Author: નોબત સમાચાર
ધરારનગર-રમાં એક મકાનમાંથી ઈંગ્લીશ દારૂની છ બોટલ સાથે બે શખ્સ ઝડપાયા
અન્ય બે દરોડામાં આઠ ચપલા સાથે બેની અટકઃ
જામનગર તા. ૧૪: જામનગરના ધરારનગર-રમાં આવેલા એક મકાનમાંથી એલસીબીએ દારૂની નાની મોટી છ બોટલ સાથે બે શખ્સને પકડી પાડ્યા છે. સપ્લાયરનું નામ ઓકાવાયું છે. રણજીતસાગર રોડ પરથી એક શખ્સ ત્રણ ચપલા સાથે અને પ્રદર્શન મેદાન પાસેથી એક શખ્સ પાંચ ચપલા સાથે પકડાઈ ગયો છે.
જામનગરના ધરારનગર-ર વિસ્તારમાં આવેલા ગુલામ-એ-અલી અસગરી ચોક પાસે ગઈકાલે રાત્રે બે શખ્સ ઈંગ્લીશ દારૂની બોટલ સાથે જતા હોવાની બાતમી એલસીબીના મયુદીન સૈયદ, અરજણભાઈને મળતા પીઆઈ વી.એમ. લગારીયાને વાકેફ કરાયા પછી પીએસઆઈ સી.એમ. કાંટેલીયા તથા પીએસઆઈ પી.એન. મોરીના વડપણ હેઠળની એલસીબી ટીમે વોચ રાખી હતી.
તે દરમિયાન ત્યાંથી પસાર થતાં જાવેદ અલીમામદ સમા તથા સલીમ ઈસુબ જોખીયા નામના બે શખ્સ પસાર થતાં તેઓને રોકી જાવેદ સમાના મકાનમાં દરોડો પાડવામાં આવ્યો હતો. ત્યાંથી અંગ્રેજી શરાબની નાની મોટી છ બોટલ મળી આવી હતી. આ શખ્સોએ રણજીતનગર હુડકોમાં રહેતા બ્રિજરાજસિંહ ઉર્ફે લાલા નામના શખ્સે બોટલ આપ્યાની કબૂલાત કરી છે.
જામનગરના રણજીત સાગર રોડ પર ગ્રીનસિટી નજીક એક હોસ્પિટલ પાસેથી ગઈકાલે રાત્રે જામનગર તાલુકાના તમાચણ ગામનો શૈલેષ ભરતભાઈ રાઠોડ નામનો શખ્સ ઈંગ્લીશ દારૂના ત્ણ ચપલા સાથે ઝડપાઈ ગયો હતો.
જામનગરના સાત રસ્તા નજીક પ્રદર્શન મેદાન પાસેથી ગઈકાલે રાત્રે ધરારનગર-રમાં રહેતો સંજય ખીમજીભાઈ ચાવડા નામનો શખ્સ ઈંગ્લીશ દારૂના પાંચ ચપલા સાથે ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
