Author: નોબત સમાચાર
દ્વારકા નગરપાલિકાના ચીફ ઓફિસર તરીકે અશ્વિન ગઢવી કોડીનારના બદલે દ્વારકા મૂકાયા
ઉદય નિશિતની ખાસ કિસ્સા તરીકે બદલી થઈ
ખંભાળિયા તા. ૧૯: દ્વારકાના ચીફ ઓફિસર ઉદય નિશિતની ઉપલેટા બદલી થઈ છે. તેમના સ્થાને હાલારમાં અગાઉ ફરજ બજાવી ગયેલા અશ્વિન ગઢવી મૂકાયા છે.
દેવભૂમિ દ્વારકા જિલ્લાના વડા મથક ખંભાળિયા તથા દ્વારકામાં તાજેતરમાં એ ગ્રેડની નગરપાલિકાઓ થઈ હોય, ખંભાળિયામાં તાજેતરમાં લાંબા સમયથી ખાલી જગ્યા પર સિક્કાથી રાહુલ કરમુરની નિમણૂક થઈ હતી તે પછી ગઈકાલે રાજ્યના શહેરી વિકાસ વિભાગે ખાસ હુકમ કરીને તા. ૧૦-૭-ર૦રપ ના હુકમમાં સુધારા કરીને દ્વારકાના ચીફ ઓફિસર ઉદય નિશિતને ઉપલેટાના ચીફ ઓફિસર તરીકે તથા અગાઉ ઉપલેટા લાંબા સમય સુધી કામગીરી કરનાર તથા હોંશિયાર અને બાહોશ ચીફ ઓફિસર અશ્વિન ગઢવીને ઉપલેટાથી કોડીનાર મૂકાયા હતાં. તેમનો હુકમ રદ્દ કરીને તેમને દ્વારકાના ચીફ ઓફિસર તરીકે મૂકાયા છે.
અશ્વિન ગઢવી અગાઉ ખંભાળિયા તથા જામજોધપુર હાલારની નગરપાલિકાઓમાં ફરજ બજાવી ચૂક્યા છે તથા લાંબા સમયનો હાલારની ન.પા.ઓનો અનુભવ પણ હોય, તેમને દ્વારકા મૂકાયા છે.
હાલ દ્વારકામાં રેંકડી-ગલ્લા ધારકોને હટાડવાના મુદ્દે આંદોલન તથા પાલિકા તથા પ્રાંત અધિકારી દ્વારા શહેરમાં સાફસફાઈ અંગે દબાણ હટાવો ઝુંબેશ ચાલી રહી છે, જ્યારે નવા ચીફ ઓફિસર અશ્વિન ગઢવીનો આ કાર્યમાં મહત્ત્વનો રોલ થશે. સાથોસાથ દ્વારકા-કોડીનાર સંદર્ભમાં તથા દ્વારકા એ ગ્રેડ પાલિકા ફરી ગ્રેડમાંથી બનતા કરોડોના વિકાસ કાર્યો સંદર્ભમાં હાલ મહત્ત્વની કામગીરી થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
