Author: નોબત સમાચાર
નવા જેલ રોડ પર ગરબી ચોકમાં મકાનમાંથી ઈંગ્લીશની ૪૦ બોટલ, બીયરના ટીન કબજ
આણંદપર ચેકપોસ્ટ પરથી મોટરમાં લઈ જવાતો દારૂ પકડાયોઃ
જામનગર તા. ૨૫ઃ જામનગરના નવા જેલ રોડ પર ગરબી ચોકમાં એક શખ્સના મકાનમાં પોલીસે પૂર્વ બાતમીના આધારે દરોડો પાડી તલાશી લેતા ત્યાંથી ઈંગ્લીશ દારૂની ચાલીસ બોટલ અને બીયરના આઠ ટીન મળી આવ્યા હતા. મોહનનગર સામેથી એક શખ્સ બોટલ સાથે ઝડપાયો હતો. જશવંત સોસાયટીમાં મકાનમાંથી આઠ બોટલ દારૂ સાંપડ્યો છે અને કાલાવડના આણંદપર ચેકપોસ્ટ પરથી મોટરમાં લઈ જવાતી સાત બોટલ પોલીસે કબજે કરી છે.
જામનગરના પવનચક્કી વિસ્તારમાં આવેલા નવા જેલ રોડ પર ગરબી ચોકમાં એક શખ્સના મકાનમાં દારૂનો જથ્થો પડ્યો હોવાની બાતમી પરથી ગઈકાલે સાંજે સિટી એ ડિવિઝનના સર્વેલન્સ સ્ટાફે પીઆઈ એન.એ. ચાવડાની સૂચનાથી દરોડો પાડ્યો હતો.
ત્યાં આવેલા આનંદસિંહ વિજયસિંહ વાઢેરના મકાનમાં પોલીસે તલાશી લેતા ત્યાંથી ઈંગ્લીશ દારૂની ૪૦ બોટલ, બીયરના ર૮ ટીન મળી આવ્યા છે. પોલીસે રૂા.૨૨૮૦૦નો દારૂનો જથ્થો કબજે કરી આનંદસિંહની ધરપકડ કરી છે. તેણે આ જથ્થો બિપીન મુછડીયા ઉર્ફે લાકડી તથા જડેશ્વર પાર્કવાળા હરેશ મનસુખભાઈ પોપટે આપ્યાની કબૂલાત કરી છે.
જામનગરના ગુલાબનગર સામેના મોહનનગર પાસેથી ગઈકાલે રાત્રે હીરેન ગોપાલભાઈ હડીયલ નામનો શખ્સ દારૂની બોટલ સાથે ઝડપાઈ ગયો છે.
જામનગરના નવાગામ ઘેડમાં આવેલી જશવંત સોસાયટીમાં રહેતા સુનિલ ઝાલા ઉર્ફે લાલા નામના શખ્સના મકાનમાં ગઈકાલે રાત્રે સિટી બી ડિવિઝનના પીઆઈ પી.પી. ઝાની સૂચનાથી સર્વેલન્સ સ્ટાફે દરોડો પાડી તલાશી લેતા ત્યાંથી ઈંગ્લીશ દારૂની આઠ બોટલ મળી આવી હતી. દરોડા પહેલા સુનિલ નાસી ગયો હતો.
કાલાવડ તાલુકાના આણંદપર ગામ પાસે ચેકપોસ્ટ પરથી ગઈકાલે સાંજે જીજે-૩-એબી ૯૭૩૦ નંબરની મોટર પસાર થઈ હતી. તેને રોકાવી પોલીસે ચેક કરતા તેમાંથી ઈંગ્લીશ દારૂની સાત બોટલ મળી આવી હતી. પોલીસે બોટલ તથા મોટર કબજે કરી રાજકોટના લોધીકા તાલુકાના રાતૈયા ગામના સાગર પ્રેમજીભાઈ મકવાણાની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
