ધુતારપર ગામમાં સરકારી ખરાબાની કરોડોની જમીન પચાવી પાડવાનો કારસો

સરપંચ તથા અન્ય મળતિયાઓ દ્વારા

જામનગર તા. રરઃ જામનગર તાલુકાના ધુતારપર ગામના ભીખાભાઈ લાલજીભાઈ ચૌહાણ, અરવિંદભાઈ ગુલાબભાઈ રાઠોડ, લક્ષ્મણભાઈ વાલાભાઈ રાઠોડે ધુતારપર ગામમાં સરકારી ખરાબાની કરોડો રૂપિયાની (અંદાજે રપ કરોડ) જમીન પચાવી પાડી ત્યાં ગેરકાયદેસર રીતે ૧૦ જેટલી દુકાનો અને એક ગોડાઉન જેવા પાકા બાંધકામ કરી લીધા હોય, આ દબાણકર્તાઓ વિરૂદ્ધ લેન્ડ ગ્રેબીંગ એક્ટ હેઠળ ગુન્હો નોંધી કડક કાર્યવાહી કરવા માંગણી કરવામાં આવી છે.

જામનગર જિલ્લા કલેક્ટર સમક્ષ કરવામાં આવેલી અરજીમાં જણાવ્યા પ્રમાણે ધુતારપર ગામમાં સરકારી ખરાબાની નવા રેવન્યુ સર્વે નંબર ૩૦૯ (જુના રે.સ.નં. રપ૧/પૈ.ર) વાળી જમીનમાં ગામના જ મહિલા સરપંચ (હાલના સરપંચ) ભાવનાબેન પરેશભાઈ ભંડેરી, તેણીના પતિ પરેશભાઈ છગનભાઈ ભંડેરી, પ્રવિણ છગનભાઈ ભંડેરી તથા અશ્વિનભાઈ છગનભાઈ ભંડેરીએ પાકા બાંધકામો સાથેના દબાણો કર્યા છે. જેમાં ૧પ૦ ચો.ફૂટ (અંદાજે) ની દસ દુકાનો છે, ૧પ૦૦ ચો.ફૂટનું એક ગોડાઉન બનાવાયું છે.

આ બાંધકામો પછી વીજતંત્રમાં ત્રણ સીંગલ ફેઝના તથા એક થ્રી ફેઝનું વીજ જોડાણ પણ લેવાયું છે. ગોડાઉન જેવી જગ્યામાં હિરા ઘસવાનું કારખાનું તેમજ દુકાનોમાં વેપાર ધંધા ચાલે છે અને દબાણકર્તાઓ ભાડાના નાણાકીય ગેરલાભો મેળવી રહ્યા છે.

આ અરજી સાથે સરકારી રેકર્ડના આધાર પુરાવા અને દુકાનોના ફોટા રજૂ કરવામાં આવ્યા છે અને તાકીદે તપાસ કરી સરકારી જમીન પચાવી પાડનારા ઈસમો સામે ગુન્હો દાખલ કરી કાર્યવાહી કરવા તથા સરપંચને હોદ્દા પરથી તાત્કાલિક અસરથી દૂર કરવા માંગણી કરવામાં આવી છે.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial