ચંગાથી પડાણા વચ્ચેના રોડ પર ટ્રકમાં લઈ જવાતી દારૂની ૫૬ બોટલ પકડાઈ

મુંગણીમાંથી ઈંગ્લીશની ૩૬ બોટલ કબજેઃ

જામનગર તા.૨૦ : જામનગરના મુંગણી ગામમાં એક શખ્સે પોતાના ઘર પાસે બાવળની ઝાળીમાં સંતાડીને રાખેલી ઈંગ્લીશ દારૂની ૩૬ બોટલ પોલીસે કબજે કરી છે. આ શખ્સ નાસી ગયો છે. ચંગાથી પડાણા પાટીયા વચ્ચે એક ટ્રકમાંથી દારૂની નાની મોટી મળી ૫૬ બોટલ પકડાઈ છે. બે શખ્સની ધરપકડ કરવામાં આવી છે.

જામનગર તાલુકાના સિક્કા નજીક મુંગણી ગામમાં એક શખ્સ પાસે અંગ્રેજી શરાબનો જથ્થો હોવાની બાતમી મળતા સિક્કા પોલીસ સ્ટેશનના સ્ટાફે પીઆઈ વી.બી. ચૌધરીના વડપણ હેઠળ શનિવારે રાત્રે અઢી વાગ્યે યુવરાજસિંહ કિરીટસિંહ દેદા નામના શખ્સના મકાન પાસે દરોડો પાડ્યો હતો.

આ સ્થળે ઘર નજીક આવેલી બાવળની ઝાળીઓમાંથી સંતાડીને રાખવામાં આવેલી ઇંગ્લીશ દારૂની ૩૬ બોટલ મળી આવી હતી. પોલીસના દરોડા પહેલા યુવરાજસિંહ નાસી જવામાં સફળ થયો હતો. પોલીસે રૂ.૨૦,૧૯૬ની બોટલ કબજે કરી તેની શોધ આરંભી છે.

જામનગર-લાલપુર માર્ગ પર ચંગા ગામથી પડાણા તરફ જવાના રસ્તા પર ગઈકાલે સાંજે મેઘપર પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં જીજે-૧૦-ટીવી ૬૫૭૩ નંબરનો ટ્રક પસાર થયો હતો તેને રોકવામાં આવ્યો હતો. આ ટ્રકની તલાશી લેવાતા તેમાંથી ઈંગ્લીશ દારૂની ૧૦ મોટી અને ૪૬ નાની બોટલ મળી આવી હતી. પોલીસે દારૂ, ટ્રક સહિત રૂ.૧૦૧૦૫૨૦નો મુદ્દામાલ કબજે કર્યાે છે. આ જથ્થા સાથે ગાગવા ગામના નાનભા શિવુભા જાડેજા, સંજયગર જયંતિગર બાવાજીની ધરપકડ કરી છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial