જુનું મશીન ધાબડી દેવાતા કંપની સામે ગ્રાહક ફોરમમાં રાવ

જામનગર તા. ૧૧ઃ કલ્યાણપુરના ભાટિયા ગામના કાનાભાઈ અરજણભાઈ આંબલિયાએ ટાટા હીટાચી કંપનીનું જેસીબી લોડર મશીન ખરીદવા માટે જામનગર સ્થિત ટાટા હીટાચી પ્રોગ્રેસીવ પ્રા.લિ.નો સંપર્ક કરતા તેઓને રાજકોટ સ્થિત શાખામાંથી આ મશીન મંગાવી આપવામાં આવ્યું હતું. મશીન ખરીદવાના બીજા જ દિવસથી આ મશીન જુનુ હોવાની શંકા કાનાભાઈને પડી હતી.

ઉપરોક્ત બાબતની કપંનીને જાણ કર્યા પછી કાનાભાઈએ  આ મશીન છ મહિનામાં ચૌદેક વખત રીપેર કરાવવું પડ્યું હતું. તેથી તેઓએ મશીન બદલી આપવા વિનંતી કરી હતી, તેમ છતાં યોગ્ય જવાબ ન મળતા તેઓએ કંપની તથા ડીલર સામે જામનગર ગ્રાહક સુરક્ષા ફોરમમાં ફરિયાદ નોંધાવી છે. ફરિયાદી તરફથી વકીલ ગિરીશ સરવૈયા રોકાયા છે.

close
Nobat Varsik Lavajam Yojna 2020-21
close
PPE Kit