જૈનમ્ ક્લાસીસના વિદ્યાર્થીઓ ઝળક્યાઃ ૯૮ ટકા પરિણામ

ધો. ૧ર કોમર્સની બોર્ડની પરીક્ષામાં

જામનગર તા. ૧૧: જામનગરના રામેશ્વરનગરમાં આવેલ જૈનમ્ ક્લાસીસે બોર્ડની પરીક્ષામાં સારૂ પરિણામ મેળવવાની પરંપરા આ વર્ષે પણ જાળવી રાખી છે. જૈનમ્ ક્લાસીસના સંચાલક વિમલકુમાર ફોફરિયાએ પત્રકાર દિપક લાંબા સાથેની વાતચીતમાં જણાવ્યું હતું કે, માર્ચ ર૦ર૪ માં ગુજરાતના શિક્ષણ બોર્ડ દ્વારા લેવાયેલી ધો. ૧ર કોમર્સની પરીક્ષામાં અમારા ક્લાસીસનું પરિણામ ૯૮ ટકા આવ્યું છે. ત્રણ વિદ્યાર્થીઓએ એ-વન ગ્રેડ પ્રાપ્ત કર્યો છે.

વિમલભાઈએ વધુમાં જણાવ્યું હતું કે, છેલ્લા ૩૦ વર્ષથી અમારૂ ક્લાસીસ કાર્યરત છે જેમાં ગુજરાતી અને ઈંગ્લીશ એમ બન્ને માધ્યમમાં અભ્યાસની વ્યવસ્થા છે. ક્લાસીસ તરફથી મટિરિયલ આપવામાં આવે છે. આ ઉપરાંત નિયમિત ટેસ્ટ લેવામાં આવે છે. ક્લાસીસમાં વાચન માટે અલગ રૂમની વ્યવસ્થા છે. આ ઉપરાંત વર્ષાન્તે લેવામાં આવતી ૧૦૦ ગુણની 'આત્મ વિશ્વાસ કસોટી' વિદ્યાર્થીઓને બોર્ડની પરીક્ષામાં સારૂ પ્રદર્શન કરાવવામાં ખૂબ ઉપયોગી થાય છે.

રોનકનું સીએ બનવાનું સ્વપ્ન

રોનક ગ્યાનચંદાણીએ બોર્ડની પરીક્ષામાં ૯ર.૭૧ ટકા અને ૯૯.૬૦ પી.આર. સાથે એ-વન ગ્રેડ પ્રાપ્ત કરીને જૈનમ્ ક્લાસીસ તથા ગ્યાનચંદાણી પરિવારનું ગૌરવ વધાર્યું છે. પરીક્ષામાં સફળતા મળે તે માટે રોનક નિયમિતરીતે રિવિઝન કરતો હતો. સંગીત અને વાચનમાં રૂચિ ધરાવનાર રોનક સી.એ. બનવા માંગે છે. પિતા પ્રદીપભાઈ વેપારી છે અને માતા હંસાબેન ગૃહિણી છે.

પલકની ચાર્ટર્ડ એકાઉન્ટન્ટ બનવાની ઈચ્છા

પલક દવેએ ધો. ૧ર કોમર્સમાં ૯૧.૧૪ ટકા અને ૯૯.૧૪ પી.આર. સાથે એ-વન ગ્રેડ પ્રાપ્ત કર્યો છે. પરીક્ષામાં વધુ ગુણ મેળવવા માટે પલક દરરોજ ૬ થી ૧૦ કલાક અભ્યાસ કરતી હતી. પિતા મયંકભાઈ બેંકમાં કામ કરે છે અને માતા આરતીબેન ગૃહિણી છે. સંગીત અને બેડમિન્ટનમાં રૂચિ ધરાવનાર પલક સી.એ. બનવા માંગે છે.

મારે સી.એ. બનવું છેઃ કીર્તિરાજસિંહ

કીર્તિરાજસિંહ એમ. જાડેજાએ ધો. ૧ર કોમર્સની પરીક્ષામાં ૯૦.૧૪ ટકા સાથે ૯૮.૭૧ પી.આર. પ્રાપ્ત કર્યા છે. પિતા મહાવીરસિંહ જાડેજા પોલીસ (એસ.આર.પી.) માં છે અને માતા રેખાબા જાડેજા ગૃહિણી છે. ક્રિકેટ અને ફૂટબોલમાં રૂચિ ધરાવનાર કીર્તિરાજસિંહ આગળ અભ્યાસ કરીને સી.એ. બનવા માંગે છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial