જામનગરની રોઝી હાઈસ્કૂલનું ધો. ૧૦ અને ૧ર નું ઝળહળતું પરિણામ

શાળા સંચાલક, આચાર્યના અથાગ પ્રયત્નથી

જામનગર તા. ૨૪: શૈક્ષણિક તેમજ આર્થિક ક્ષેત્રમાં પછાત વિસ્તારમાં ૧૯૯૦થી કાર્યરત રોઝી સ્કૂલનું ધો. ૧૦ નું ૮૬% અને ધો. ૧ર નું ૮૦% જેટલું ઉજ્જવળ પરિણામ આવ્યું છે.

ધો. ૧૦ માં મીસ્બાદ મોલીન રાવકડાએ ૯૭.૯પ પીઆર મેળવી એ-૧ ગ્રેડમાં સ્થાન મેળવ્યું છે. ખાનગી પેઢીમાં નોકરી કરતા પિતાની હોનહાર પત્ની મીસ્બાદ રાવકડાને સીએ બનવાની મહેચ્છા છે. તેણીની આ સફળતા માટે શાળા સંચાલક જુબેદાબેન ખીરા પાસેથી પ્રેરણા મળી હતી.

શાળાના અન્ય એક વિદ્યાર્થી નાલબંધ મોઈનુદિન મહેબુબભાઈએ ૯પ.૩૯ પીઆર સાથે એ-ર માં સ્થાન મેળવી છે. તેના પિતા શાક-બકાલુ મજૂરી કરીને પરિવારનું ગુજરાન ચલાવે છે. શિક્ષકો અને માતા-પિતા પાસેથી મળેલી પ્રેરણાથી ઉજ્જવળ પરિણામ મળતા હવે તેને ડોક્ટર બનવાની ઈચ્છા છે.

આ ઉપરાંત મજૂરી કામ કરતા પિતાના પુત્ર કણઝાર શુભમ હસમુખભાઈએ પણ ૯૩.૧૧ પીઆર સાથે એ-ર ગ્રેડ મેળવ્યો છે. તેની ઈચ્છા બેંકમાં નોકરી કરવાની છે. માતા-પિતાની પ્રેરણાથી સારૃં પરિણામ હાંસલ થયું છે. તેમજ બેલીમ મહંમદ રજાકભાઈએ ૮૯.૯૩ પીઆર સાથે એ-ર ગ્રેડ મેળવ્યો છે. તેના પિતા પણ મજૂરી કામ કરે છે અને ભવિષ્યમાં વકીલ બનવાની ઈચ્છા ધરાવે છે. શાળાના શિક્ષકો તથા માતા-પિતાની પ્રેરણા મળી હોવાનું જણાવે  છે.

કછટીયા ઉદય મણીલાલએ ૮૯.પપ પીઆર સાથે એ-ર ગ્રેડ મેળવ્યો છે. માતા-પિતા, શિક્ષકોની પ્રેરણાથી સારૂ પરિણામ મળતા હવે તેને યુપીએસસીની પરીક્ષા આપવી છે.

જ્યારે ધો. ૧ર માં પ્રિયંકા પ્રવિણભાઈ કણઝારએ ૯ર.૦૮ પીઆર સાથે ઉચ્ચત્તમ પરિણામ મેળવ્યું હુતં. હવે તેને સીએ બનવું છે. આ સફળતા માટે શિક્ષકો તથા શાળા સંચાલક જુબેદાબેન ખીરા (કુરેશી) નું માર્ગદર્શન મળ્યું હતું તેમ તેણીએ જણાવેલ છે.

આમ જામનગરની રોઝી હાઈસ્કૂલના સંચાલક જુબેદાબેન ખીરા (કુરેશી), આચાર્ય રિયાઝભાઈ શેખની જહેમતથી સ્કૂલનું ઉચ્ચ પરિણામ મળતા વિદ્યાર્થીઓ ખુશખુશાલ જોવા મળ્યા છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial