માર્કેટ સ્કેન

નિફ્ટી ફયુચર ૧૪૫૦૫ પોઈન્ટ મહત્વની સપાટી...!!!

સેન્સેક્સ ઃ ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૪૯૫૯૧.૩૨ સામે ૪૮૯૫૬.૬૫ પોઈન્ટના મથાળેથી ખુલીને ૪૮૪૦૩.૬૫ પોઈન્ટના નીચા મથાળે થી નવી વેચવાલી દ્વારા સેન્સેક્સ આધારિત શેરોમાં તબક્કાવાર મંદીનો માહોલ જોવા મળ્યો...સરેરાશ ૫૫૩.૦૦ પોઈન્ટ ની મુવમેન્ટ નોંધાવી ભારતીય શેરબજારનો સેન્સેક્સ ૧૧૦૫.૨૨ પોઈન્ટના ઘટાડા સાથે ૪૮૪૮૬.૧૦ પોઈન્ટ સાથે ટ્રેડીંગ કામકાજ ચાલુ હતું ..!!!

નિફ્ટી ફ્યુચર ઃ ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૧૪૮૮૯.૪૦ સામે ૧૪૬૮૯.૭૦ પોઈન્ટના મથાળેથી ખુલીને ૧૪૫૦૪.૩૦ પોઈન્ટના નીચા મથાળે થી નવી વેચવાલી દ્વારા નિફ્ટી ફ્યુચર આધારિત શેરોમાં તબક્કાવાર મંદીનો માહોલ જોવા મળ્યો...સરેરાશ ૧૮૫.૪૦ પોઈન્ટ ની મુવમેન્ટ નોંધાવી નિફ્ટી ફ્યુચર ૩૫૫.૪૦ પોઈન્ટના ઘટાડા સાથે ૧૪૫૩૪.૦૦ પોઈન્ટ આસપાસ સાથે ટ્રેડ થતા હતાં..!!!

એમસીએક્સ ગોલ્ડ ઃ ઇન્ટ્રા ડે ટ્રેડીંગની શરૂઆતે જુન ગોલ્ડ રૂ.૪૬૫૪૫ ના મથાળેથી ખુલીને રૂ.૪૬૬૬૪ પોઈન્ટના ઊંચા મથાળેથી ઘટાડો નોંધાવી રૂ.૪૬૫૧૩ ના નીચા મથાળે નોંધાવી ૨૭ પોઈન્ટના વધારા સાથે રૂ.૪૬૬૨૦ આસપાસ ટ્રેન્ડ નોંધાયેલ..!!

એમસીએક્સ સિલ્વર ઃ ઇન્ટ્રા ડે ટ્રેડીંગની શરૂઆતે મે સિલ્વર રૂ.૬૬૭૮૬ ના મથાળેથી ખુલીને રૂ.૬૬૯૪૨ પોઈન્ટના ઊંચા મથાળેથી ઘટાડો નોંધાવી રૂ.૬૬૭૭૮ ના નીચા મથાળે નોંધાવી ૯૫ પોઈન્ટના ઘટાડા સાથે રૂ.૬૬૮૮૮ આસપાસ ટ્રેન્ડ નોંધાયેલ..!!!

સ્થાનિક / વૈશ્વિક પરિબળોની વાત કરીએ તો...  દેશભરમાં ફરી કોરોના સંક્રમણની બીજી લહેરમાં વિસ્ફોટ થતાં કટોકટીની પરિસ્થિતિ ઊભી થતાં અને મહારાષ્ટ્રમાં કેસોમાં અસાધારણ વધારાના પરિણામે ફરી લોકડાઉનના પગલાં લેવાની અંતે રાજય સરકારને ફરજ પડતાં તેમજ ગુજરાત સહિતના રાજયોમાં પરિસ્થિતિને લઈ આગામી દિવસોમાં કેન્દ્ર સરકાર દ્વારા ફરી દેશભરમાં લોકડાઉનના પગલાં લેવાય એવી બતાવાતી શકયતાએ આજે સપ્તાહના પ્રથમ દિવસે ભારતીય શેરબજારમાં અંદાજીત ૧૨૦૦ પોઈન્ટથી વધુનો કડાકો જોવા મળ્યો હતો.

રિઝર્વ બેંક ઓફ ઈન્ડિયા દ્વારા ધિરાણ નીતિ સમીક્ષામાં વ્યાજ દર જાળવી રાખવામાં આવ્યા સામે જંગી બોન્ડસ ખરીદીનો પ્રોગ્રામ હોવાનું જાહેર કર્યા છતાં કોરોનાને લઈ આગામી દિવસોમાં વધુ લોકો લોન ચૂકવણીમાં ડિફોલ્ટર થવાના અને એના પરિણામે બેંકોની એનપીએમાં જંગી વધારો થવાના અંદાજોએ આજે બેંકિંગ-ફાઈનાન્સ શેરોમાં ભારે વેચવાલી જોવા મળી હતી. અલબત ફરી વિશ્વ લોકડાઉનના પરિણામે વર્ક ફ્રોમ હોમ તરફ વળવા લાગતાં આગામી દિવસોમાં આઈટી-સોફટવેર સર્વિસિઝ, ટેકનોલોજી માટેની માંગમાં મોટી વૃદ્વિની અપેક્ષા, ઈન્ફોસિસ બાયબેક ઓફર અને આઈટી કંપનીઓના માર્ચ અંતના ત્રિમાસિક પરિણામો પ્રોત્સાહક નીવડવાના અંદાજોએ આજે આઈટી અને ફાર્મા શેરોમાં ફંડ ોની લેવાલી જોવા મળી હતી.

વૈશ્વિક શેરબજારની વાત કરીએ તો શુક્રવારે અમેરિકન માર્કેટમાં ડાઉ જોન્સ ૦.૮૯%ના વધારા સાથે બંધ રહ્યો હતો. જ્યારે એસ એન્ડ પી ૫૦૦ ૦.૭૭% અને નેસ્ડેક ૦.૫૧% વધીને સેટલ થયા હતા. બીએસઈ પર મીડકેપ ઈન્ડેક્સ ૪.૪૩% અને સ્મોલકેપ ઈન્ડેક્સ ૩.૭૨% ઘટીને ટ્રેડ થઈ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર રિયલ્ટી, ફાઈનાન્સ, ઇન્ડસ્ટ્રીયલ, યુટીલીટી, ઓટો, બેન્કેકસ અને પાવર શેરોમાં ભારે વેચવાલી જોવા મળી હતી, જ્યારે બાકી અન્ય તમામ સેક્ટરલ ઈન્ડાયસીસ પણ  ઘટાડા સાથે કારોબાર કરી રહ્યા હતા.

બીએસઈમાં સવારે ૧૧ કલાકે કુલ ટ્રેડીંગ થયેલી ૨૩૬૨ સ્ક્રિપોમાંથી ઘટનારની સંખ્યા ૧૯૨૬ અને વધનારની સંખ્યા ૩૫૫ રહી હતી, ૮૧ શેરના ભાવમાં કોઈ ફેરબદલ જોવાયો ન હતો. જ્યારે ૧૯૧ શેરોમાં ઓનલી સેલરની મંદીની નીચલી સર્કિટ સામે ૯૮ શેરોમાં ઓનલી બાયરની તેજીની ઉપલી સર્કિટ રહી હતી.

બજારની ભાવિ દિશા.... મિત્રો, કોરોના કાળમાંથી બહાર આવીને દેશભરમાં આર્થિક પ્રવૃતિ વેગ પકડવા લાગતાં છેલ્લા છ મહિનામાં સરકારી આંકડા મુજબ જીએસટી એક્ત્રિકરણ સતત છઠ્ઠા મહિને વધીને માર્ચમાં રૂ.૧.૨૪ લાખ કરોડ થતાં અને હવે કોર્પોરેટ ઈન્ડિયાના માર્ચ ૨૦૨૧ના અંતના ત્રિમાસિક અને વાર્ષિક પરિણામોની શરૂ થનારી સીઝનમાં સારા પરિણામોની અપેક્ષા વચ્ચે આગામી દિવસોમાં ફરી ફોરેન પોર્ટફોલિયો ઈન્વેસ્ટરોની સક્રિયતા વધવાની શકયતા છે. પરંતુ અમેરિકામાં જંગી સ્ટીમ્યુલસની સાથે યુ.એસ. બોન્ડ યીલ્ડમાં નજીકના ભવિષ્યમાં કોઈપણ મોટો વધારો શકય છે, કે ભારત સહિતના વિકાસશીલ બજારોમાંથી એફપીઆઈ-ફોરેન ફંડોના રોકાણને પાછું ખેંચાવાના જોખમે સાવ ચેતી જરૂરી બની રહેશે.

