Sensex
સ્થાનિક / વૈશ્વિક પરિબળોની વાત કરીએ તો.... સોમવારે શેરબજારમાં કારોબારની શરૂઆત તેજી સાથે થઈ હતી. સેન્સેક્સ ૧૫૫ પોઈન્ટના ઉછાળા સાથે ૭૬૭૭૭ ના સ્તરે હતો જ્યારે નિફ્ટી ફ્યુચર ઈન્ડેક્સ ૧૧ પોઈન્ટની ઉછાળા સાથે ૨૩૨૮૦ના સ્તરે કામકાજ કરી રહ્યો હતો, જ્યારે બેન્ક નિફ્ટી ફ્યુચર ઈન્ડેક્સ ૩૫૩ પોઈન્ટની ઉછાળા સાથે ૪૯૦૫૦ ના સ્તરે કામકાજ કરી રહ્યો હતા.
ચાઈના સાથે અમેરિકામાં ટ્રમ્પના સંબંધો સુધરવાના સંકેત વચ્ચે ઈન્ડસ્ટ્રીયલ મેટલમાં ફરી ફંડોની તેજી જોવાઈ હતી. બેંકિંગ-ફાઈનાન્સ શેરોમાં પણ ફંડો આજે ફરી મોટાપાયે ખરીદદાર બન્યા હતા. રેલવે ઉદ્યોગની કંપનીઓના શેરોમાં આજે મોટી તેજી થઈ હતી. ઓઈલ એન્ડ ગેસ, એનર્જી ફ્રન્ટલાઈન શેરો સાથે રિયલ્ટી,આઈટી-સોફ્ટવેર સર્વિસિઝ, ટેકનોલોજી અને એફએમસીજી શેરોમાં ફરી ફોરેન ફંડોએ આજે ખરીદી કરતાં ભારતીય શેરબજારમાં નોંધપાત્ર ઉછાળો નોંધાયો હતો. વૈશ્વિક બજારોમાં અમેરિકાના એશીયાના બજારોમાં તેજી સાથે ભારતીય શેર બજારોમાં સપ્તાહના પ્રથમ દિવસે સેન્સેક્સ, નિફટી બેઝડ તેજી જોવા મળી હતી.
અમેરિકામાં ડોનાલ્ડ ટ્રમ્પની ૨૦, જાન્યુઆરીના તાજપોશી થવા પૂર્વે વિશ્વમાં ફરી યુદ્વના અંત તરફી ડેવલપમેન્ટમાં ઈઝરાયેલની યુદ્વ અંત માટેની ડિલને હમાસે સ્વિકાર્યા બાદ ફરી ઈઝરાયેલે હમાસ આ વિરામને જોખમમાં મૂકી રહ્યાના આક્ષેપ છતાં ટ્રમ્પ હવે ચાઈનાના દુશ્મનને બદલે દોસ્ત બનવા તરફી મળી રહેલા સંકેતે વિશ્વનું અર્થતંત્ર ફરી રિકવરીના પંથે આગળ વધવાની અપેક્ષામાં ફંડો તેજીમાં આવ્યા હતા.
શરૂઆતના વેપારમાંના ટોપ ગેઇનર્સમાં લાર્સેન, ગ્રાસીમ, કોટક મહિન્દ્રા બેન્ક, એચડીએફસી બેન્ક, ભારતી ઐરટેલ, વોલ્ટાસ, રિલાયન્સ, ભારત ફોર્જ,સ્ટેટ બેન્ક ઓફ ઇન્ડિયા, ડીએલએફ જેવા શેરમાં વધારો જોવા મળ્યો હતો. ટોપ લુઝર્સમાં ટીસીએસ, ટોરેન્ટ ફાર્મા, એસીસી, ઈન્ફોસીસ, એચસીએલ ટેકનોલોજી, સન ફાર્મા જેવા શેરમાં ઘટાળો જોવા મળ્યો હતો.
