Author: નોબત સમાચાર
ભાગીદારીના મામલે હોટલ સંચાલકો વચ્ચે વિખવાદમાં એક કર્મચારી પર ટોળાનો હુમલો
એક ભાગીદાર અને અન્ય બારેક શખ્સે આડેધડ ફટકાર્યાે:
જામનગર તા. ૨૭: જામનગરના ભાગોળે આવેલી હોટલ વિશાલના ભાગીદારો વચ્ચે ચાલતા વિખવાદ વચ્ચે મંગળવારની રાત્રે હોટલના એક કર્મચારીને નોકરી પર ન જવાનું ફરમાન કરી મળવા બોલાવાયા પછી એક ભાગીદાર તથા તેમની સાથે રહેલા અન્ય બારેક જેટલા શખ્સોએ ધોકા, લાકડી, પાઈપથી હુમલો કરી આ યુવાનને લમધારી નાખ્યો હતો.
જામનગરના સત્યમ્ કોલોની વિસ્તારમાં વસવાટ કરતા અને સમર્પણ હોસ્પિટલ પાસે આવેલી વિશાલ હોટલમાં નોકરી કરતા અમિતભાઈ ચંદુભાઈ ચુડાસમા નામના ખવાસ યુવાનને મંગળવારે રાત્રે મિલન હંજડા નામના વ્યક્તિએ ફોન કરીને આવતીકાલથી નોકરીએ ન જતો તેમ કહેતા અમિતે કારણ પૂછ્યું હતું. તેથી તેને વાત કરવા માટે રાત્રે સાડા બારેક વાગ્યે સત્યમ્ કોલોની નજીકના અન્ડર બ્રિજ પાસે બોલાવવામાં આવ્યો હતો.
ત્યાં પહોંચેલા અમિત પર લાકડી, પાઈપ, ધોકાથી મિલન હંજડા, અનિલ ભદ્રા, કિરીટભાઈ ભદ્રા તથા દસેક જેટલા અજાણ્યા વ્યક્તિઓએ હુમલો કરી આડેધડ માર માર્યાે હતો. આંખ, માથા, છાતી, પગ, કાન તથા વાંસામાં ઈજા પામેલ અને લોહીલુહાણ બની ગયેલા અમિતને સારવારમાં ખસેડવામાં આવ્યો છે. જ્યાંથી તેણે ગઈરાત્રે પોલીસમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ અમિતના નોકરીના સ્થળે-વિશાલ હોટલમાં ભાગીદાર તરીકે રહેલા મિતેશભાઈ કનખરા તથા બીજા ભાગીદાર કિરીટભાઈ ભદ્રા વચ્ચે ભાગીદારી બાબતનો વિવાદ ચાલી રહ્યો છે. તે દરમિયાન અમિત ચુડાસમાને નોકરી પર ન જવાનું કહી ઉપરોક્ત ટોળાએ હુમલો કરી માર માર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
