કાલાવડના મોટા વડાળા પાસેથી ખેતમજૂર ઈંગ્લીશ દારૂની છ બોટલ સાથે ઝડપાઈ ગયો

બે સ્થળેથી દેશી દારૂની પકડી લેવાઈ ભઠ્ઠીઃ

                                                                                                                                                                                                      

જામનગર તા. ૯: કાલાવડના મોટા વડાળામાં ખેતમજૂરી માટે આવીને રહેતા એક પરપ્રાંતીય શખ્સને પોલીસે ઈંગ્લીશ દારૂની છ બોટલ સાથે પકડી લીધો છે. જામજોધપુરના રાણીયારાનેસ નજીક અને શંકરટેકરીમાં ચારણનેસ પાસે ધમધમતી દેશી દારૂની બે ભઠ્ઠી પકડાઈ ગઈ છે.

કાલાવડ તાલુકાના મોટા વડાળા ગામમાં ભાર્ગવ મનસુખભાઈ નામના ખેડૂતના ખેતરમાં મજૂરીકા માટે આવીને રહેતો મૂળ મધ્યપ્રદેશના અલીરાજપુર જિલ્લાનો વતની ઈડલા સુરતાજ દુઢવા નામનો શખ્સ ગઈકાલે રાત્રે ઈંગ્લીશ દારૂની છ બોટલ સાથે પોલીસના દરોડામાં ઝડપાઈ ગયો છે. પોલીસે બોટલ કબજે કરી તેની ધરપકડ કરી છે.

જામજોધપુર તાલુકાના રાણીયારાનેસ નજીક ધમધમતી દેશી દારૂની ભઠ્ઠી પર જામજોધપુર પોલીસે ગઈકાલે સાંજે દરોડો પાડતા જગા બાબુભાઈ રબારી તથા મૂળુ બિજલભાઈ નામના બે શખ્સની મનાતી ભઠ્ઠી મળી આવી હતી. સ્થળ પરથી ૪૦૦ લીટર આથો, રપ લીટર તૈયાર દારૂ, ભઠ્ઠીના સાધનો મળી આવ્યા હતા. નાસી ગયેલા જગા તથા મૂળુના સગડ દબાવાયા છે.

જામનગરના શંકરટેકરી વિસ્તારમાં ચારણનેસમાં આવેલા કેશા સામરાજ રવશી નામના શખ્સના ઝૂંપડામાંથી પણ દેશી દારૂની ભઠ્ઠી મળી આવી છે. ૧૦૦ લીટર આથો, તૈયાર દારૂ, સાધનો કબજે કરી પોલીસે કેશા રવશીની ધરપકડ કરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial