લાલપુરના પીપળી પાસે બળદ આડો ઉતરતા મોટરસાયકલ અથડાયુંઃ એકનું મૃત્યુ

જામનગર તા.૧૧ ઃ લાલપુરના પીપળી રોડ પર શનિવારે રાત્રે એટીએમ કાર્ડ આપી પરત ફરતા નગરના ત્રણ યુવાનોના બાઈક આડે બળદ ઉતરતા અકસ્માત સર્જાયો હતો જેમાં એક યુવાનનું મૃત્યુ થયું છે અને અન્ય બે ગંભીર ઈજા પામ્યા છે.

લાલપુર તાલુકાના પીપળી રોડ પરથી શનિવારે રાત્રે જામનગરના ગોકુલનગર નજીકના રામનગરમાં રહેતા હિતેશભાઈ દેશુરભાઈ કંડોરિયા (ઉ.વ.ર૭) અને તેમના મિત્ર ભરતભાઈ હર્ષદભાઈ રાઠોડ (ઉ.વ.૧૮) તથા મનોજભાઈ શાંતિલાલ કટેશિયા (ઉ.વ.૧૭) નામના ત્રણ યુવકો શનિવારે સાંજે પોતાના કામસર જીજે-૧૦-ડીબી ૬૧૦૫ નંબરના મોટરસાયકલમાં જામનગરથી ગયા પછી પરત ફરતા હતા ત્યારે વાહન ચલાવી રહેલા હિતેશભાઈએ પીપળી રોડ પર અચાનક દોડતો બળદ આડે ઉતરતા તેની સાથે બાઈક અથડાવી દીધું હતું. આ અકસ્માતમાં ત્રણેય યુવાનો ગંભીર રીતે ઘવાયેલા હતા. સ્થળપર હાજર લોકોએ ૧૦૮ને જાણ કરી જામનગરની જી.જી. હોસ્પિટલમાં ખસેડયા હતા જ્યાં હિતેશભાઈનું સારવાર કારગત નિવડે તે પહેલા મૃત્યુ થયું છે. જ્યારે મનોજભાઈને વધુ સારવાર માટે અમદાવાદ દવાખાને ખસેડવામાં આવ્યા છે. આ બનાવની રાજેશ દેશુરભાઈ કંડોરિયાએ પોલીસમાં ફરિયાદ નોંધાવી છે. જમાદાર હરિહર પાંડવે આઈપીસી ૩૦૪ (અ) સહિતની કલમો હેઠળ હિતેશભાઈ સામે ગુન્હો નોંધાવ્યો છે.

close
Nobat Varsik Lavajam Yojna 2020-21
close
PPE Kit