લાલપુરના કાનવિરડીના વૃદ્ધાનું દોઢ તોલાનું સોનાનું ઠોરીયુ ઝૂંટવી બેલડી બાઈક પર નાઠી

ભરબપોરે કાનમાંથી ઝૂંટ મારી ઠોરીયુ લૂંટી લીધુઃ

                                                                                                                                                                                                      

જામનગર તા. ૩: લાલપુરના કાનવિરડી ગામથી દલતુંગી વચ્ચે ત્રણ સપ્તાહ પૂર્વે બપોરના સમયે ચાલીને જતા એક વૃદ્ધાના કાનમાંથી રૂ.૬૦ હજારનું દોઢેક તોલાનું સોનાનું ઠોરીયુ ઝૂંટવાઈ ગયાની ફરિયાદ કરાઈ છે. બાઈક પર આવેલા બે શખ્સે લૂંટને અંજામ આપી પોબારા ભણી લીધા હતા. પોલીસે આ વૃદ્ધાના પૌત્રની ફરિયાદ પરથી ગુન્હો નોંધી તપાસ શરૂ કરી છે.

લાલપુર તાલુકાના કાનવિરડી ગામમાં વસવાટ કરતા ભીખુભાઈ જેરામભાઈ મધુડીયા નામના યુવાનના દાદી હીરૂબેન (ઉ.વ.૮૩) ગઈ તા.૬ની બપોરે પોણા બારેક વાગ્યે કાનવિરડી ગામથી દલતુંગી જવાના રસ્તા પરથી પસાર થતા હતા.

આ વેળાએ ડબલસવારી માં એક મોટરસાયકલ ધસી આવ્યું હતું. તેના પર રહેલા પચ્ચીસથી ત્રીસ વર્ષની વયના બે શખ્સમાંથી એક શખ્સે હાથ લંબાવીને હીરૂબેનના ડાબા કાનમાં પહેરેલું અંદાજે દોઢેક તોલા વજનનું સોનાનું ઠોરીયુ ઝૂંટવી લીધુ હતું. ઠોરીયુ હાથમાં આવી જતાં આ શખ્સો સ્થળ પરથી નાસી ગયા હતા.

અચાનક બનેલા આ બનાવથી હેતબાયેલા હીરૂબેને બુમ પાડી હતી પરતુ મોટરસાયકલ સ્થળ પરથી નાસી જવામાં સફળ રહ્યું હતું. આ બાબતની ગઈકાલે લાલપુર પોલીસ મથકમાં ફરિયાદ નોંધાવવામાં આવી છે. પોલીસે રૂ.૬૦ હજારનું ઠોરીયુ ઝૂંટવી જનાર શખ્સોના સગડ દબાવ્યા છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial