ક્રિકેટનો સટ્ટો રમતો શખ્સ ઝડપાયો બે શખ્સના નામ પોલીસ સમક્ષ ખૂલ્યા

વર્લી તથા એકીબેકીનો જુગાર રમતા ત્રણ પકડાયાઃ

                                                                                                                                                                                                      

જામનગર તા.૨૩ ઃ નગરના સુમેર કલબ રોડ પર મેડિલ ચલાવતા એક શખ્સને ગઈકાલે પોલીસે ક્રિકેટનો સટ્ટો રમતો પકડી લીધો છે. કપાત લેતા તથા પૈસાની લેતીદેતી કરતા બેના નામ ખૂલ્યા છે. ધુંવાવ નાકા પાસેથી એકીબેકીનો જુગાર રમતા બે ઝડપાયા છે. જ્યારે શંકરટેકરીમાંથી વર્લીનું બેટીંગ લેતો શખ્સ મળી આવ્યો છે.

જામનગરના સુમેર કલબ રોડ પર આવેલા જોલીબંગલા નજીક ગઈકાલે રાત્રે એક શખ્સ પોતાના મોબાઈલમાં ક્રિકેટનો સટ્ટો રમતો હોવાની બાતમી પરથી સિટી એ ડિવિઝનના સ્ટાફે દરોડો પાડ્યો હતો.

ત્યાં આવેલી મત્સ્યદ્યોગ કચેરી નજીકથી નવાગામ ઘેડ સ્થિત ઈન્દિરા સોસાયટીમાં રહેતો અને મેડિકલ ચલાવતો આકાશ દેવાયતભાઈ છુછર નામનો શખ્સ મળી આવ્યો હતો. આ શખ્સ પોતાના મોબાઈલમાં એપ પરથી ગઈકાલની આઈપીએલ ક્રિકેટ ટુર્નામેન્ટની મેચ પર રન ફેર, વિકેટ સહિતનો સટ્ટો રમતો સાંપડ્યો હતો. પોલીસે તેનો મોબાઈલ, રૃા.૧૨૮૦ રોકડા કબજે કરી પૂછપરછ કરતા આ શખ્સે પોતાની પાસે કપાત લેતા સુભાષ જોઈસર તથા પૈસાની લેતીદેતી કરતા ધરમ સુભાષભાઈ જોઈસરના નામ આપ્યા છે. તેની સામે જુગારધારાની કલમ હેઠળ ગુન્હો નોંધવામાં આવ્યો છે.

જામનગરના ધુંવાવ નાકા પાસેથી ગઈકાલે સાંજે ચલણી નોટના નંબર પર એકીબેકી બોલી જુગાર રમતા કુલદીપ અશ્વિનભાઈ ચૌહાણ, મેહુલ રમેશભાઈ પાટલીયા નામના બે શખ્સ ઝડપાયા હતા. જામનગરમાં શંકરટેકરીમાં એલસીબીએ દરોડો પાડી વલીમામદ ગુલમામદ ચના નામના શખ્સને વર્લીના આંકડા લખતો પકડી લીધો છે તેના કબજામાંથી રોકડ તથા વર્લીનું સાહિત્ય કબજે કરવામાં આવ્યું છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial