Author: નોબત સમાચાર
ધ્રોલ-જોડિયા માર્ગ પર ખાડામાં મોટર પડી જતાં બે વ્યક્તિને ઈજાઃ ૧૦૮ દોડી
આજે વહેલી સવારે સર્જાયો અકસ્માતઃ
જામનગર તા. ૨૭: ધ્રોલથી જોડિયા વચ્ચેના રોડ પર માવાપરના પાટીયા નજીક આજે સવારે એક મોટર ખાડામાં પડી જતા મોટરમાં જઈ રહેલા બે વ્યક્તિને ઈજા થઈ છે. ઈજાગ્રસ્તોને વધુ સારવાર માટે જામનગર ખસેડવામાં આવ્યા છે.
ધ્રોલથી જોડિયા તરફ જવાના માર્ગ પર આવેલા માવાપર ગામના પાટીયા પાસે આજે વહેલી સવારે પસાર થતી એક મોટર નજીકમાં આવેલા ખાડામાં ખાબકતા અકસ્માત સર્જાયો હતો.
ઉપરોક્ત મોટરમાં જઈ રહેલા બે વ્યક્તિને ઈજા થઈ છે. બનાવના સ્થળે હાજર લોકોએ ત્યાં દોડી જઈ મોટરમાંથી બંને વ્યક્તિને બહાર કાઢ્યા પછી સારવાર માટે ૧૦૮ મારફત ધ્રોલની સરકારી હોસ્પિટલમાં ખસેડ્યા હતા જ્યાં પ્રાથમિક સારવાર આપવામાં આવ્યા પછી બંને ઈજાગ્રસ્તને વધુ સારવાર માટે જામનગરની જી.જી. હોસ્પિટલમાં લઈ જવામાં આવ્યા છે.
આ રોડ પર રહેલા અંધારાના કારણે મોટર ખાડામાં ખાબકી ગઈ હોવાનું જાણવા મળી રહ્યું છે. બનાવની જાણ થતાં પોલીસ કાફલો પણ દોડી આવ્યો હતો. ડીએલ-૮-સીએડબલ્યુ ૨૯૦૯ નંબરની આ મોટરમાં બે જ વ્યક્તિ હોવાનું જાણવા મળ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
