સૈનિક શાળા બાલાચડીમાં ગૌરવ અને ઉમંગભેર 'ભારતીય આર્મી ડે' ઉજવાયો

Author: નોબત સમાચાર

સૈનિક શાળા બાલાચડીમાં ગૌરવ અને ઉમંગભેર 'ભારતીય આર્મી ડે' ઉજવાયો

ગૌરવ, ઉત્સાહ અને દેશભક્તિની ભાવના સાથે

જામનગર તા. ૨૨: બાલાચડીમાં ૭૮મો ભારતીય સેના દિવસ ગૌરવ અને દેશભક્તિના ઉત્સાહ સાથે ઉજવવામાં આવ્યો હતો. આ દિવસ ૧૯૪૯ માં બ્રિટિશ જનરલ સર ફ્રાન્સિસ બુચર પાસેથી જનરલ (બાદમાં ફિલ્ડ માર્શલ) કે એમ કરિપ્પાએ ભારતીય સેનાના પ્રથમ ભારતીય કમાન્ડર-ઈન-ચીફ તરીકે કાર્યભાર સંભાળ્યો તે ઐતિહાસિક પ્રસંગની પણ ઉજવણી કરે છે. આ પ્રસંગે સૈનિક સ્કૂલ બાલાચડીના પ્રિન્સિપાલ કર્નલ શ્રેયશ મહેતાએ સ્કૂલ શૌર્ય સ્તંભ પર પુષ્પાંજલિ અર્પણ કરીને શ્રદ્ધાંજલિ અર્પણ કરી, આ કાર્યક્રમમાં કેડેટ્સ દ્વારા ભારતીય સેનાના ઈતિહાસ, મુખ્ય યુદ્ધો અને કામગીરી, સિદ્ધિઓ અને રાષ્ટ્રીય સુરક્ષામાં સેનાના અમૂલ્ય યોગદાન પર પ્રકાશ પાડતી ખૂબ જ પ્રેરણાદાયક પાવરપોઈન્ટ દ્વારા પ્રેઝન્ટેશન રજૂ કરવામાં આવ્યું હતું. યુવા કેડેટ્સને પ્રેરણા આપવા માટે પ્રેરક વિડીયો પણ પ્રદર્શિત કરવામાં આવ્યા હતાં.

ઉજવણીના મહત્ત્વમાં વધારો કરવા, કેડેટ્સે આર્મી ડે ની ઉત્પતિ અને શહીદ કેપ્ટન વિક્રમ બન્ના, પીવીસીના જીવન અને સર્વોચ્ચ બલિદાનને દર્શાવતી પ્રભાવશાળી સ્ક્રીપ્ટ્સ રજૂ કરી જેણે પ્રેક્ષકોને ખૂબ જ પ્રભાવિત કર્યા.

સભાને સંબોધતા મુખ્ય અતિથિ કર્નલ શ્રેયશ મહેતા, સૈનિક સ્કૂલ બાલાચડીના પ્રિન્સિપાલ સૌને ખુશીથી અને ગૌરવપૂર્ણ રીતે આર્મી ડે ની શુભેચ્છા પાઠવી અને તમામ કેડેટ્સની પ્રશંસનીય પ્રસ્તુતિઓ માટે તેમના પ્રયાસોની પ્રશંસા કરી. તેમણે કેડેટ્સને વ્યાપકપણે વાંચવા માટે પ્રેરિત કર્યા, પ્રયાસ કરવાથી ડરવું નહીં અને ભયને શક્તિમાં રૂપાંતરિત કરવા વિનંતી કરી. સૈનિક અને લીડરતા માટે આવશ્યક મૂલ્યો પર ભાર મૂકતા, મિત્રતા, સૂચનાઓનું કડક પાલન અને ગણવેશ પહેરવામાં સન્માન અને ગર્વના મહત્ત્વ પર પ્રકાશ પાડ્યો.

માર્ટિન લ્યુથર કિંગ જુનિયરના શબ્દોને ટાંકીને "જો હું મહાન કાર્યો ન કરી શકું, તો હું નાના કાર્યો પણ મહાન રીતે કરી શકું છું." તેમણે ભારપૂર્વક જણાવ્યું કે નમ્રતા, સ્પષ્ટતા અને હિંમત એ નેતૃત્વના ત્રણ આવશ્યક પાસાં છે. તેમણે થિયોડોર રૂઝવેલ્ટના પ્રેરણાદાયી શબ્દો સાથે પોતાનું ભાષણ સમાપ્ત કર્યુ, "તમે જે કરી શકો તે કરો, તમારી પાસે જે છે તેનાથી, તમે જ્યાં પણ હોવ ત્યાં કરો" આ સૂત્ર દ્વારા કેડેટ્સમાં ઉત્સાહ વધાર્યો અને આ ઉજવણીએ કેડેટ્સમાં દેશભક્તિ, શિસ્ત અને નેતૃત્વની ભાવનાને મજબૂત બનાવી, જે ખરેખર ભારતીય સેનાના નૈતિકતાને પ્રતિબિંબિત કરે છે.

આ કાર્યક્રમનું કાર્યક્ષમ રીતે સંકલન એનસીસી એએનઓ થર્ડ ઓફિસર પિયુષ વિરમગામા દ્વારા કરવામાં આવ્યું હતું.

જો આપને આ પોસ્ટ ગમી હોય તો શેર કરો...