| | |

જામનગરમાં મસીના ઉપદ્રવથી લોકો ભારે પરેશાનઃ તંત્ર લાચાર

જામનગર તા.૧૨ ઃ જામનગરમાં મસીનો ઉપદ્રવ વધતા શહેરીજનો ત્રાહિમામ પોકારી ઉઠયા છે ખાસ કરીને સ્કૂટર, બાઈક ચાલકો ત્રાસી ગયા છે. બીજી તરફ એવી માગણી ઉઠવા પામી છે કે ફોગીંગ મશીનનો ઉપયોગ કરવાની જરૃર છે. જો કે તંત્ર એમ કહે છે કે, મશીનનો ઉપયોગ અલ્પ ફાયદાકારક સાબિત થાય તેમ છે.

જામનગરમાં દર વર્ષ શિયાળામાં મસીનું આક્રમણ થાય છે. પરિણામે ટુ વ્હીલર વાહનચાલકોને ભારે પરેશાની ભોગવવી પડી છે. હાલમાં પણ છેલ્લા ત્રણેક દિવસથી મસીનો ભારે ઉપદ્રવ જોવા મળતા વાહનચાલકોની હાલાત ભારે કફોડી બની રહી છે. લોકો એવી માગણી કરી રહ્યા છે કે, મહાનગર પાલિકાએ ફોગીંગ મશીનનો ઉપયોગ કરવો જોઈએ.

જો કે તંત્ર એમ કહે છે કે આવડા મોટા શહેરમાં ફોગીંગ મશીનનો ઉપયોગ અલ્પ ફાયદાકારક સાબિત થાય તેમ છે.

બાકી આવો ઉપદ્રવ ચાર-પાંચ દિવસ સુધી જ રહેતો હોય આ પછી આપોઆપ મસી અદૃશ્ય થઈ જાય છે. એટલે કે હવે નગરજનોએ સમય પસાર કર્યા સિવાય તકલીફ ભોગવવા સિવાય વિકલ્પ નથી.

close
Nobat Varsik Lavajam Yojna 2020-21
close
PPE Kit