શહેરના અતિ વ્યસ્ત માર્ગ પર ૩૩ હજાર ચો.ફૂટમાં ખડકાયેલ ગેરકાયદે દબાણ દૂર કરાયું

જામનગર મહાનગરપાલિકાની કામગીરીઃ વીસ કરોડની કિંમત ધરાવતી જમીન દબાણમુક્તઃ

જામનગરના ખોડિયાર કોલોની, શિશુ વિહાર હિન્દી સ્કૂલ સામેની જગ્યામાં વર્ષોથી ગેરકાયદે બાંધકામ કરી લેવામાં આવ્યું હતું. જેને આજે મહાનગરપાલિકાએ તોડી પાડ્યું છે, અને આશરે રૂ. ર૦ કરોડની કિંમતની બજાર કિંમત ધરાવતી જમીન પણ દબાણમુક્ત કરાવાઈ છે. જામનગર મહાનગરપાલિકાના કમિશનર ડી.એન. મોદીની સૂચના અને ડીએમસી દેવેન્દ્રસિંહ ઝાલા અને અધિકારી મુકેશ વરણવાની દેખરેખ હેઠળ એસ્ટેટ શાખા દ્વારા ગેરકાયદે દબાણો સામે ખાસ ઝુંબેશ ચલાવાઈ રહી છે. આજે પણ એસ્ટેટશાખા દ્વારા ખોડિયાર કોલોની, હિન્દી સ્કૂલ સામે મહાનગરપાલિકાની જગ્યામાં એક પરિવાર દ્વારા લાંબા સમય સરકારી જગ્યામાં દબાણ કરી ત્યાં ઝુંપડા ઉપરાંત ઢોર બાંધવામાં આવતા હતાં. આખરે આજે એસ્ટેટ શાખાએ આ ગેરકાયદે બાંધકામ ઉપર બુલડોઝર ફેરવી દઈ સંપૂર્ણ જગ્યા ખાલી કરાવી હતી. મળતી માહિતી મુજબ આશરે ૩૩,૬૦૦ ફૂટ સરકારી જગ્યા દબાણ મુક્ત કરાવી હતી. જેની બજાર કિંમત આશરે રૂ. ર૦ કરોડ પર લાખની થવા જાય છે. આ પાડપોડ કામગીરીમાં બે જેસીબી, આઠ ટ્રેક્ટર અને એસ્ટેટ શાખાના ૬૦ કર્મચારીઓ જોડાયા હતાં.

 

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial