ગીરના જંગલમાં ૧૧ દિવસમાં નિપજયાં ૧૧ સિંહોના મૃત્યુઃ કુદરતી રીતે થયા છે કે શું તેના માટે ઉચ્ચ અધિકારીઓ દ્વારા હાથ ધરાઈ તપાસ / જમ્મુ-કાશ્મીરમાં ૩ પોલીસ કર્મીને રાજીનામા આપવા માટે આપ્યો હતો સમયઃ ના આપ્યા તો નિપજાવી હત્યાંઃ આ હત્યામાં આતંકી નાઈફૂની સંડોવાણી ? / ભાવનગરમાં સ્વાઈનફૂલના કારણે છેલ્લા ર૪ કલાકમાં ૩ લોકોના નિપજયાં મૃત્યુઃ પ લોકો સારવાર હેઠળ / સુરતના નગરસેવકોને આવી દિવાળીઃ વેતનમાં કરાયો ૩પ૦ ટકાનો ધરખમ વધારો / શીંજો આબે એલડીપી પક્ષના વડા ચૂંટાતા જાપનના વડાપ્રધાન પદ માટે રહેશે ચાલુ / ફિલીપાઈન્સમાં ભૂસ્ખલનઃ ૧૮ વ્યક્તિઓના મૃત્યુઃ અનેક ઘરો થયા જમીનદોસ્ત

''ઓપન સૌરાષ્ટ્ર કરાઓકે'' સ્પર્ધામાં સૌરાષ્ટ્ર આઈડોલનો ખિતાબ જીતવા સહિત અનેક સિદ્ધિઓ મેળવતા કમલેશ ઓઝા

જામનગર એટલે કલા-કસબીઓની નગરી... અને ગીત-સંગીત-રંગભૂમિ, ચિત્રકલા, શિલ્પકલા, હસ્તકલા સહિતના ક્ષેત્રોમાં નગરના અનેક કલાકારોએ રાષ્ટ્રીય-આંતરરાષ્ટ્રીયસ્તરે નગરનું નામ રોશન કર્યું છે.

ગીત-સંગીતની દુનિયામાં કરાઓકે સિસ્ટમના આગમન પછી સુરીલો કંઠ ધરાવતા અને ગાયકીનો શોખ ધરાવતા અનેક લોકોને તેમની ગાયકીની કલાને નિખારવાનો અને સ્ટેજ પરફોમન્સ સુધી લઈ જવાની તકો સર્જાઈ છે અને ગાયકીનો શોખ ધરાવતા અને સુરીલા કંઠના માલિક એવા કમલેશ ઓઝાએ કરાઓકેના માધ્યમથી પોતાની કલાને ઉત્કૃષ્ટ કક્ષાએ પહોંચાડી છે અને અનેક સ્પર્ધાઓમાં વિજેતા થઈ ગીત-સંગીતના ક્ષેત્રે પોતાની એક આગવી ઓળખ પ્રસ્થાપિત કરી છે.

જામનગરની નેશનલ હાઈસ્કૂલમાં શાળાકીય અભ્યાસ અને ત્યારપછી એમ.પી. શાહ કોમર્સ કોલેજમાં ગ્રેજ્યુએટ થયા પછી તેમની અંદર રહેલો નાટ્યકલા દ્વારા અનેક નાટકોમાં અભિનય કર્યો, યુવક મહોત્સવોમાં ઈનામો જીત્યા અને થિયેટર પીપલના નાટકોમાં પણ તેમણે મહત્ત્વના રોલ કર્યા.

બેંક ઓફ ઈન્ડિયામાં સર્વિસ કરવા સાથે નાટ્યપ્રવૃત્તિ મંદ પડી, તેમ છતાં અવસર મળે ત્યારે નાટકો રજુ કર્યા.

પણ તેમની અંદર એક ગાયક કલાકાર પણ છુપાયેલો હતો જ. ઘરમાં કે મિત્રોની મંડળીમાં ગીતોની સુંદર રજુઆત કરતા તેમાં ''કરાઓકે'' સિસ્ટમનું માધ્યમ મળી જતાં તેમણે અનેક ગીતો ગાયા છે અને સ્ટાર સરગમ ગ્રુપના નામે સંસ્થા બનાવી તેના માધ્યમથી અનેક ફિલ્મી ગીતોને 'યુ-ટ્યુબ' પર મૂક્યા છે. યુ-ટ્યુબ પરના તેમણે ગાયેલા ગીતોને અપાર લોકપ્રિયતા મળી રહી છે અને તેમના જણાવ્યા પ્રમાણે સીત્તેર હજાર જેટલા વ્યૂઅર્સોએ તેમના ગીતો સાંભળ્યા છે.

