નગરમાં મહત્તમ તાપમાન ૩૬.પ ડીગ્રી નોંધાયું

જામનગર તા. ર૦ઃ જામનગર તથા દેવભૂમિ દ્વારકા જિલ્લામાં વરસાદી વાદળોના આંટાફેરા જોવા મળી રહ્યા છે, પરંતુ મેઘરાજા પોતાનું હેત હાલારમાં નહીં વરસાવતા હાલારવાસીઓ નિરાશ થયા છે અને મુશ્કેલીનો સામનો કરી રહ્યા છે.

જામનગરમાં મીની વાવાઝોડા સમાન ફૂંકાતા તેજીલા વાયરાઓના કારણે ગરમીમાં ઘટાડો થયો હતો, પરંતુ તેજીલા વાયરાઓ શાંત પડતાની સાથે તાપમાનમાં વધારો થયો છે. જામનગરમાં છેલ્લા ચોવીસ કલાકમાં દોઢ ડીગ્રીના વધારા સાથે મહત્તમ તાપમાનનો પારો ૩૬ ડીગ્રીને પણ પાર કરી ગયો હતો. જેના કારણે ગરમીમાં પણ વધારો થયો હતો. આ ઉપરાંત વાતાવરણમાં ભેજનું પ્રમાણ ૮૦ ટકાથી વધી જતા બફારામાં પણ વધારો થયો હતો. આમ લોકોને ગરમી અને બફારાના બેવડા મારથી હાલાકીનો સામનો કરવો પડ્યો હતો. જામનગરમાં આજે સવારે પૂરા થતાં ચોવીસ કલાક દરમિયાન લઘુત્તમ તાપમાન ર૮ ડીગ્રી અને મહત્તમ તાપમા ૩૬.પ ડીગ્રી નોંધાયું હતું. વાતાવરણમાં ભેજનું પ્રમાણ ૮૩ ટકા રહ્યું હતું તથા પવનની ગતિ પ્રતિકલાકની સરેરાશ ૧૦ થી ૧ કિ.મી.ની રહેવા પામી હતી.

close
Nobat Subscription