩, પ૯પ૦૪) છેલ્લા ત્રણ મહિનાથી બંધ કરી દેવામાં આવી હતી અને તે હાપા સુધી જ દોડતી હતી.

દ્વારકા, ખંભાળીયા, ઓખા વિસ્તારના લોકો માટે સસ્તા ભાડાવાળી અને અનુકૂળ સમયવાળી આ ટ્રેન બંધ કરી દેવાથી લોકોને ભારે મુશ્કેલી પડતી હતી. આ ટ્રેન પુનઃ શરુ કરવા આ વિસ્તારના લોકો, સંસ્થાઓએ સંસદસભ્ય પૂનમબેન માડમને રજૂઆતો કરી હતી. તાજેતરમાં જ વેસ્ટર્ન રેલવેના જનરલ મેનેજર એ.કે. ગુપ્તા, સંસદસભ્યની શુભેચ્છા મુલાકાતે આવ્યા અને "કંઈ કામ કહો" જણાવતા પૂનમબેન માડમે આ બંધ ટ્રેનને પુનઃ શરૃ કરવા જણાવ્યું અને આ ટ્રેન શરૃ થઈ ગઈ છે. હાલ આ ટ્રેન ઓખા સુધી નહીં પણ દ્વારકા સુધી દોડશે. આ વિસ્તારના લોકોને અપ-ડાઉનમાં ખૂબ જ ઉપયોગી અને અનુકૂળ ટ્રેઈન શરૃ થતાં સંસદસભ્ય પ્રત્યે અભિનંદન અને આભારની લાગણી વ્યક્ત કરવામાં આવી હતી.

close
Ank Bandh
close
PPE Kit