Sensex
ઝાખર ગામ તથા હમાપર રોડ પરથી નવ પત્તાપ્રેમી પકડાયાઃ
જામનગર તા. ૯: જામનગરની ટીબી હોસ્પિટલ પાસે એક એપાર્ટમેન્ટના પાર્કિંગમાંથી ગઈકાલે પાંચ મહિલા સહિત આઠ વ્યક્તિ ગંજીપાના કૂટતા મળી આવ્યા છે. ઝાખર ગામમાંથી ચાર અને ધ્રોલ નજીક મોટા ઈટાળાથી હમાપર વચ્ચે ગંજીપાનાથી જુગાર રમતા નવ શખ્સને પોલીસે પકડી લીધા છે.
જામનગરમાં ટીબી હોસ્પિટલ પાસે આવેલા પ્રતિક એપાર્ટમેન્ટના પાર્કિંગમાં ગઈકાલે કેટલાક વ્યક્તિઓ જુગાર રમતા હોવાની બાતમી પરથી સિટી બી ડિવિઝનના સર્વેલન્સ સ્ટાફે પીઆઈ પી.પી. ઝાની સૂચનાથી રાત્રે બે વાગ્યે દરોડો પાડ્યો હતો.
ત્યાં તીનપત્તી રમતા દિવ્યેશ મહેન્દ્રગીરી ગોસ્વામી, ધવલ મનિષભાઈ નડિયાપરા, પ્રશાંત નીતિનભાઈ ગોસ્વામી અને રશ્મીબેન ધર્મેન્દ્રભાઈ સીંધવાડ, ભાવનાબેન ભવ્યેશભાઈ વારીયા, આશાબા કિરીટસિંહ જાડેજા, આશાબેન યોગેશભાઈ મેવાડા, શિલ્પાબેન હુસેનભાઈ ખોજા નામના આઠ વ્યક્તિ મળી આવ્યા હતા. પટમાંથી રૂા.૧૦૧૦૦ રોકડા કબજે કરી પોલીસે આગળની કાર્યવાહી હાથ ધરી હતી.
જામનગર-ખંભાળિયા ધોરીમાર્ગ પર ઝાખર ગામમાં ગઈકાલે બપોરે રોનપોલીસ રમતા કાથડજી જેઠીજી ચુડાસમા, ધર્મેન્દ્રસિંહ પ્રભાતસિંહ જેઠવા, મહાવીરસિંહ ચંદુભા જાડેજા, રાજેન્દ્રસિંહ ખાનુભા જાડેજા નામના ચાર શખ્સને પોલીસે પકડી લઈ રૂા.૧૦૨૯૦ ઝબ્બે લીધા છે.
ધ્રોલ તાલુકાના મોટા ઈટાળા ગામથી હમાપર જવાના રસ્તા પર ગઈરાત્રે પોલીસે પાડેલા દરોડામાં તાળીવાડી વિસ્તારમાં વોકળા પાસેથી ગંજીપાના વડે જુગાર રમતા પ્રવીણભાઈ અમૃતલાલ નિમાવત, કાંતિલાલ ગંગારામ સંતોકી, નિલેશ લાલજીભાઈ ગડારા, નરેન્દ્રસિંહ રામસંગ જાડેજા, લાલુભારથી બચુભારથી ગોસાઈ નામના પાંચ શખ્સ પોલીસના દરોડામાં ઝડપાઈ ગયા હતા. પટમાંથી ૩૮૬૦૦ રોકડા અને એક ટોર્ચ કબજે લેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
