મહિલા એથલિટ હિમાદાસે પખવાડિયામાં જીત્યા ચાર મેડલઃ અડધી આવક પૂરપીડિતોને અર્પણ

નવી દિલ્હી તા. ૨૦ઃ મહિલા એથલિટ હિમાદાસે ૧૫ દિવસમાં ચાર મેડલ મેળવીને દેશનું ગૌરવ તો વધાર્યુ જ છે, સાથે-સાથે ઈન્ડિયન ઓઈલ ફેડરેશનમાંથી મળનાર પગારના ૫૦ ટકા રકમ પૂર પીડિતો માટે રાહત ફંડમાં આપવાની જાહેરાત કરીને અનોખું દૃષ્ટાંત બેસાડ્યું છે.

સ્ટાર મહિલા એથલિટ હિમા દાસે પોતાનું શાનદાર પ્રદર્શન ચાલુ રાખતા છેલ્લા ૧૫ દિવસમાં ચોથો ગોલ્ડમેડલ જીતીને ઈતિહાસ રચી દીધો છે. રિપિબ્લકમાં ચાલી રહેલ ટબોર એથલેટિક્સ મીટમાં હિમા દાસે મહિલા કેટેગરીમાં ૨૦૦ મીટર રેસમાં ગોલ્ડ મેડલ જીતીને ઈતિહાસ રચ્યો. હિમા દાસે શાનદાર પ્રદર્શનને ચાલુ રાખતા ૧૫ દિવસની અંદર ચાર ગોલ્ડ ભારતને અપાવ્યા છે.

સોશિયલ મીડિયામાં તેના નામની ખૂબ જ ચર્ચા થઈ રહી છે. હિમાએ પૂરની ઝપટમાં આવેલા પોતાના રાજ્ય આસમને બચાવા માટે લોકોને મુખ્યમંત્રી રાહત ફંડમાં યોગદાન આપવાની અપીલ કરી છે. હિમાએ ઈન્ડિયન ઓઈલ ફાઉન્ડેશનમાંથી મળનાર પોતાનો અડધો પગાર રાહત ફંડમાં આપી દીધો છે.  હિમાએ શુક્રવારના એક ટ્વીટ કરી જે ખૂબ વાયરલ થઈ રહી છે. હિમાએ પોતાની એક પોસ્ટમાં લખ્યું કે જો આપણી અંદરના હીરો પર વિશ્વાસ કરીને પોતાના સપનાઓને પૂરા કરવામાં લાગી જઈએ તો કોઈપણ લક્ષ્ય મુશ્કેલ નથી અને કોઈપણ ચેલેન્જર અઘરી નથી. હિમાના ખાતામાં ૧૫ દિવસમાં ચેક ગણરાજ્યમાં યોજાયેલ ટાબોર એથલેટિક્સ ટુનાર્મેન્ટમાં આ ચોથો ગોલ્ડ છે. આ હિમાએ બુધવારના રોજ યોજાયેલ રેસને ૨૩.૨૫ સેકન્ડમાં પૂરી કરીને ગોલ્ડ જીત્યો હતો.

close
Nobat Subscription