લાલપુરના પીપરટોડાના યુવાન સાથે લગ્નના નામે રૂ.ર લાખની છેતરપિંડી

બે મહિલા સહિત છ સામે કરવામાં આવી ફરિયાદઃ

જામનગર તા.૨૨ : લાલપુરના પીપરટોડા ગામના એક યુવાનના લગ્ન કરાવી આપવાની વાત કરાવ્યા પછી મધ્યપ્રદેશના બે મહિલા સહિત છએ આ યુવાનના પિતા પાસેથી ગુજરાત આવવાના ખર્ચા પેટે ત્રણેક મહિના પહેલા રૂ.ર લાખ મેળવી લીધા પછી આ યુવાનના સગીરા સાથે લગ્ન કરાવી દઈ અને રકમ પરત ન આપી છેતરપિંડી કરતા મામલો આખરે પોલીસ મથકે પહોંચ્યો છે.

લાલ૫ુર તાલુકાના પીપરટોડા ગામમાં મકવાણા ફળીમાં રહેતા ડાયાભાઈ જેસાભાઈ મકવાણા નામના સતવારા વૃદ્ધે મધ્યપ્રદેશના બે મહિલા સહિત ચાર શખ્સ સામે પોતાના પુત્ર પ્રકાશના લગ્ન કરાવી આપવાની લાલચ બતાવી રૂ.ર લાખ પડાવી લઈ છેતરપિંડી-વિશ્વાસઘાત આચર્યાની લાલપુર પોલીસ સ્ટેશનમાં ફરિયાદ કરી છે.

આ ફરિયાદમાં જણાવવામાં આવ્યા મુજબ તેમના પુત્ર પ્રકાશના લગ્ન કરાવી આપવા માટે ગયા વર્ષે ડાયાભાઈને વાતચીત થયા પછી મધ્યપ્રદેશના ઈન્દોર જિલ્લાના ગીતાનગરના આયેશા આદિલ પઠાણ ઉર્ફે કોમલ તથા તેના પતિ મહંમદ આદિલ સલીમ પઠાણ ઉર્ફે ગોલુ સાથે સંપર્ક થયો હતો.

તે ૫છી આ વ્યક્તિઓએ ઈન્દોર જિલ્લાના ભાદલપુરના જીવન વામન મસાણે, પંચકુઈયાના વિમલા પવન ડોડીયા, રાહુલનગરના રવિ મદન પથોથે તથા તેજાજીનગર વાળા ધર્મેન્દ્ર પ્રેમસિંગ ડાભોર નામના વ્યક્તિઓનો પરિચય કરાવ્યો હતો. આ ટોળકીએ પ્રકાશના લગ્ન એક સગીરા સાથે કરાવી આપવાની વાતચીત ચાલી રહી છે, છોકરી પક્ષને તથા તે લોકોને ગુજરાત આવવા માટે ખર્ચ થશે તેમ કહી ડાયાભાઈ પાસેથી આ વ્યક્તિઓએ ગયા નવેમ્બર મહિનામાં રૂ.ર લાખ ખંખેરી લીધા હતા. તે પછી એક સગીરા સાથે પ્રકાશના લગ્ન કરાવી દઈ આ રકમ પરત ન આપી હતી.

તે પછી ડાયાભાઈએ વિશ્વાસઘાત આચરવા અને સગીરાનું ખોટું નામ અપાવી ફરિયાદી સાથે ખોટા નામે ઠગાઈ કર્યાની ફરિયાદ કરી છે. પોલીસે ગુન્હો નોંધી તપાસનો ધમધમાટ શરૂ કર્યાે છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial