દરબારગઢ સર્કલ તથા લાલપુરમાંથી સ્કૂટર-મોટરસાયકલની થઈ ઉઠાંતરી

બાઈકની ટાંકી પરથી મોબાઈલ ઉપડી ગયોઃ

જામનગર તા.રર : લાલપુર શહેરમાંથી એક આસામીના બાઈકની ચોરી થઈ છે. જ્યારે દરબારગઢ સર્કલ વચ્ચેથી એક એક્ટિવા ઉપડી ગયું છે. ઉપરાંત સમર્પણ સર્કલ નજીક હોસ્પિટલના ગેઈટ પાસે બાઈક પર રાખવામાં આવેલો રૂ.૧૦ હજારનો મોબાઈલ ચોરાઈ ગયો છે. પોલીસે ત્રણેય ફરિયાદ પરથી ગુન્હો નોંધી તપાસ હાથ ધરી છે.

લાલપુર શહેરની શિવધારા સોસાયટીની શેરી નં.૪માં રહેતા કેવલભાઈ દિનેશભાઈ અકબરી નામના આસામીએ ગઈ તા.૮ ડિસેમ્બરની રાત્રે પોતાનું જીજે-૧૦-ડીએફ ૪૬૮૩ નંબરનું બાઈક ઘરની બહાર મૂક્યું હતું. ત્યાંથી બીજા દિવસની સવાર સુધીમાં ચોરાઈ ગયું છે. રૂ.૫૦ હજારની કિંમતના વાહનની ચોરીની પોલીસમાં ફરિયાદ કરાઈ છે.

જામનગરના પટેલકોલોની વિસ્તારની શેરી નં.૬માં રહેતા હસમુખ કરશનભાઈ દાવડા નામના વેપારીએ પોતાનું જીજે-૧૦-સીએસ ૫૬૮૩ નંબરનંુ એક્ટિવા સ્કૂટર શનિવારે સાંજે દરબારગઢ સર્કલ નજીક આવેલી ઝવેરી હેન્ડલૂમ નામની દુકાનની બહાર મૂક્યું હતું. ત્યાંથી રૂ.૩૫ હજારનું સ્કૂટર ચોરાઈ ગયું છે.

જામનગરના ગોકુલનગર જકાતનાકા પાસે રાજ રાજેશ્વરી નગરમાં રહેતા કરણ કાનાભાઈ ભાદરકા સોમવારે સવારે પાંચેક વાગ્યે સમર્પણ સર્કલ પાસે હતા ત્યારે તેઓએ પોતાનો રૂ.૧૦ હજારની કિંમતનો મોબાઈલ બાઈકની ટાંકી ઉપર રાખ્યો હતો તે પછી આ મોબાઈલ ચોરાઈ ગયાની પોલીસમાં ફરિયાદ કરાઈ છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial