| | |

લો...ન... ન...લો... કંઈ નિકળ્યું કે, પેકેજમાંથી ?

કોરોના નામક વાયરસ તમામ સતાઓની આકરી કસોટી કરી હંફાવી રહ્યો છે. ભારતમાં પણ આ કીટાણું એ એક લાખથી વધુને પોતાના બાહુમાં ઝકડી લીધા છે એ ૩૦૦૦ થી વધુ જીવોને ભરખી લીધા છે. બે મહિનાથી લોકડાઉનમાં ઘરમાં પુરાય રહેલો આમ આદમી લોકડાઉન પુર્ણ થયા બાદ પણ ઘરની બહાર નિકળવા જેવો રહેશે ખરો...?

કહેવાતી કોમનમેનની સરકારે કોમન સેન્સનું કોઈ ઉપયોગ કર્યો જ નહી, કોમન રીતે કોઈ કામ કર્યું હોય તો તે માત્રને માત્ર એક જ કામ લોકડાઉનને આગળ ખેચંવાનું અને લોક લાગણીને કોઈને કોઈ રીતે બીજી તરફ વાળવું લોકડાઉનના આરંભથી જ છેતરામણી જાહેરાતો અને રાહતોની વાતોથી આમ આદમી ભૂખથી વિશેષ કંઈ જ આપ્યું નથી. ભુખથી ભયભીત પરપ્રાંતિઓ મજદૂર વર્ગ ઘરભણી પગપાળા રવાના થવા લાગ્યો, માર્ગમાં એક - બે નહીં અનેક લોકો અકસ્માતનો ભોગ બન્યા તો પણ સંવેદનાહીન સરકારના પેટનું પાણી ના હલ્યું, મજબૂર-મજદૂર વર્ગ પોતાના નશીબને કોષી કુદરત પ્રત્યે મીટ માંડી બેઠો છે, જ્યારે સરકાર અને વિપક્ષ કે અન્ય નેતાગણ હૈયાધારણા-સુફીયાણી સલાહો આપવાની 'આગવી' ફરજ બજાવી રહ્યાં છે.

સૌનો સાથ, સૌનો વિકાસના બણગા ફૂંકતિ સરકારની પોલ કોરોના વાયરસે ખોલી નાખી છે. જ્યાંકામ-ધંધા વિના ૧૦-૧૫ દિવસ રહી શકવાની પણ હેસીયત નહી ધરાવતા લોકોની સંખ્યા દેશની કુલ વસ્તીના પ૦ ટકા થી વધુ હોય ત્યાં સૌનો વિકાસની વાત કંઈ રીતે ગળે ઉતારે...? રાષ્ટ્રની તિજોરીનું રક્ષણ કરવાની વાત કરી રહેલા શાસક પક્ષની સરકારી તિજોરીમાં આમ આદમીને રોકડ સહાય આપવાના ફંદીયા નથી તે સરકાર કોરોના વાયરસથી થતા મૃત્યુના આંકડાઓને અન્ય દેશો સાથે સરખાવી જાતે જ પીઠ થાબડવાનું કામ કરી લોકોનું ધ્યાન અન્યંત્ર વાળવા પ્રયાસ કરી રહી છે. રાષ્ટ્રનો છેવાડાનો માનવી એવા દૈનિક મજુર-સ્વરોજગાર રળનાર અને અન્ય કોઈ રીતે સેલ્ફ વર્ક નું કામકાજ કરી પરિવારનુ ગુજરાન ચલાવનાર કે ઘરના વડીલ તરીકે સંતાનોના બોજને હળવો કરવા બે પૈસા કમાઈ લાવનાર વડીલ અને સામાન્ય દિવસોમાં પણ આવતીકાલની ચિંતામાં અર્ધભુખ્યો રહી દિવસો પસાર કરનાર વર્ગની 'દશા' અંગે સરકાર કોઈ જ દરકાર લીધી નથી. કહેવાતી રાહતો અને પેકેજોથી ગરીબોની હાંસી ઉડાવતી સરકારી જાહેરાતો અને આંકડાઓ થી સરકાર પોતાની મુડીવાદી અને શોષણખોર નીતી જાહેર કરી ચુકીછે.

મુદ્દાની વાત એ છે કે સરકાર સંપુર્ણપણે નિષ્ફળ પુરવાર થઈ રહી છે. પગે રેલો આવતા શ્રમિક રેલ ચલાવીને શ્રમિકોથી રેલભાડુ વસુલ કર્યું    કે નહીં તે તો 'રામ જાણે' પરંતુ વિપક્ષ અને મુસાફરી કરનાર તો ભાડુ ચુકવ્યાનું કહે છે!. શ્રમિક ટ્રેનો બાદ રેલવે વ્યવહાર ચાલુ કરવાના ભાગરૃપે કેટલાક રૃટ ચલાવવામાં પણ આમ આદમીની બાદબાકી કરવામાં આવી. ફક્ત એસી ટ્રેનો ચલાવી હવે નજીકના દિવસોમાં વધુ ટ્રેનો કરવામાં આવશે.

રૃા. ૨૦ લાખ કરોડનું રાહત પેકજ આપ્યા બાદ તેની વિગતો માટે નાણામંત્રીએ ટીવી સીરિયલની જેમ પાંચ એપીસોડ કરી આમ આદમીને આપ્યું તો શું ? તે સવાલ છે, રાહતના રૃડા પેકેંજમાં આમ આદમી બે મહિનાનું મકાન ભાડુ, કરીયાણાનું બીલ અને વીજબીલ તથા લીધેલ લોન ના હપ્તા વિગેરે વિગેરે માં રાહતરૃપ દવાની અપેક્ષા રાખી તાળી વગાડી રહયોં હતો પરંતું આકર્ષક પેકીંગમાં વેચાંતી ઝેરી દવાઓ ની જેમ આ પેકેજ માંથી બે મહિના સુધી ઘરમાં ગોધાંય રહેલા ગરીબ વર્ગને ઝેર પીવાનો વારો આવે તેમ તેના માટે વધુ કર્જદાર બનવાનો માર્ગ બતાવતો નકશો નિકળ્યો. ૨૫ હજારથી એક લાખ સુધીની ગેરંટર (જામીન) વિનાની લોન પરંતુ આ લોન મળવાની કોઈ ગેરંટી ખરી ? ૨ ટકાના વ્યાજદરે લોન મેળવવા માટે યોગ્ય અરજદાર કોણ... કેટલા હશે...?, આરબીઆઈની માર્ગદર્શિકા અને બેંકોએ  પોતે બનાવેલ કેટલાક નિયમો તેમજ આમ આદમીની પોતાની અજ્ઞાનતાના કારણોસરની કેટલીક ખામીઓ,રાહત પેકેજથી નિકળેલું લોનનું ગાજર કંઈ રીતે ખાઈ શકશે..?

બબ્બે મહિના સુધી ઘરમાં રહ્યાં પછી લોક આક્રોશની જ્વાળા ફાટી નિકળે તે પહેલા જ ૫૦ ટકાની આસપાસ ધંધા-રોજગાર શરૃકરી લોકડાઉન હળવું કરનાર સરકાર ૫૦ ટકા મતલબ કે એક માસના વેતન જેટલી રોકડ રકમ આપી બજારમાં ખરીદી માટે નિકળવાની તક આપવાનું સહેજપણ વિચાર્યું નહીં.આગળ લખ્યું તેમ આંકડા ઓની માયાજાળ  રચી આમ આદમીના કર્જને ઘટાડી તેને આત્મનિર્ભર બનાવવાના બદલે તેના કર્જમાં વધારો કરી લોનરૃપે કંઈક આપ્યાનું સંતોષ લઈને કર્જદાર બનાવી કહીંપે નિગાંહે કહીપે નિશાના ની નીતી  થી વધું શોષણ કરવાનું આયોજન ઘડી કાઢ્યું આને મુડીવાદ નહીંતો બીજું શું કહેવાય...? બેંકો દ્વારા અગાઉથી જ કેટલાક ખાસ વર્ગ, સમુહને- વિસ્તારો અને ધંધાઓને લોન માટે અયોગ્ય ગણાયા છે અને કેટલાકને કહેવાતી ક્રેડીટ સ્કોર પધ્ધતિએ અયોગ્ય બનાવ્યા છે. ત્યારે વિચારવાનું એ છે કે આ રાહત પેકેજ કોને રાહત પુરી પાડશે, આ લોન રકમ અન્ય લાભો કંઈ તરફ જશે ? એ કહેવા-લખવાની જરૃર ખરી....

મુખવાસઃ મુસીબત ટળી શકે તેમ ન હોય ત્યારે તેનો આનંદ માણવા માંડો..આત્મ નિર્ભર બનો.

close
Nobat Varsik Lavajam Yojna 2020-21
close
PPE Kit