શાળા સહાયકોની ભરતી આઉટસોર્સના બદલે એસએમસી દ્વારા કરવા પ્રા. શિક્ષક સંઘની માંગણી

Author: નોબત સમાચાર

શાળા સહાયકોની ભરતી આઉટસોર્સના બદલે એસએમસી દ્વારા કરવા પ્રા. શિક્ષક સંઘની માંગણી

ગુજરાતની સરકારી પે-સેન્ટર શાળાઓમાં વહીવટી કામ માટે

જામનગર તા. ૬: પ્રાથમિક શાળાઓમાં શાળા સહાયકની ભરતી આઉટ-સોર્સ એજન્સીથી નહીં પણ સરકાર દ્વારા કરવા માંગણી ગુજરાત રાજય નગર પ્રાથમિક શિક્ષણ સંઘે કરી છે.

ગુજરાત સરકાર ના શિક્ષણ વિભાગ દ્વારા રાજ્ય ની પે-સેન્ટર શાળા ઓ માં વહીવટી બાબતો માં મદદરૂૂપ થાય તેવા હેતુ સાથે 'શાળા સહાયક યોજના' હેઠળ કોમ્પ્યુટરનાં જાણકાર સ્ટાફ ની પે-સેન્ટર શાળા માટે નિમણૂક કરવાની જોગવાઈ કરવામાં આવી છે.

આ સંદર્ભે ગુજરાત રાજ્ય નગર પ્રાથમિક શિક્ષક સંઘ દ્વારા શિક્ષણ મંત્રી ડો. કુબેર ડિડોર ને શાળા સહાયક ની નિમણૂક એસ.એમ.સી મારફત કરવા અને પગાર સમગ્ર શિક્ષા હેઠળ ચૂકવવામાં આવે તેવી જોગવાઈ કરવા ઉપરાંત ૩૦૦ થી વધુ વિદ્યાર્થીવાળી તમામ શાળાઓને તેમજ તમામ પે-સેન્ટરને સહાયક ફાળવવા અને પે-સેન્ટર શાળામાં ફેરબદલ નહીં કરવા સહિત માંગણી કરી છે.

આ ઉપરાંત કોમ્પ્યુટરની વિશેષ લાયકાત ધરાવતા ઉમેદવારો પસંદ કરવા અગ્રતા આપવા નો નિર્ણય લેવામાં આવે તેવી લેખિત રજૂઆત કરી છે. અને આ બાબતે રૂૂબરૂૂ ચર્ચા કરી આ નિર્ણય માં સુધારાઓ કરવો ત્યાર પછી યોજના અમલમાં મૂકવા રજૂઆત કરી હોવાનું ગુજરાત રાજ્ય નગર પ્રાથમિક શિક્ષક સંઘના પ્રમુખ ચંદ્રકાંત ખાખરીયા અને મહામંત્રી મનોજભાઈની યાદીમાં જણાવવામાં આવ્યું છે.

જો આપને આ પોસ્ટ ગમી હોય તો શેર કરો...