| | |

ખંભાળીયાની સરકારી હોસ્પિટલમાં પાંચ મેડિકલ ઓફિસરની જગ્યાઓ ખાલી

ખંભાળીયા તા. ૧૧ઃ ખંભાળીયાના સરકારી હોસ્પિટલમાં મેડિકલ ઓફિસર તરીકે વર્ષોથી ફરજ બજાવતા ડો. રાજેને સ્વૈચ્છિક નિવૃત્તિ લઈને રાજીનામું મુકતા આરોગ્ય વિભાગે તે મંજુર કરતા ખંભાળીયાની સરકારી હોસ્પિટલમાં દર્દીઓને વર્ષોથી મળતી સેવા બંધ થઈ છે.

મિલનસાર સ્વભાવવાળા તથા કોઈ પણ સમયે દર્દી માટે તત્પર રહેતા ડો. રાજેન વર્ષોથી ખંભાળીયાની સરકારી હોસ્પિટલમાં સેવા આપતા હતા. વર્ષો સુધી ઢગલાબંધ ઓ.પી.ડી. કોઈ ફરિયાદ વગર કરતા આવ્યા હતા. ગ્રામ્ય વિસ્તારમાં દર્દીઓમાં ખૂબ લોકપ્રિય સેવાભાવી તબીબ તરીકે છાપ ધરાવતા હતા. ખંભાળીયાની સરકારી હોસ્પિટલ જિલ્લાની સૌથી મોટી હોસ્પિટલ હોય તથા અહીં રોજના ૮૦૦-૧૦૦૦ આઉટડોર પેશન્ટ વચ્ચે માત્ર આઠ તબીબોની મેડિકલ ઓફિસરની જગ્યા છે. તે પણ ડો. રાજેન જતા પાંચ જગ્યા ખાલી થતા દર્દીઓની હાલાકીમાં વધારો થવા પામ્યો છે.

close
Nobat Varsik Lavajam Yojna 2020-21
close
PPE Kit