Author: નોબત સમાચાર
દોઢિયા પ્રા.શાળામાં પ્રવેશોત્સવ
બાળકોને પુરસ્કૃત કરાયાઃ નોટબુક વિતરણ
જામનગર તા. ૫: દોઢિયા પ્રાથમિક શાળામાં કન્યા કેળવણી મહોત્સવ અને શાળા પ્રવેશોત્સવની ઉજવણી કરવામાં આવી હતી. જેમાં મુખ્ય મહેમાન તરીકે અધિક્ષક ઈજનેર વાય.આર. જાડેજા, તલાટી-મંત્રી ધર્મિષ્ઠાબેન, સીઆરસી ટિનેશભાઈ વ્યાસ, માજી સરપંચ-ઉપસરપંચ, એમ.એસ.સી. ના અધ્યક્ષ સહિતના સભ્યો તથા વાલીઓએ હાજરી આપી હતી.
ચાલુ વર્ષે આંગણવાડી અને બાલવાટિકામાં પ્રવેશ મેળવતા બાળકોને મહેમાનોના વરદ હસ્તે પ્રવેશકીટ આપીને ઉત્સાહભેર પ્રવેશ આપવામાં આવ્યો હતો. કાર્યક્રમમાં શાળાના વિદ્યાર્થી મેડા મુન્નીએ વકતવ્ય રજૂ કર્યુ હતું. ગત વર્ષની હાજરીમાં પ્રથમ ક્રમાંક મેળવનાર ધો. ૧ થી ૮ના વિદ્યાર્થીઓ તેમજ સીઈટી પરીક્ષામાં ઉત્કૃષ્ટ દેખાવ કરનાર વિદ્યાર્થીઓનું મહેમાનોના હસ્તે પુરસ્કાર આપીને સન્માન કરવામાં આવ્યું હતું. તેમજ તમામ બાળકોને વાલીઓના સહયોગથી ફૂલસ્કેપ નોટબુકનું નિઃશુલ્ક વિતરણ કરવામાં આવ્યું હતું. કાર્યક્રમનું સંચાલન વિદ્યાર્થીઓ અંજનીબા, ઉત્તમ અને અલીશાએ કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
