Author: નોબત સમાચાર
દરેડ-મસીતીયા રોડ પર દુકાનમાંથી ઝડપાયું ગેસનું ગેરકાયદે રીફીલીંગ
મુદ્દામાલ સાથે બે શખ્સની કરાઈ અટકાયતઃ
જામનગર તા.૯ : જામનગરના દરેડથી મસીતીયા વચ્ચેના રોડ પર આવેલી એક દુકાનમાં ગઈકાલે પોલીસે દરોડો પાડી રાંધણગેસનું ગેરકાયદે રીફીલીંગ પકડી પાડ્યું છે. ખાલી-ભરેલા બાટલા તેમજ રેગ્યુલેટર સહિતનો મુદ્દામાલ કબજે કરાયો છે.
જામનગર નજીકના દરેડ પાસે મસીતીયા રોડ પર આંગણવાડી નજીક એક મકાનમાં રાંધણગેસના બાટલા માંથી ગેરકાયદેસર રીતે રીફીલીંગ કરાતું હોવાની બાતમી મળતા ગઈકાલે પંચકોશી બી ડિવિઝન પોલીસે દરોડો પાડ્યો હતો.
ત્યાં આવેલી યાસીન ઉર્ફે ઘોઘા લતીફ મેકાણી તથા ઈકબાલ ફિરોઝ ખફી નામના મસીતીયાના બે શખ્સની દુકાનમાંથી ગેરકાયદે રીફીલીંગ મળી આવ્યું હતું. સ્થળ પરથી પોલીસે સેફ્ટીના કોઈ જ સાધન રાખ્યા વગર ભરેલા બાટલામાંથી ખાલી બાટલામાં ગેસ ટ્રાન્સફર કરાતો હોવાનું કૌભાંડ પકડી પાડ્યું છે. ગેસ ભરેલા બે બાટલા અને બે ખાલી બાટલા તેમજ એક નાનો બાટલો, રેગ્યુલેટર, વજનકાંટો તથા નોઝલ કબજે કરી યાસીન અને ઈકબાલ ખફી સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