આગામી દિવસોમાં રાજયોની યોજાઈ રહેલી ચૂંટણીઓ પર ભારતીય શેરબજારની નજર સાથે દેશભરમાં ફરી થયેલા કોરોના વિસ્ફોટને પરિણામે કેન્દ્ર સરકાર અને રાજય સરકારોના અંકુશના કડક પગલાં અને રૂપિયા સામે અમેરિકી ડોલરના મૂલ્યમાં વધઘટ ઉપરાંત આંતરરાષ્ટ્રીય મોરચે ક્રુડ ઓઈલના ભાવો પર સૌની નજર રહેશે.

હવે જોઈએ ભારતીય શેરબજારની આગામી ટ્રેડીંગ સંદર્ભે સ્ટોક સ્પેશીફીક અંદાજીત રુખ

એસીસી લિમિટેડ (૧૮૭૭) ઃ સિમેન્ટ એન્ડ સિમેન્ટ પ્રોડક્ટ ગ્રુપની અગ્રણી આ કંપનીના શેરનો ભાવ હાલમાં રૂ.૧૮૬૦ આસપાસ ટ્રેડીંગ થતો આ સ્ટોક રૂ.૧૮૪૮ ના સ્ટોપલોસથી ખરીદવાલાયક આ સ્ટોક ટૂંકા સમયગાળે રૂ.૧૮૯૮ થી રૂ.૧૯૧૯ સુધી તેજી તરફી ધ્યાન...!!!

ઇન્ફોસિસ લિમિટેડ (૧૪૫૦) ઃ ટેકનિકલ ચાર્ટ મુજબ રૂ.૧૪૩૩ આસપાસ પોઝીટીવ બ્રેકઆઉટ!! રૂ.૧૪૧૭ ના સપોર્ટથી ખરીદવાલાયક આ સ્ટોક રૂ.૧૪૭૩ થી રૂ.૧૪૮૦ નો ભાવ નોંધાવે તેવી સંભાવના છે...!!!

ટેક મહિન્દ્ર (૧૦૪૦) ઃ રૂ.૧૦૨૭ નો પ્રથમ તેમજ રૂ.૧૦૧૩ ના બીજા સપોર્ટથી ટેકનોલોજી સેક્ટર રોકાણલક્ષી આ સ્ટોક રૂ.૧૦૬૩ થી રૂ.૧૦૭૦ સુધીની તેજી તરફી રુખ નોધાવશે...!!!

સિપ્લા લિમિટેડ (૮૮૮) ઃ ફાર્મા સેક્ટર નો આ સ્ટોક ટૂંકા ગાળે ટ્રેડીંગલક્ષી રૂ.૯૦૯ થી રૂ.૯૨૦ ના ભાવની સંભાવના ધરાવે છે!! અંદાજીત રૂ.૮૭૮ નો સ્ટોપલોસ ધ્યાને લેવો...!!!

ગ્લેનમાર્ક ફાર્મા (૫૦૮) ઃ રૂ.૦૧ ની ફેસવેલ્યુ ધરાવતા ફન્ડામેન્ટલ સ્ટ્રોંગ આ સ્ટોક રૂ.૪૯૪ ના સ્ટોપલોસ આસપાસ ખરીદવાલાયક ફાર્મા સેક્ટર ના આ સ્ટોકમાં તેજી તરફી રૂ.૫૨૩ થી રૂ.૫૪૦ આસપાસ નફાલક્ષી ધ્યાન ઉત્તમ...!!!

લેખક સેબી રજીસ્ટર્ડ રિસર્ચ એનાલીસ્ટ અને ઇન્વેસ્ટમેન્ટ પોઈન્ટ ના પ્રોપરાઇટર છે.