વિદ્યાર્થીને રોકી ચાર શખ્સે માર મારવા ઉપરાંત જ્ઞાતિ પ્રત્યે હડધૂત કર્યાની ફરિયાદ

Author: નોબત સમાચાર

વિદ્યાર્થીને રોકી ચાર શખ્સે માર મારવા ઉપરાંત જ્ઞાતિ પ્રત્યે હડધૂત કર્યાની ફરિયાદ

ઝઘડાનું સમાધાન થયા પછી પણ માર માર્યાે:

જામનગર તા. ૨૭: જામનગરના મોમાઈનગરમાં રહેતા એક વિદ્યાર્થીને મંગળ વારે ચાર શખ્સે માર મારવા ઉપરાંત જ્ઞાતિ પ્રત્યે હડધૂત કરતા પોલીસમાં ફરિયાદ થઈ છે. થોડા કલાક પહેલાં થયેલા ઝઘડાનું સમાધાન થઈ ગયા પછી પણ આ યુવાન પર હુમલો કરાયો હતો.

જામનગરના ગાંધીનગર નજીકના મોમાઈનગરની શેરી નં.પમાં રહેતા ઉદય નિલેશભાઈ ગંગેરા નામના વિદ્યાર્થીને મંગળવારે વિદ્યાસાગર કોલેજ પાસે રોકી લઈ રામેશ્વરનગરમાં રહેતા મનદીપસિંહ ગોહિલ તથા ધરારનગરવાળા સુજાદ ખફીએ ગાળો ભાંડ્યા પછી ઉદયના મિત્ર રઈશ મલેકની હાજરીમાં જ્ઞાતિ પ્રત્યે હડધૂત કર્યા પછી મનદીપે કમરપટાથી અને સુજાદે ઢીકાપાટુથી માર માર્યાે હતો.

ત્યારપછી બંને પક્ષ વચ્ચે સમાધાન થઈ ગયું હતું અને સાંજે આઠેક વાગ્યે ઉદય જ્યારે પોતાના ઘર તરફ જતો હતો ત્યારે ગાંધીનગર રોડ પર નવી કોર્ટ નજીક મનદીપ, સુજાદ, ખોડિયાર કોલોનીમાં રહેતા રોનક ખફી તથા અદનાન સુમરાએ રોકી લઈ ફરીથી જ્ઞાતિ પ્રત્યે હડધૂત કરી ગાળો ભાંડવા ઉપરાંત ફડાકા ઝીંકી માર માર્યાે હતો. પોલીસે એટ્રોસિટી એક્ટ સહિતની કલમો હેઠળ ચારેય શખ્સ સામે ગુન્હો નોંધી તપાસ આદરી છે.

જો આપને આ પોસ્ટ ગમી હોય તો શેર કરો...