વૈશ્વિક શેરબજારની વાત કરીએ તો ગઈકાલે અમેરિકન માર્કેટમાં ડાઉ જોન્સ ૦.૦૫%ના ઉછાળા સાથે બંધ રહ્યો હતો. જ્યારે એસશ્પી ૫૦૦ ૧.૦૦% વધીને અને નેસ્ડેક ૧.૪૯% વધીને સેટલ થયા હતા.બીએસઇ પર મીડકેપ ઈન્ડેક્સ ૦.૬૧% અને સ્મોલકેપ ઈન્ડેક્સ ૦.૦૨% ઘટીને ટ્રેડ થઇ રહ્યા હતા.
બીએસઈમાં સોમવારે કુલ ટ્રેડીંગ થયેલી ૩૩૯૪ સ્ક્રિપોમાંથી ઘટનારની સંખ્યા ૧૮૦૭ અને વધનારની સંખ્યા ૧૪૨૪ રહી હતી,૧૬૩ શેરના ભાવમાં કોઈ ફેરબદલ જોવાયો ન હતો.જ્યારે ૧૬૬ શેરોમાં ઓનલી સેલરની મંદીની નીચલી સર્કિટ સામે ૧૦૩ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા.... મિત્રો, ઈઝરાયેલ-હમાસ યુદ્વ અંતની સંમતિના કારણે વૈશ્વિક જીઓપોલિટીકલ ટેન્શન હળવું થવાના પોઝિટીવ પરિબળ અને અમેરિકામાં ડોનાલ્ડ ટમ્પ સત્તાનું સુકાન સંભાળે એ પૂર્વે રોજગારીમાં વૃદ્વિ સાથે યુ.એસ. ફેડરલ રિઝર્વ દ્વારા આગમી દિવસોમાં ફરી વ્યાજ દરમાં ઘટાડાના સંકેત અને ક્રુડ ઓઈલના આંતરરાષ્ટ્રીય ભાવ વધતાં અટકતાં પોઝિટીવ પરિબળોએ વૈશ્વિક બજારોમાં ઉડાઉડ અટકી હતી. ભારતીય શેર બજારોમાં ફોરેન પોર્ટફોલિયો ઈન્વેસ્ટરો (એફપીઆઈઝ)ની શેરોમાં કેશમાં સતત નેટ વેચવાલીના આવી રહેલાં આંકડા અને અમેરિકામાં નાસ્દાકમાં ધોવાણ સાથે ઘર આંગણે કોર્પોરેટ પરિણામોમાં સપ્તાહના અંતે ઈન્ફોસીસના રિઝલ્ટ પાછળ આઈટી શેરોમાં ધબડકો થયો છે.બજારમાં પાછલા દિવસોમાં મોટા ધોવાણ બાદ રોકાણકારોનો વિશ્વાસ ડગમગ્યો છે. નવી ખરીદીમાં સાવચેતી જોવાઈ રહી છે. હવે આગામી સપ્તાહમાં અમેરિકાના નવા રાષ્ટ્ર પ્રમુખ તરીકે ડોનાલ્ડ ટ્રમ્પની થનારી તાજપોશી પર વિશ્વની નજર મંડાયેલી હોઈ ઓવરનાઈટ તેજીનો વેપાર જાળવવાથી ખેલંદાઓ દૂર રહ્યા છે.
જ્યારે ઘર આંગણે હવે નાણા પ્રધાન નિર્મલા સીતારામન દ્વારા કેન્દ્રિય બજેટ રજૂ કરવાની કવાયત શરૂ થઈ ગઈ હોઈ નવી કેવી જોગવાઈ આવશે એની અનિશ્ચિતતાએ પણ તેજીનો વેપાર હળવો થતો જોવાઈ રહ્યો છે. કોર્પોરેટ પરિણામો, અમેરિકામાં ડોનાલ્ડ ટ્રમ્પ સોમવારે ૨૦, જાન્યુઆરી સુકાન સંભાળનાર હોઈ એના પર નજર સાથે ક્રુડ ઓઈલના ભાવ અને અમેરિકી ડોલર સામે રૂપિયાના મૂલ્યમાં વધઘટ પર નજર વચ્ચે આગામી દિવસોમાં નિફટી અને સેન્સેક્સમાં અફડા તફડી જોવાઈ શકે છે.