તાજેતરમાં પોરબંદરમાં યોજાયેલી ઓપન સૌરાષ્ટ્ર કરાઓકે સીંગીંગ સ્પર્ધામાં સમગ્ર સૌરાષ્ટ્રમાં જેન્ટસ સોલો કેટેગરીમાં કમલેશ ઓઝાએ ચારેય રાઉન્ડમાં ઉત્તમ દેખાવ કરીને અને અંતિમ રાઉન્ડમાં 'રાધીકે તુને બંસરી ચુરાઈ' જેવું ક્લાસીકલ ગીત રજુ કરીને સૌને મ્હાત કરી કરાઓકે સૌરાષ્ટ્ર આઈડોલનું બિરૃદ હાંસલ કર્યું છે.

શાળાના અભ્યાસ દરમ્યાન જ તેમણે હાર્મોનિયમમાં વિશારદની પરીક્ષા પાસ કરી લીધી હોવાથી સંગીતનું બેઝીક જ્ઞાન તો તેઓ ધરાવે જ છે. જામનગરમાં જેસીસ દ્વારા યોજાયેલી ઓપન જામનગર સીંગીંગ કોમ્પિટીશનમાં પણ તેઓ પ્રથમ સ્થાને વિજેતા થયા હતાં. નૃત્ય ભારતી સંસ્થા સાથે પણ તેઓ વરસો સુધી જોડાયેલા રહ્યા હતાં.

'નોબત' સાથેની વાતચીતમાં તેમણે દર્શકભાઈ માધવાણીને જણાવ્યું હતું કે સ્ટાર સરગમ ગ્રુપ દ્વારા અત્યાર સુધીમાં કરાઓકે સિસ્ટમ સાથે ૬૦ જેટલા સ્ટેઈજ શો કરવામાં આવ્યા છે અને જેમને ગાયકીનો શોખ છે તેવા ઉગતા કલાકારોને તેમની કલા રજુ કરવાનું સ્ટેઈજ મળે છે. કમલેશ ઓઝા તેમની પોતાની સિસ્ટમ સાથે નિયમિત રીતે અંધાશ્રમમાં કાર્યક્રમ રજુ કરે છે. તેમજ પુષ્પાંજલિ ટ્રસ્ટના ઉપક્રમે થતાં સેવાકાર્યો પ્રસંગે પણ કમલેશ ઓઝા ગીતો રજુ કરીને મનોરંજન પૂરૃં પાડે છે. ગણેશોત્સવમાં પણ તેઓ ગીત-સંગીતના કાર્યક્રમો રજુ કરવાની સેવા આપે છે.

તેમનો પુત્ર સશેષ ઓઝા પણ સારો ગાયક છે અને પોરબંદરની સ્પર્ધામાં તો પ્રથમ ત્રણ રાઉન્ડ સુધી પિતા-પુત્ર વચ્ચે પણ સ્પર્ધા થઈ હતી. કમલેશભાઈના સુરીલા કંઠની ઓળખ થતાં જ હવે તેઓ કરાઓકે સિસ્ટમ ઉપરાંત લાઈવ ઓરકેસ્ટ્રા સાથે પણ સ્ટેઈજ પરથી ગીતો રજુ કરી રહ્યા છે અને એક ઉત્તમ કોટીના ગાયક કલાકાર તરીકે તેઓ હવે પ્રસ્થાપિત થઈ ચૂક્યા છે.

ગીત-સંગીતના ક્ષેત્રે પોતાના શોખને એક અલગ ઓળખ સાથે લોકપ્રિયતા પ્રાપ્ત કરવાની સિદ્ધિ પ્રાપ્ત કરનાર કમલેશ ઓઝા વધુને વધુ સફળતા પ્રાપ્ત કરે તેવી શુભેચ્છા...

હવામાન

weather

શબ્દવ્યુહ

માર્કેટ યાર્ડ - હાપા, જામજોધપુર, જામનગર બ્રાસ સીટી:

માર્કેટ યાર્ડ - હાપા   ઘઉં ....242 ...383 । મગ ....800 ...1680 । લસણ ....160 ...805 । ચણા। ....160 ...805   માર્કેટ યાર્ડ - જામજોધપુર   કપાસ। ....780 ...937 । જીરૂ। ....2600 ...3125 । અરેંડા। ....650 ...729   જામનગર બ્રાસ સીટી   બ્રાસ હાની ઢાંળો ...315.00 । બ્રાસ હાની વાસંણ ...327.00 । બ્રાસ હાની પાઈપ ...329.00 । બ્રાસ વિલાયતી ....310.00