દારૂબંધી ભંગના ગુન્હામાં નાસી ગયેલા આરોપીની ખંભાળિયા પાસેથી અટકાયત

અન્ય બે જિલ્લામાં પણ નોંધાયા છે ગુન્હાઃ

                                                                                                                                                                                                      

જામનગર તા. ૯: જામનગરના એક શખ્સ સામે દારૂબંધી ભંગનો ગુન્હો નોંધાયા પછી તેણે પોબારા ભણ્યા હતા. આ શખ્સને ખંભાળિયા નજીકથી પકડી લેવામાં આવ્યો છે. તેની સામે અન્ય બે જિલ્લામાં પણ ગુન્હા નોંધાયેલા હોવાનું ખૂલ્યું છે.

જામનગરના યાદવ નગરમાં શેરી નં.રમાં વસવાટ કરતા મોહિત કિશોરભાઈ આંબલીયા ઉર્ફે ઉકેડી નામના શખ્સ સામે થોડા દિવસ પહેલાં સિટી સી ડિવિઝન પોલીસ સ્ટેશનમાં દારૂબંધી ભંગનો ગુન્હો નોંધાયો હતો. ત્યારથી આ શખ્સ નાસતો ફરતો હતો.

ઉપરોક્ત આરોપીને જામનગરની પેરોલ ફર્લો સ્કવોડે ખંભાળિયા પાસે આવેલી એક હોટલ નજીકથી પકડી પાડવામાં આવ્યો છે. આ શખ્સ સામે ચાલુ વર્ષે ખંભાળિયા પોલીસ મથકમાં દારૂબંધી ભંગનો એક ગુન્હો નોંધાવા ઉપરાંત નવસારી જિલ્લાના ગણદેવી પોલીસ મથકમાં પણ ગુન્હા નોંધાયેલા હોવાનું બહાર આવ્યું છે. આ શખ્સની અટકાયત કરી તેનો કબજો સિટી સી ડિવિઝન પોલીસ સ્ટેશનને સોંપી આપવામાં આવ્યો છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial