Author: નોબત સમાચાર
સલાયા ચેકપોસ્ટ પરથી ચોરાઉ બાઈક સાથે એક શખ્સની અટકઃ બાઈક કબજે
જામનગરમાંથી વાહન ઉઠાવ્યાની કબૂલાતઃ
સલાયા તા. ૧૨: સલાયાના એક શખ્સને ગઈકાલે પોલીસે ચેકપોસ્ટ પર શંકાસ્પદ બાઈક સાથે પકડ્યા પછી આ બાઈક એકાદ મહિના પહેલા જામનગરમાંથી ચોરી કરાયાનું ખૂલ્યું છે. પોલીસે બાઈક કબજે લઈ આરોપીની અટકાયત કરી છે.
ખંભાળિયા તાલુકાના સલાયા નજીક આવેલા ચેકપોસ્ટ પર ગઈકાલે સલાયા મરીન પોલીસ સ્ટેશનના સ્ટાફ દ્વારા કરવામાં આવી રહેલા ચેકીંગ દરમિયાન ત્યાંથી પસાર થયેલા સલાયાના ઈમરાન હુસેન સંઘાર ઉર્ફે ઈમલા વાઘેર નામના શખ્સને બાઈક સાથે રોકી લેવામાં આવ્યો હતો.
આ શખ્સ પાસે વાહનના કાગળો માંગવામાં આવતા ઈમલાએ ગલ્લાતલ્લા કર્યા હતા. તેથી પોલીસે તે વાહનના ચેસીસ નંબર પોકેટ કોપમાં સર્ચ કરતા આ વાહનના નં.જીજે-૧૦-એએ ૧૯૯૯ હોવાનું ખૂલ્યું હતું અને જામનગરના લક્ષ્મણભાઈ ભીમાભાઈ આંબલીયા નામના આસામી તેના માલિક હોવાનું બહાર આવ્યું હતું.
ત્યારપછી ઈમલાની સઘન પૂછપરછ કરવામાં આવતા તેણે એકાદ મહિના પહેલા જામનગર ગયા પછી સમર્પણ સર્કલ પાસેથી આ વાહન ઉપાડ્યાની કબૂલાત આપી છે. પોલીસે વાહન કબજે કરી ઈમરાન ઉર્ફે ઈમલાની અટકાયત કરી જામનગર પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
