Author: નોબત સમાચાર
જામનગર જિલ્લા કલેક્ટર અને ચૂંટણી અધિકારીએ એસઆઈઆર પ્રક્રિયાનું કર્યું નિરીક્ષણઃ સૂચના અપાઈ
ધ્રોલ તાલુકાના ડાંગરા અને સણોસર ગામોના લોકો સાથે સંવાદ કર્યો
જિલ્લા કલેક્ટર કેતન ઠક્કરે ધ્રોલ તાલુકાના વિવિધ ગામોની મુલાકાત લઈ મતદાર યાદી સુધારણા કાર્યક્રમ અન્વયે ચાલતી ફોર્મ વિતરણ કામગીરીનું નિરીક્ષણ કર્યું હતું અને ગ્રામજનો સાથે સંવાદ કર્યા હતાં. ભારતના ચૂંટણી પંચ દ્વારા ચાલતા મતદાર યાદી ખાસ સંક્ષિપ્ત સુધારણા કાર્યક્રમ ર૦રપ અંતર્ગત ધ્રોલ તાલુકામાં ચાલી રહેલ ફોર્મ વિતરણ કામગીરીનું જિલ્લા કલેક્ટર અને જિલ્લા ચૂંટણી અધિકારી કેતન ઠક્કર દ્વારા નિરીક્ષણ કરવામાં આવ્યું હતું. કલેક્ટરે તેમના પ્રવાસ દરમિયાન ધ્રોલ તાલુકાના ડાંગર અને સણોસરા ગામોની મુલાકાત લીધી હતી અને બૂથ લેવલ ઓફિસર દ્વારા મતદારોને ફોર્મ વિતરણની થતી કામગીરીનું ઝીણવટપૂર્વક નિરીક્ષણ કર્યું હતું. આ નિરીક્ષણ દરમિયાન કલેક્ટરે બૂથ લેવલ ઓફિસર્સને ખાસ સૂચના આપી હતી કે મતદારોને સમગ્ર પ્રક્રિયાની વ્યવસ્થિત અને સરળ સમજુતી પૂરી પાડવામાં આવે, જેથી કોઈપણ યોગ્ય મતદાર પોતાના મતાધિકારથી વંચિત ન રહી જાય.
તદુપરાંત કલેક્ટર કેતન ઠક્કરે ગામ લોકો મસાથે સીધો સંવાદ પણ કર્યો હતો અને મતદારોની અચૂક નોંધણી કરાવી મતદાર યાદી સુધારણાના આ રાષ્ટ્રીય કાર્યક્રમમાં સક્રિય સહયોગ પૂરો પાડવા અનુરોધ કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