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ફેબ્રુઆરી ગોલ્ડ રૂ.૭૮૮૮૨ પોઈન્ટના મથાળેથી ખુલીને રૂ.૭૮૯૯૨ પોઈન્ટના ઊંચા મથાળેથી ઘટાડો નોંધાવી રૂ.૭૮૮૫૫ પોઈન્ટના નીચા મથાળે નોંધાવી ૧૨૩ પોઈન્ટના ઘટાળા સાથે રૂ.૭૮૯૦૦ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે માર્ચ સિલ્વર રૂ.૯૧૯૯૯ પોઈન્ટના મથાળેથી ખુલીને રૂ.૯૧૯૯૯ પોઈન્ટના ઊંચા મથાળેથી ઘટાડો નોંધાવી રૂ.૯૧૨૬૫ પોઈન્ટના નીચા મથાળે નોંધાવી ૫૬ પોઈન્ટના ઉછાળા સાથે રૂ.૯૧૬૫૯ આસપાસ ટ્રેન્ડ નોંધાયેલ..!!
હવે જોઈએ ભારતીય શેરબજારની આગામી ટ્રેડીંગ સંદર્ભે સ્ટોક સ્પેશીફીક અંદાજીત રૂખ
ઈન્ફોસીસ લીમીટેડ (૧૮૦૩) : ઈન્ફોસીસ ગ્રુપની અગ્રણી આ કંપનીના શેરનો ભાવ હાલમાં રૂ.૧૭૯૦ આસપાસ ટ્રેડીંગ થતો આ સ્ટોક રૂ.૧૭૮૧ સ્ટોપલોસથી ખરીદવાલાયક આ સ્ટોક ટૂંકા સમયગાળે રૂ.૧૮૧૮ થી રૂ.૧૮૩૦ સુધી તેજી તરફી ધ્યાન...!!!
વોલ્ટાસ લીમીટેડ (૧૫૬૪) : ટેકનીકલ ચાર્ટ મુજબ રૂ.૧૫૫૫ આસપાસ પોઝીટીવ બ્રેકઆઉટ!! રૂ.૧૫૪૧ ના સપોર્ટથી ખરીદવાલાયક આ સ્ટોક રૂ.૧૫૭૭ થી રૂ.૧૫૮૪ નો ભાવ નોંધાવે તેવી સંભાવના છે.!!!
મહાનગર ગેસ (૧૩૧૦) : ૧૩૦૧ નો પ્રથમ તેમજ રૂ.૧૨૯૦ ના એલપીજી/સીએનજી/પીએનજી સપ્લાયર્સ સેક્ટર રોકાણલક્ષી આ સ્ટોક રૂ.૧૩૨૧ થી રૂ.૧૩૩૧ સુધીની તેજી તરફી રુખ નોધાવશે...!!!
એક્સીસ બેન્ક (૯૮૫) : પ્રાઈવેટ બેન્ક સેક્ટર નો આ સ્ટોક ટૂંકા ગાળે ટ્રેડીંગલક્ષી રૂ.૯૯૩ થી રૂ.૧૦૦૮ ના ભાવની સંભાવના ધરાવે છે!! અંદાજીત રૂ.૯૭૦ નો સ્ટોપલોસ ધ્યાને લેવો...!!!
જીન્દાલ સ્ટીલ (૯૧૬) : રૂ.૧૦ ની ફેસવેલ્યુ ધરાવતા ફન્ડામેન્ટલ સ્ટ્રોંગ આ સ્ટોક રૂ.૯૦૩ ના સ્ટોપલોસ આસપાસ ખરીદવાલાયક સ્ટીલ સેક્ટર ના આ સ્ટોકમાં તેજી તરફી રૂ.૯૨૬ થી રૂ.૯૩૩ આસપાસ નફાલક્ષી ધ્યાન ઉત્તમ...!!!
લેખક સેબી રજીસ્ટર્ડ રિસર્ચ એનાલીસ્ટ અને ઇન્વેસ્ટમેન્ટ પોઈન્ટના પ્રોપરાઇટર છે.
