બિચ્છુ ગેંગના શખ્સના જામીન રદ્દ કરી જેલમાં ધકેલી દેવાનો કરાયો આદેશ

હાઈકોર્ટમાંથી મેળવેલા જામીન કરાયા રદ્દઃ

જામનગર તા.૨૨ : ઓખામંડળની કુખ્યાત બિચ્છુ ગેંગના શખ્સો સામે ગુજસી ટોક કાયદા હેઠળ ગુન્હો નોંધાયા પછી એક આરોપીએ હાઈકોર્ટમાંથી જામીન મેળવ્યા હતા. આ આરોપીના જામીન રદ્દ કરાવવા હરકતમાં આવેલી દ્વારકા પોલીસે અદાલત સમક્ષ દરખાસ્ત કરી હતી. અદાલતે તેના જામીન રદ્દ કરી ધરપકડ વોરંટ ઈસ્યુ કર્યું હતું. પોલીસે આરોપીની ધરપકડ કરી રાજકોટની જેલમાં ધકેલી દીધો છે.

ઓખામંડળમાં ત્રાસ ફેલાવતી બિચ્છુ ગેંગ સામે સંખ્યાબંધ ફરિયાદો ઉઠ્યા પછી આ ગેંગને ડામી દેવા માટે જિલ્લા પોલીસવડા નિતેશ પાંડેય દ્વારા સુચના આપવામાં આવી હતી. જેના પગલે દોઢ ડઝન જેટલા બિચ્છુ ગેંગના શખ્સો સામે ગુજસી ટોક કાયદા હેઠળ ગુન્હો નોંધાયો હતો.

આ ગુન્હાના આરોપીઓને પોલીસે દબોચી લઈ જેલ હવાલે કર્યા હતા. તે પછી કેટલાક આરોપીઓએ હાઈકોર્ટમાંથી જામીન મેળવ્યા હતા. તેના જામીન જુદા જુદા કારણસર રદ્દ કરવામાં આવ્યા હતા. આ ટોળકીના સદસ્ય મેવાસા ગામના મેરૂભા વાલાભા માણેક સામે પણ ગુજસી ટોક હેઠળ ગુન્હો નોંધાયો હતો. આ આરોપીએ હાઈકોર્ટમાંથી જામીન મેળવ્યા હતા.

આ શખ્સ દેવભૂમિ દ્વારકા જિલ્લા અને સૌરાષ્ટ્રમાં અન અધિકૃત રીતે પ્રવેશી ફરીથી ગુન્હાઓ આચરવાની તજવીજ કરતો હોવાની બાતમી પોલીસને મળતા ડીવાયએસપી ડો. હાર્દિક પ્રજાપતિ અને સાગર રાઠોડ તેમજ પોલીસ ટીમે આ શખ્સના જામીન રદ્દ કરવા અદાલત સમક્ષ દરખાસ્ત કરી હતી. તે દરખાસ્ત રાજકોટ સ્થિત ખાસ ગુજસી ટોક અદાલતમાં ચાલી જતા અદાલતે આરોપીના જામીન રદ્દ કરી તેની સામે ધરપકડ વોરંટ કાઢયું હતું. આરોપીની અટકાયત કરી પોલીસે તેને રાજકોટની જેલમાં ધકેલ્યો છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial