રેલવેમાં રાઉન્ડ ટ્રીપ પેકેજ ફોર ફેસ્ટિવલ હેઠળ રિટર્ન ટ્રીપ બૂક કરાવનારને આકર્ષક ડિસ્કાઉન્ટ

તહેવારો પર ટ્રેનોમાં થતી ભીડ ઘટાડવા અને આરામદાયક મુસાફરીની તકો પૂરી પાડવા

                                                                                                                                                                                                      

નવી દિલ્હી તા. ૯: ભારતીય રેલવેએ તહેવારોની ભીડ ઓછી કરવા માટે એક નવી રાઉન્ડ ટ્રિપ પેકેજ યોજના જાહેર કરી છે. જે અંતર્ગત યાત્રીઓ આવવા- જવા બંને તરફની ટિકિટ એક સાથે બુક કરાવે તો વાપસી યાત્રાના બેઝ ભાડા પર ૨૦% છૂટ મળશે.

દેશભરમાં તહેવારો સમયે લગભગ દરેક રેલવે સ્ટેશન પર ભારે ભીડ જોવા મળે છે. લોકોને હજારો કિલોમીટર ઉભા રહીને મુસાફરી કરવી પડે છે. રેલવે મંત્રી અશ્વિની વૈષ્ણવે એક સાથે આવવા અને જવા બંને માટે ટિકિટ બુકીંગ પર ૨૦ ટકા ડિસ્કાઉન્ટ સાથે રેલવે મંત્રાલયના રાઉન્ડ ટ્રીપ પેકેજની જાહેરાત કરી છે.

આ યોજના શરૂ કરી છે. તેનું નામ રાઉન્ડ ટ્રીપ પેકેજ ફોર ફેસ્ટિવલ રશ છે, આ યોજનાનો હેતુ મુસાફરોને સસ્તા દરે ટિકિટ આપીને અલગ અલગ દિવસોમાં ભીડને વહેંચવાનો છે જેથી મુસાફરી આરામદાયક અને સુવિધાજનક બની શકે. તે ૧૩ ઓક્ટોબરથી ૨૬ ઓક્ટોબર ૨૦૨૫ વચ્ચેની મુસાફરી માટે હોવી જોઈએ. જ્યારે રિટર્ન ટિકિટ ૧૭ નવેમ્બરથી ૧ ડિસેમ્બર ૨૦૨૫ વચ્ચેની મુસાફરી માટે હોવી જોઈએ. રિટર્ન ટિકિટ પહેલા બુક કરવાની રહેશે અને પછી કનેક્ટિંગ જર્ની ફીચર દ્વારા રિટર્ન ટિકિટ બુક કરવામાં આવશે. રિટર્ન ટિકિટ બુક કરતી વખતે એડવાન્સ રિઝર્વેશન પિરિયડનો નિયમ લાગુ પડશે નહીં. શરત એ છે કે બંને બાજુની ટિકિટ ફક્ત કન્ફર્મ હોવી જોઈએ. ટિકિટમાં કોઈ ફેરફાર કરી શકાશે નહીં. રિફંડ સુવિધા રહેશે નહીં. રિટર્ન ટિકિટ બુક કરતી વખતે અન્ય કોઈ ડિસ્કાઉન્ટ, વાઉચર, પાસ, પીટીઓ અથવા રેલ મુસાફરી કૂપન લાગુ થશે નહીં. આ યોજના તમામ વર્ગો અને તમામ ટ્રેનોમાં લાગુ પડે છે, જેમાં ખાસ ટ્રેનો (ટ્રેન ઓન ડિમાન્ડ)નો સમાવેશ થાય છે.

બંને ટિકિટ એક જ માધ્યમથી બુક કરવાની રહેશે. એટલે કે, ઓનલાઈન (ઈન્ટરનેટ) અથવા રિઝર્વેશન કાઉન્ટરથી. જો ચાર્ટ તૈયાર કરતી વખતે ભાડામાં કોઈ તફાવત હોય, તો મુસાફરો પાસેથી કોઈ વધારાના પૈસા લેવામાં આવશે નહીં.

રેલ્વે મંત્રી અશ્વિની વૈષ્ણવ માને છે કે આ ઓફર તહેવારોની મોસમ દરમિયાન મુસાફરોની ભીડને અલગ અલગ તારીખે વિભાજીત કરશે. બંને બાજુ ખાસ ટ્રેનોનો યોગ્ય રીતે ઉપયોગ કરવામાં આવશે અને મુસાફરો સરળતાથી ટિકિટ મેળવી શકશે. રેલ્વેએ પ્રેસ, મીડિયા અને સ્ટેશનો પર જાહેરાતો દ્વારા આ માટે વ્યાપક પ્રચાર કરવા સૂચનાઓ આપી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial