કાલાવડના છત્તર તથા મોટી વાવડી ગામ સ્થિત પવનચક્કીઓના લોકેશન પર ચોરી

રૂ. ૮૬૪૦૦ ની કિંમતના વાયર કોઈ કાપી ગયું:

                                                                                                                                                                                                      

જામનગર તા. ૧૫: કાલાવડના છત્તર ગામ નજીક એક કંપનીના પવનચક્કીના કેટલાક લોકેશન તેમજ મોટી વાવડી ગામમાં એક અન્ય કંપનીના પવનચક્કીના લોકેશન પરથી વાયરની ચોરી થઈ છે.

કાલાવડ તાલુકાના છત્તર ગામમાં આવેલી અપોલો ટાયર્સ લિમિટેડ કંપનીની પવનચક્કીના લોકેશન નંબર ૫૦ થી ૫૬ તેમજ ૫૮ થી ૬૧માં ચોરી થઈ છે.

તે ઉપરાંત મોટી વાવડી ગામની સીમમાં પટનાયક મિનરલ્સ કંપનીના ૮૫ નંબરના લોકેશનમાં પણ ચોરી કરવામાં આવી છે. આ બાબતે કાલાવડ તાલુકાના મુળીલા ગામના રહેવાસી અને બંને કંપની પર સાઈટ ઈન્ચાર્જ તરીકે ખાનગી સિક્યુરિટી એજન્સીમાં નોકરી કરતા જયેન્દ્રસિંહ અજીતસિંહ જાડેજાએ કાલાવડ ગ્રામ્ય પોલીસ મથકમાં ફરિયાદ નોંધાવી છે.

તેઓએ ફરિયાદમાં જણાવ્યા મુજબ બંને કંપનીઓની પવનચક્કીઓના લોકેશન પરથી રૂ. ૮૬૪૦૦ની કિંમતનો વાયર ગઈ તા. ૨ થી તા. ૧૨ સુધીમાં કોઈ શખ્સો ચોરી ગયા છે. પોલીસે ગુન્હો નોંધી તપાસ શરૂ કરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial