| | |

ઝેરી જનાવર કરડી જતા શ્રમિકનું મૃત્યુ

જામનગર તા. ૧૧ઃ કાલાવડના પીપર ગામમાં ખેતમજુરી માટે આવીને રહેતા મધ્યપ્રદેશના એક શ્રમિકને ઝેરી જનાવર કરડી જતા તેઓનું મૃત્યુ નિપજ્યું છે જ્યારે નગરના એક યુવાનનું છાતીમાં દુખાવો ઉપડ્યા પછી મૃત્યુ થયું છે.

કાલાવડ તાલુકાના પીપર ગામમાં રહેતા અને ત્યાંજ ખેતર ધરાવતા આંબાભાઈ ભીખાભાઈ સાવલીયાને ત્યાં ખેતમજુરી માટે આવીને રહેતા મૂળ મધ્યપ્રદેશના અલીરાજપુર જિલ્લાના ગીરધા ગામના મેહતાભાઈ જુરસી અવાસીયા (ઉ.વ. ૪૫) નામના શ્રમિક ગઈકાલે સવારે ખેતરમાં વાવવામાં આવેલા રીંગણાને લણ્યા પછી પાણીની કુંડીમાં રીંગણા ધોતા હતાં ત્યારે તેઓને પગમાં કોઈ ઝેરી જનાવર કરડી જતા આ શ્રમિક બેશુદ્ધ બની ગયા હતાં. તેઓને સારવાર માટે કાલાવડ દવાખાને ખસેડવામાં આવ્યા હતાં જ્યાં ફરજ પરના તબીબે આ શ્રમિકને મૃત્યુ પામેલા જાહેર કરતા મૃતકના પત્ની સુરબાઈબેને પોલીસને જાણ કરી છે.

જામનગરના રામેશ્વર નગર પાછળના માટેલ ચોકમાં રહેતા અરવિંદભાઈ દામજીભાઈ મકવાણા (ઉ.વ. ૪૦) નામના યુવાનને ગઈકાલે છાતીમાં દુખાવો ઉપડતા જી.જી. હોસ્પિટલમાં ખસેડવામાં આવ્યા હતાં જ્યાં આ યુવાનનું આજે સવારે મૃત્યુ થયું છે. પોલીસે ભાવનાબેન અરવિંદભાઈનું નિવેદન નોંધ્યું છે.

close
Nobat Varsik Lavajam Yojna 2020-21
close
PPE Kit